សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
អ្នកជំនាញកសិកម្ម បានលើកឡើងនូវលទ្ធភាពនៃការចូលរួមរបស់មន្ទីរនៅតាមខេត្តក្នុងការផ្សព្វផ្សាយ និងគាំទ្រប្រើប្រាស់ផលិតផលកសិកម្មនៅក្នុងស្រុក ដើម្បីរកទីផ្សារគោលមួយដែលមានទីតាំងនៅកន្លែងផលិតស្រាប់ ធានាដល់ការផលិតឱ្យកាន់តែមាននិរន្តរភាព។
ឯកឧត្តម បណ្ឌិត សួង ណយ ដែលជាអគ្គលេខាធិការរងគណៈកម្មាធិការជាតិជំរុញចលនា ភូមិ១ ផលិតផល១ ក្នុងវេទិកាផ្គូផ្គងរវាងអ្នកផលិតនិងអ្នកទិញនៅខេត្តបន្ទាយមានជ័យកាលពីថ្ងៃចុងសប្ដាហ៍កន្លងទៅនេះបានមានប្រសាសន៍ថា មន្ទីរកសិកម្មមានលទ្ធភាពអាចបណ្ដុះជំនាញដាំដុះ មន្ទីរឧស្សាហកម្ម អាចជំរុញរឿងការកែច្នៃ វេចខ្ចប់ រីឯមន្ទីរពាណិជ្ជកម្ម និងមន្ទីរទេសចរណ៍អាចរួមគ្នារកទីផ្សារឱ្យប្រជាជន ព្រោះថាភោជនីយដ្ឋាន រម្យណីយដ្ឋាន សណ្ឋាគារ សុទ្ធតែជាកន្លែងដែលអាចទិញផលិតផលកសិផលក្នុងស្រុកទាំងអស់ ។
ឯកឧត្តមបានមានប្រសាសន៍បន្តថា ៖
“មន្ទីរកិច្ចការនារី ដែលមានតួនាទីសំខាន់ក្នុងការអប់រំស្ត្រីមេផ្ទះ ឱ្យជួយទិញផលិតផលខ្មែរជាអតិបរមា…រីឯខាងមន្ទីរអប់រំ ត្រូវអប់រំសិស្សនិស្សិតដែលជាកូនខ្មែរ ធ្វើយ៉ាងណាឱ្យមានស្មារតីជាតិនិយម ទៅលើការជួយទិញផលិតផលក្នុងស្រុក ព្រោះកាលណាគាត់ជួយទិញផលិតផលរបស់ខ្លួន វាជាការរួមចំណែកក្នុងការពង្រីកសេដ្ឋកិច្ចមូលដ្ឋាន”
គួររំលឹកថា វេទិកាផ្គូផ្គងរវាងអ្នកផលិត និងអ្នកទិញ ជាវេទិកាដែលនាំអ្នកលក់ និងអ្នកទិញឱ្យបានជួបគ្នា ជជែកគ្នា ដើម្បីឱ្យយល់ពីតម្រូវការគ្នាទៅវិញទៅមក ឈានទៅរកការផលិតដែលត្រូវគោលដៅ។ សម្រាប់វេទិកានេះផងដែរគឺស្ថិតក្នុងគម្រោងអភិវឌ្ឍអាជីវកម្មប្រកបដោយសុចរិតភាព និងទទួលបានទីផ្សារផលិតផលក្នុងស្រុក និង MSMEs (Local Producers & MSMEs and Buyers Matching Forum)។ ដោយឡែក ផលិតផលដែលត្រូវបានដាក់បង្ហាញនៅក្នុងវេទិកាសម្រាប់ខេត្តបន្ទាយមានជ័យ រួមមានចំនួន ៣៤មុខ ដែលរាប់បញ្ចូលទាំងសម្ភារៈប្រើប្រាស់ប្រចាំថ្ងៃ និងផលិតផលកសិកម្ម។
