ភ្នំពេញ ៖ ក្រសួងរៀបចំ​ដែនដី នគរូបនីយកម្ម និងសំណង់ បាន​រៀបចំ​សន្និបាត​បូក​សរុប​លទ្ធផល​ការងា​រ​ប្រ​ចាំ​ឆ្នាំ​២០២៤​ និងទិសដៅ​សម្រាប់​អនុវត្ត​ឆ្នាំ២០២៥​ខាងមុខនេះ ដែលពិធីធ្វើឡើង​នៅថ្ងៃទី​២៥​ និង​២៦ ខែវិច្ឆិកា ឆ្នាំ២០២៤ នៅទីស្ដីការ​ក្រសួង​រៀបចំដែនដី នគរូប​នីយកម្ម​ និង​សំណង់ ។ 

នៅក្នុង​ឱកាស​បើ​កសន្និបាតនាព្រឹកថ្ងៃ​ទី២៥ ខែវិច្ឆិកា​ ឆ្នាំ២០២៤ ឯកឧត្តម ​សាយ​ សំអាល់ ឧប​​នាយករដ្ឋមន្ត្រី​ និងជា​រដ្ឋ​មន្ត្រី​ក្រសួង​រៀបចំដែនដី​ នគរូបនីយកម្ម​ និងសំណង់ បានថ្លែង​ទៅកាន់​អង្គ​​ពិធី​ទាំងអស់​ឱ្យដឹងថា ក្នុ​ងរ​យៈពេ​ល ១ឆ្នាំដើមអាណត្តិទី៧ នេះ ក្រសួងរៀបចំដែនដី នគរូបនីយកម្ម និងសំណង់ បាន និ​ងកំ​ពុ​ង​ឆ្លើ​យ​តប​ប្រ​ក​ប​ដោ​យប្រ​សិ​ទ្ធភាព​ទៅ​នឹង​យុទ្ធ​សាស្រ្តបញ្ចកោណ ដំណាក់កាលទី១ ​រ​បស់រាជរដ្ឋាភិបាល និងគោលនយោ​បា​យ​អា​ទិ​​ភា​ព​គ​ន្លឹះទាំ​ង​៥ ​រ​បស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។

ឯកឧត្តម ឧបនាយករដ្ឋមន្ត្រី បានបញ្ជាក់ថា ៖

«ជាមួយគ្នានេះ ក្រសួងសម្រេចបាននូវសមិទ្ធិផលសំខាន់ៗជាច្រើន ស្របតាមទស្សនវិស័យវែងឆ្ងាយ ជាក់​ស្តែង និងប្រាកដ​និយមរ​បស់រា​ជ​រដ្ឋាភិបាល។ ទន្ទឹមនឹងការធា​នាបាន​នូវស​ន្តិសុ​ខ​ន​យោ​បាយ និងសន្តិសុ​​ខ​សេ​​ដ្ឋកិច្ច បញ្ចប់ភាព​ចម្រូង​ចម្រាស​ក្នុង​សង្គ​ម​ទាំង​មូល​នា​ពេលបច្ចុប្បន្ន ជាកិច្ចការបន្ទាប់​របស់ក្រសួង ក្នុង​ដំណើ​រឆ្ពោះទៅសម្រេចចក្ខុវិស័យកម្ពុជាឆ្នាំ២០៥០ ក្លាយជាប្រទេសចំណូលខ្ពស់របស់ ​សម្តេច​ធិប​​តី​នា​យ​ក​រ​ដ្ឋ​មន្ត្រី នេះជាពេលវេលាដែលយើងត្រូវងាកមកផ្តោតលើការងារស្នូលរបស់ក្រសួង ដែ​លជាឫសរយាង គឺ​សម​រ​​​ភូ​មិ​ទី៣ ទី៤ និងទី៥ និងការងារបន្តបន្ទាប់ក្នុងការបម្រើប្រជាជនកម្ពុជា»។

នៅក្នុងឱកាសនេះ ឯកឧត្តមក៏​បានមានប្រសាសន៍​ប្ដេជ្ញា​ក្នុងកា​រសម្រេច​ឱ្យបាននូវ​ចក្ខុវិស័យ​របស់​រាជរដ្ឋាភិបាលក្លាយជា​ប្រ​ទេស​មានប្រាក់ចំណូល​មធ្យម​កម្រិតខ្ពស់នៅឆ្នាំ២០៣០ និង​ប្រទេស​មានប្រាក់ចំណូលខ្ពស់​​នៅឆ្នាំ២០៥០ ដោយ​ក្រសួង​នឹង​រៀបចំផែនការ​​អភិវឌ្ឍ​​តំបន់​នានា​នៅក្នុង​ប្រទេស​កម្ពុជា​ឱ្យស័ក្តិសម​ជា​ប្រទេស​មានប្រាក់ចំណូល​មធ្យមកម្រិត និង​ប្រាក់ចំណូល​កម្រិត​ខ្ពស់ និង​ស័ក្តិសម​ឈ្មោះថា «កម្ពុជា​មាតុភូមិ​ខ្ញុំ»​ ដោយ​នឹង​រៀបចំ​ភូ​មិ​ឋា​ន​ មិ​នថា​​ទីជន​បទ​ ឬទីក្រុង​ឱ្យមានសណ្ដាប់ធ្នាប់ មានសាលា​រៀន មានមន្ទីរពេទ្យ មានហេដ្ឋារចនាសម្ព័ន្ធ មានទឹក មានភ្លើង និងមានផ្លូវ ។

