វិស័យឯកជនសាទរនឹងការសម្រេចរបស់រដ្ឋាភិបាលអនុម័តលើសេចក្ដីព្រាងច្បាប់វិនិយោគថ្មីនៅកម្ពុជា

ភ្នំពេញ ៖ សេចក្ដីព្រាងច្បាប់ថ្មីស្ដីពីការវិនិយោគនៅកម្ពុជា ត្រូវបានរាជរដ្ឋាភិបាលសម្រេចអនុម័តគាំទ្រទាំងស្រុងហើយនៅក្នុងកិច្ចប្រជុំគណៈរដ្ឋមន្ត្រី ដែលដឹកនាំដោយសម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។

នៅក្នុងកិច្ចប្រជុំគណៈរដ្ឋមន្ត្រីនៅព្រឹកថ្ងៃទី០៩ ខែកក្កដា ឆ្នាំ២០២១ តាមរយៈប្រព័ន្ធអនឡាញ (Zoom) បានសម្រេចគាំទ្រទាំងស្រុងទៅលើសេចក្ដីព្រាងច្បាប់ស្ដីពីការវិនិយោគថ្មី ដើម្បីជាមូលដ្ឋានគតិយុត្តិសម្រាប់ទាក់ទាញ និងផ្តល់វិសាលភាពដល់វិនិយោគិនងាយស្រួលក្នុងកិច្ចវិនិយោគមកកម្ពុជា។

រដ្ឋមន្ត្រីប្រតិភូអមនាយករដ្ឋមន្ត្រី ឯកឧត្តម ផៃ ស៊ីផាន បានលើកឡើងថា ការងារសិក្សា និងតាក់តែងសេចក្តីព្រាងច្បាប់បឋមនេះ ត្រូវបានធ្វើឡើងយ៉ាងម៉ត់ចត់ដោយក្រុមប្រឹក្សាអភិវឌ្ឍន៍កម្ពុជា (ក. អ. ក)។ នៅក្នុងកិច្ចដំណើរការនៃការតាក់តែងសេចក្តីព្រាងច្បាប់បានប្រជុំពិគ្រោះយោបល់ជាមួយតំណាងផ្នែកឯកជន និងអង្គពាក់ព័ន្ធផ្សេងទៀតជាច្រើនលើកច្រើនសារ ដើម្បីធ្វើការប្រមូលធាតុចូល។

ឯកឧត្តម សេចក្តីព្រាងច្បាប់ស្តីពីការវិនិយោគរៀបចំឡើងក្នុងគោលបំណងបង្កើតនូវក្របខ័ណ្ឌគតិយុត្តិដែលបើកចំហ មានតម្លាភាព អាចប៉ាន់ប្រមាណទុកជាមុនបានប្រកបដោយភាពអំណោយផលសម្រាប់ការវិនិយោគ ដើម្បីទាក់ទាញ និងលើកកម្ពស់ការវិនិយោគដោយបុគ្គលសញ្ជាតិខ្មែរ ឬបរទេសប្រកបដោយគុណភាព ប្រសិទ្ធភាព និងប្រសិទ្ធផល សំដៅអភិវឌ្ឍសង្គមសេដ្ឋកិច្ចនៅកម្ពុជា។

សេចក្តីព្រាងច្បាប់ក៏ត្រូវបានរៀបចំឡើងឱ្យមានភាពបត់បែនដោយមានការផ្តល់ការលើកទឹកចិត្តពិសេស ចំពោះវិស័យ និងសកម្មភាពវិនិយោគជាក់លាក់ណាមួយដែលមានសក្តានុពលខ្ពស់ក្នុងការចូលរួមចំណែកអភិវឌ្ឍជាតិ ស្របទៅតាមគោលនយោបាយរបស់រាជរដ្ឋាភិបាល ដោយការលើកទឹកចិត្តពិសេសនេះ នឹងត្រូវកំណត់នៅក្នុងច្បាប់ស្តីពីហិរញ្ញវត្ថុសម្រាប់ការគ្រប់គ្រង។ ដើម្បីផ្តល់ភាពកក់ក្តៅដល់វិនិយោគិន សេចក្តីព្រាងច្បាប់នេះ បានដាក់បញ្ចូលនូវកាតព្វកិច្ចជាអន្តរជាតិមួយចំនួនរបស់កម្ពុជា ដើម្បីបង្ហាញដល់វិនិយោគិនទាំងអស់នូវការប្តេជ្ញារបស់រាជរដ្ឋាភិបាលកម្ពុជាក្នុងការការពារវិនិយោគ និងផ្តល់ការធានាដោយអនុលោមតាមច្បាប់អន្តរជាតិនូវប្រព្រឹត្តកម្មដែលមិនរើសអើង ព្រមទាំងផ្តល់សេវាថែទាំវិនិយោគផងដែរ។

លោកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា បានសាទរទៅនឹងសេចក្ដីសម្រេច និងគាំទ្ររបស់រាជរដ្ឋាភិបាលទៅលើសេចក្ដីព្រាងច្បាប់វិនិយោគថ្មីនេះ ជាមួយនឹងភាពជឿជាក់ក្នុងការទទួលបានកំណើនវិនិយោគិនថ្មីៗមកបន្ថែមទៀត ដែលជាចំណែកមួយយ៉ាងសំខាន់ក្នុងការជួយពង្រឹងកំណើនសេដ្ឋកិច្ចជាតិកម្ពុជាទាំងមូល។

«ពិតជារឿងល្អបំផុតសម្រាប់វិស័យឯកជន ត្បិតក្រមនៅក្នុងច្បាប់វិនិយោគថ្មីនេះបានបញ្ចូលនូវធាតុផ្សំជាច្រើនក្នុងគោលបំណងជួយសម្រួលដល់វិស័យឯកជន»

លោកឧកញ៉ា លឹម ហេង បានមានប្រសាសន៍ថា ៖

«នៅក្នុងសេចក្ដីព្រាងច្បាប់វិនិយោគថ្មីមានការកាត់បន្ថយនូវភាពលំបាកជាច្រើនប្រការរាប់ទាំងការរៀបចំឯកសារពាក់ព័ន្ធនានា ដែលសំដៅធ្វើយ៉ាងណាកាត់បន្ថយពេលវេលា ពន្លឿនសកម្មភាពវិនិយោគ ដែលចំណេញបានផលប្រយោជន៍ទាំងវិស័យឯកជនដែលជាម្ចាស់គម្រោងវិនិយោគ ចំណេញទាំងរដ្ឋាភិបាល និងចំណេញទាំងប្រជាពលរដ្ឋដែលស្ថិតនៅក្នុងចង្កោមកម្លាំងជំនាញក្នុងការបំពេញការងារ»

លោកឧកញ៉ាបន្តថា​ ៖

ជាមួយនឹងការលើកឡើងខាងលើនេះ អនុប្រធានសភាពាណិជ្ជកម្មកម្ពុជា លោកឧកញ៉ា លឹម ហេង ក៏បានបញ្ជាក់ឲ្យដឹងផងដែរថា កម្ពុជាមានលក្ខណៈពិសេសដែលអាចទាក់ទាញទុនវិនិយោគរាប់ពាន់លានដុល្លារក្នុងមួយឆ្នាំៗដោយក្នុងនោះរួមមានដូចជា ការទទួលបានកិច្ចព្រមព្រៀងពាណិជ្ជកម្មសេរីជាមួយប្រទេសមហាអំណាចសេដ្ឋកិច្ចចិនដែលជាមិត្តដែកថែមជាមួយកម្ពុជា។ ក្រៅពីនេះ កម្ពុជាទទួលបានការលើកលែងពន្ធពិសេស GSP ជាមួយចក្រភពអង់គ្លេស កិច្ចព្រមព្រៀមពាណិជ្ជកម្មជាមួយប្រទេសកូរ៉េ ​កិច្ច​ព្រមព្រៀង​ដៃគូ​សេដ្ឋកិច្ច​ទូលំទូលាយ​ក្នុង​តំបន់ (RCEP) ដែលមាន១៥ប្រទេសជាសមាជិក ការឈានទៅរកកិច្ចព្រមព្រៀងពាណិជ្ជកម្មជាមួយឥណ្ឌា។