វេទិកាផ្គូផ្គងរវាងអ្នកផលិត និងអ្នកទិញ បាន និងកំពុងធ្វើឡើងនៅគ្រប់ខេត្តទូទាំងប្រទេសតែម្ដង ដើម្បីបញ្ជ្រាបការគាំទ្រផលិតផលក្នុងស្រុកកាន់តែខ្លាំង។ កន្លងមកវេទិកានេះធ្លាប់បានធ្វើនៅខេត្តចំនួន៦រួចហើយគឺ ខេត្តកំពង់ចាម (៥ សីហា) ខេត្តកំពត (១៨ សីហា) ខេត្តស្វាយរៀង (២៦ សីហា) ខេត្តសៀមរាប (៣១ សីហា) ខេត្តឧត្តរមានជ័យ (១៣ និង១៤ កញ្ញា) និងខេត្តបន្ទាយមានជ័យ (១៦ កញ្ញា)។ រីឯខេត្តដែលត្រៀមរៀបចំវេទិការរួមមាន ខេត្តតាកែវ ដែលគ្រោងធ្វើនៅថ្ងៃទី២៨ កញ្ញា និងរាជធានីភ្នំពេញ ដែលគ្រោងធ្វើនៅថ្ងៃទី ២៧ តុលាខាងមុខ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ក្រុមហ៊ុន NextEd Canada រៀបចំទិវាគ្រួសារ (Family’s Day) ដើម្បីអបអរសិស្សកម្ពុជាដែលត្រៀមបន្តការសិក្សានៅប្រទេសកាណាដា
ព្រឹត្តិការណ៍, អត្ថបទពាណិជ្ជកម្ម
• 15/08/2026
NextEd Canada ដែលជាក្រុមហ៊ុនប្រឹក្សា និងរៀបចំផែនការសិក្សានៅប្រទេសកាណាដា សម្រាប់សិស្សានុសិស្សកម្ពុជាចាប់ពីកម្រិតវិទ្យាល័យឡើងទៅ បានរៀបចំទិវាគ្រួសារសម្រាប់សិស្ស និស្សិត និងក្រុមគ្រួសារកម្ពុជាប្រមាណ១០០ គ្រួសារដែលមានផែនការ និងចំណាប់អារម្មណ៍លើការសិក្សានៅកាណាដា
កម្មវិធី «នវានុវត្តន៍បញ្ច្រាស» ជួយធុរកិច្ចថ្មីដោះស្រាយបញ្ហាទីផ្សារ តាមរយៈការបង្កើតជាដំណោះស្រាយប្រកបដោយភាពច្នៃប្រឌិត និង នវានុវត្តន៍
ព្រឹត្តិការណ៍, អាជីវកម្មថ្មី និងនវានុវត្ត
• 14/08/2026
កម្មវិធី «នវានុវត្តន៍បញ្ច្រាស» ជាទុនជួយធុរកិច្ចថ្មីដោះស្រាយបញ្ហាប្រឈមក្នុងទីផ្សារតាមរយៈការបង្កើតដំណោះស្រាយប្រកបដោយភាពច្នៃប្រឌិត នវានុវត្តន៍
ក្រសួងរៀបចំដែនដីទទួលបានគំនិតថ្មីៗបន្ថែម ក្នុងគោលដៅធ្វើឱ្យប្រជាពលរដ្ឋមានលំនៅឋានរស់នៅសមរម្យ
Top News, ព្រឹត្តិការណ៍, អចលនទ្រព្យ
• 14/08/2026
កិច្ចការស្រាវជ្រាវអំពីអចលនទ្រព្យ និងស្ថានភាពលំនៅឋាននេះមានសារៈសំខាន់ គឺផ្ដោតទៅលើការបង្កើតទំនៀមទម្លាប់ និងផ្នត់គំនិតការងារថ្មីមួយ ដែលមានភាពច្បាស់លាស់ និងមិនធ្វើការតាមអារម្មណ៍ដែលនាំឱ្យមានកំហុសឆ្គងច្រើន
ការស្ទង់មតិពី ៣៦ ប្រទេសបង្ហាញថា ចិន ទទួលបានប្រជាប្រិយភាពជាងអាមេរិកនៅលើឆាកអន្តរជាតិ
ព្រឹត្តិការណ៍, អាជីវកម្មថ្មី និងនវានុវត្ត
• 14/08/2026
ការស្ទង់មតិជាលក្ខណៈអន្តរជាតិដ៏ធំមួយនៅលើបណ្តាប្រទេសចំនួន ៣៦ បានបង្ហាញពីទស្សនៈជាសកល ដែលភាគច្រើនមានទំនោរទៅលើប្រទេសចិនក្នុងផ្លូវវិជ្ជមាន ច្រើនជាងសហរដ្ឋអាមេរិក
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content