ឯកឧត្តមបន្ថែមថា ទន្ទឹមនឹង​នេះដែរ ក្រសួង​នឹង​រៀបចំទីក្រុង​ឱ្យ​ក្លាយជា​ទីក្រុង​ទាក់ទាញ ទីក្រុង​ដែល​មាន​មនុស្ស​ដើរ​២៤​ម៉ោង រៀបចំក្រុងឱ្យក្លាយជា​ក្រុង​ស៊ីវិល័យ មិនត្រឹមតែទាក់ទាញ​អ្នកក្នុងស្រុក តែក៏ទាក់​ទាញ​មនុ​ស្ស​​​នៅ​ក្រៅស្រុក​មកលេង​ទីក្រុង​​កម្ពុជា​កាន់តែ​ច្រើនឡើង​ៗ​ ។

គួរ​បញ្ជាក់​ដែរថា សមរភូមិទាំង៥ ដែលឯកឧត្តមឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានលើកឡើងខាងលើរួមមាន ៖

ឯកឧត្តមឧបនាយករដ្ឋមន្ត្រី សាយ សំអាល់ បាន ចែករំលែកពីសមរភូមិទាំង៥របស់ក្រសួង ដែលក្នុងនោះរួមមាន៖

• សមរភូមិទី១: ធានានិនរន្តភាពដំណើរការរបស់ក្រសួង ជ្រោងទង់សាមគ្គី និងឯកភាពផ្ទៃក្នុងដំណើរការស្ថាប័ន ធនធានមនុស្ស និងធានាហិរញ្ញវត្ថុសាធារណៈ។
• សមរភូមិទី២: ដោះស្រាយភាពចម្រូងចម្រាសក្នុងសង្គមតាមរយៈកាចុះបញ្ជីដីបង្ហើយ ដោះស្រាយវិវាទដីធ្លី សេវាសាធារណៈគាប់ចិត្ត ដោះស្រាយបញ្ហានៅតំបន់បឹងទន្លេសាប តំបន់រមណីយដ្ឋានអង្គរ និងវិវាទតាមបុរី។
• សមរភូមិទី៣: កសាងពូនជ្រំរដ្ឋបាលសាធារណៈវាងវៃ និងឆ្លាតវៃ តាមរយៈការរៀបចំបទដ្ឋានគតិយុត្តិ ពង្រឹងសមត្ថភាពមន្ត្រីរាជការ ពង្រឹងសមត្ថភាពស្ថាប័ន និងការលើកទឹកចិត្តមន្ត្រី គ្រប់គ្រងថវិកាហិរញ្ញវត្ថុ។
• សមរភូមិទី៤: ការរៀបចំដែនដី : កម្ពុជាមាតុភូមិខ្ញុំ ផ្អែកលើសក្តានុពលសេដ្ឋកិច្ច។ ការរៀបចំនគរូបនីយកម្ម: កសាងបំណិនជីវិត ទីប្រជុំជន (រៀបចំក្រុងមាន ផ្លូវ លូមធ្យោបាយធ្វើដំណើរ…) បុរីជនបទ (ទឹក ភ្លើង ផ្លូវ សាលារៀន មន្ទីរពេទ្យ) ភូមិឋានក្សេមក្សាន្ត (បញ្ញាវន្តភាព ភាពចេះដឹង) ទ្រនំសុភមង្គល(ផ្ទះសម្បែងដែលមានទំនាក់ទំនងល្អរវាងឪពុកមា្តយកូន និងទំនៀមទំលាប់ល្អ)។
• សមរភូមិទី៥: ស្ថាបត្យកម្មខ្មែរនាសហសម័យកម្ពុជា: សុវត្ថិភាព និងគុណភាពសំណង់។ កម្ពុជារុងរឿង: ឧស្សាហកម្មសំណង់នៅតែបន្ត ឧស្សាហកម្មអចលនទ្រព្យ គ្រឿងបង្គុំសំណង់ ខ្សាច់ ឥដ្ឋ ស៊ីម៉ង់ ស្មាច់គ្រាក់ ឬស្សី ឧស្សាហកម្មសង្ហារឹម ឧស្សាហកម្មគ្រឿងលម្អ ឧស្សាហកម្មប្រាក់កម្ចី។

ដោយឡែក សម្រាប់ពិធី​បិទសន្និបាត​បូក​សរុប​លទ្ធផល​របស់​ក្រសួង​រៀបចំដែនដី នគរូបនីយកម្ម​ និង​សំណង់​ ដែលនឹងប្រព្រឹត្តនៅរសៀលថ្ងៃទី​២៦ ខែវិច្ឆិកា ឆ្នាំ២០២៤ នឹង​មានការ​អញ្ជើញចូលរួមជាអធិបតី​ដ៏ខ្ពង់ខ្ពស់ពីសំណាក់ សម្ដេច​មហា​បវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា​ផងដែរ ៕​