បន្ថែមពីនេះ កម្ពុជាបានផ្តល់សិទ្ធិវិនិយោគដល់ជនបរទេស ១០០ភាគរយ រួមជាមួយនឹងការដាក់ចេញឲ្យអនុវត្តនូវច្បាប់វិនិយោគថ្មី ការព្យាយាមតាំងចិត្តរបស់រាជរដ្ឋាភិបាលក្នុងការធ្វើកំណែទម្រង់ស៊ីជម្រៅ ដើម្បីជួយសម្រួលដល់កិច្ចដំណើរការវិនិយោគដែលមានស្រាប់ និងលើកទឹកចិត្តវិនិយោគិនថ្មីៗបន្ថែមទៀត ដែលអាចទទួលបាននូវផលប្រយោជន៍រួមគ្នា ទាំងវិស័យរដ្ឋ វិស័យឯកជន និងប្រជាពលរដ្ឋផងដែរ៕


ព្រឹត្តិការណ៍, សេដ្ឋកិច្ច

សម្ដេចតេជោ ហ៊ុន សែន អំពាវនាវឱ្យប្រជាជនប្រើប្រាស់យានយន្តអាគុយ ឬអគ្គិសនី ដើម្បីកាត់បន្ថយការចំណាយ

បន្ទាយមានជ័យ៖ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជាបានអំពាវនាវឱ្យប្រជាជនងាកមកប្រើប្រាស់យានយន្តអគ្គិសនីជំនួសយានយន្តដែលប្រើប្រាស់ឥន្ធនៈវិញ…
ព្រឹត្តិការណ៍, អាជីវកម្មថ្មី និងនវានុវត្ត

ខ្លា​អាស៊ីអាគេ្នយ៍ចេញ​មុខ​សម្រុះ​សម្រួល​​អ៊ុយក្រែន​ និង​រុស្ស៊ី​ ខណៈ​​ពូទីន​ទំនង​ចង់​ថយក្រោយ

វត្តមានដំណើរទស្សនកិច្ចរបស់ប្រធានាធិបតីឥណ្ឌូនេស៊ី លោក ចូកូ វីដូដូ (Joko Widodo) ទៅកាន់ប្រទេសអ៊ុយក្រែន និងរុស្ស៊ី ក្នុងការបញ្ចុះបញ្ចូលមេដឹកនាំនៃប្រទេសទាំងពីរឲ្យរំងាប់…
ព្រឹត្តិការណ៍, សេដ្ឋកិច្ច

សម្ដេចតេជោ ហ៊ុន សែន លែងកូនបង្កង កូនត្រី និងត្រីមេពូជចម្រុះជាង ១លានក្បាល អបអរទិវាមច្ឆជាតិ ០១ កក្កដា

បន្ទាយមានជ័យ ៖ ទិវាមច្ឆជាតិ ១កក្កដា ឆ្នាំ២០២២ សម្តេច តេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញលែងកូនបង្កងទឹកសាប ប្រមាណ ២០ម៉ឺនក្បាល កូនត្រី…
ជំនួញ, ព្រឹត្តិការណ៍

កំណើននៃចំនួនប្រជាជនបានជំរុញឱ្យតម្រូវការ​ដីកសិកម្មកើនឡើង

ភ្នំពេញ ៖ កំណើននៃចំនួនប្រជាជនកម្ពុជាបានកើនឡើងជាបន្តបន្ទាប់ ចាប់តាំងពីជាង៧លាននាក់ក្រោយសម័យប៉ុលពត រហូតដល់ជិត១៧លាននាក់ក្នុងពេលបច្ចុប្បន្ននេះ។ កំណើនប្រជាពលរដ្ឋជា…
ព្រឹត្តិការណ៍, សេដ្ឋកិច្ច

កម្ពុជា កំពុងផ្តល់ភាពចាំបាច់ និងជំរុញ លើកកម្ពស់អាទិភាពលើសុវត្ថិភាពស្បៀងអាហារ

ភ្នំពេញ ៖ ទិវាសុវត្ថិភាពស្បៀងអាហារពិភពលោកត្រូវបានប្រារព្វឡើងនៅប្រទេសកម្ពុជាដោយអង្គការស្បៀង និងកសិកម្មនៃសហប្រជាជាតិ (FAO) រួមជាមួយនឹងអង្គការអន្តរជាតិធំៗមាន…
ព្រឹត្តិការណ៍, ហិរញ្ញវត្ថុ

ធនាគារ SME និងគ្រឹះស្ថានហិរញ្ញវត្ថុដៃគូចំនួន១៩ ត្រៀមខ្លួនរួចរាល់ដើម្បីទទួលសំណើសុំឥណទានពីវិស័យទេសចរណ៍ក្រោមថវិកាសរុបចំនួន ១៥០ លានដុល្លារ

ភ្នំពេញ ៖ ចាប់ពីថ្ងៃទី០១ ខែកក្កដា ឆ្នាំ២០២២ តទៅ ធនាគារសហគ្រាសធុនតូច និងមធ្យម កម្ពុជា (ធនាគារ SMEs) និង គ្រឹះស្ថានហិរញ្ញវត្ថុជាដៃគូចំនួន ១៩ បានត្រៀមខ្លួនរួចរាល់ និងប្រកាសចាប់ផ្តើម…
ព្រឹត្តិការណ៍, អចលនទ្រព្យ

ទំហំនៃការផ្ដល់​ឥណទាន​ទៅលើវិស័យសំណង់​កើនឡើង​ ២៩,៣ភាគរយក្នុងត្រីមាស​ដំបូងឆ្នាំនេះ

ភ្នំពេញ ៖ បើទោះបីជាកម្ពុជាបានជួបនូវវិបត្តិអស់រយៈពេលជាង២ឆ្នាំមកហើយក្ដី តែវិស័យធនាគារ និងហិរញ្ញវត្ថុនៅតែបន្តមានកំណើនល្អប្រសើទាំងឥណទាន និងប្រាក់បញ្ញើ ដោយក្នុងនោះដែរការផ្ដល់ឥណទានទៅលើវិស័យសំណង់ក្នុងរយៈពេល១ត្រីមាសនៃឆ្នាំ២០២២នេះ ឃើញថាមានកំណើនរហូតដល់២៩,៣ភាគរយធៀបនឹងរយៈពេលដូចគ្នាកាលពីឆ្នាំ២០២១កន្លងទៅ ។
ព្រឹត្តិការណ៍, សេដ្ឋកិច្ច

ធនាគារ​អភិវឌ្ឍន៍​អាស៊ី ៖ ប្រព័ន្ធការងារពាក់ព័ន្ធធុរកិច្ចថ្មីរបស់កម្ពុជា​កំពុង​អភិវឌ្ឍន៍​យ៉ាងឆាប់

ភ្នំពេញ៖ យោងតាមរបាយការណ៍ថ្មីមួយរបស់ធនាគារអភិវឌ្ឍន៍អាស៊ី (ADB) បានបង្ហាញថា ប្រព័ន្ធធុរកិច្ចថ្មីដែលផ្អែកលើបច្ចេកវិទ្យា(technology-based startups) របស់កម្ពុជាបានរីកចម្រើន…
ព្រឹត្តិការណ៍, អាជីវកម្មថ្មី និងនវានុវត្ត

អ្នកស្រាវជ្រាវរកឃើញមូលហេតុដែលធ្វើបណ្តាទីក្រុងជាប់សមុទ្រលិចទឹកកាន់តែធ្ងន់ធ្ងរ

ទីក្រុងជាប់សមុទ្រចំនួន៣៣ នៅជុំវិញពិភពលោកត្រូវបានគេមើលឃើញថាកំពុងទទួលរងនូវការលិចលង់ទឹកច្រើនជាងគេបំផុត ធៀបទៅនឹងទីក្រុងផ្សេងទៀត ហើយក្នុងនោះក្រុមអ្នកស្រាវជ្រាវបានរក…
ព្រឹត្តិការណ៍, អាជីវកម្មថ្មី និងនវានុវត្ត

លីទុយនេស៊ី ក្លាយជាប្រទេសគំរូនៅតំបន់អឺរ៉ុប ដែលអាចផ្តាច់ខ្លួនចេញពីហ្គាសរុស្ស៊ីទាំងស្រុងត្រឹមរយៈពេល៨ឆ្នាំ

កាលពីឆ្នាំ២០១៤ ប្រទេសលីទុយនេស៊ីត្រូវបានគេស្គាល់ថាជាអតិថិជនធំជាងគេបំផុតរបស់ប្រទេសរុស្ស៊ីដោយការនាំចូលហ្គាស់មានរហូតទៅដល់ដល់ទៅ២,៨៦ពាន់លានម៉ែត្រគូបជា…