សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្រុមហ៊ុនវិនិយោគលើដំណាំកៅស៊ូនៅកម្ពុជាលើទំហំដីប្រមាណ ១០ម៉ឺនហិកតា បានបង្ហាញបំណងនៃការវិនិយោគបង្កើតតំបន់កសិ -ឧស្សាហកម្មដើម្បីធ្វើការកែច្នៃនៅកម្ពុជាស្របពេលដែលសក្ដានុពលលើដំណាំកៅស៊ូនៅកម្ពុជាកំពុងរីកដុះដាលជាបន្តបន្ទាប់ ក្នុងនោះរោងចក្រផលិតសំបកកង់ឡានក៏បានដាក់ដំណើរការ និងមានការវិនិយោគថ្មីៗជាបន្តបន្ទាប់។
នៅក្នុងជំនួបជាមួយឯកឧត្តម ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា កាលពីថ្ងៃទី០៣ ខែមេសា ឆ្នាំ២០២៥ លោក Truong Minh Trung អគ្គនាយករងទី១ នៃក្រុមហ៊ុន Vietnam Rubber Group បានជម្រាបជូនពីវឌ្ឍនភាពការងាររបស់សម្ព័ន្ធឧស្សាហកម្មកៅស៊ូវៀតណាមប្រចាំកម្ពុជា និងបានបង្ហាញពីចំណាប់អារម្មណ៍ក្នុងការពង្រីកការវិនិយោគក្នុងវិស័យផលិតថាមពលស្អាតនៅកម្ពុជា ដោយបានស្នើសុំការគាំទ្រពីក្រុមប្រឹក្សាអភិវឌ្ឍន៍កម្ពុជា ។ បន្ថែមលើនេះ លោក Trương Minh Trung បានឯកភាពតាមសំណើរបស់ឯកឧត្តមអគ្គលេខាធិការ ធ្វើការគិតគូរលើការវិនិយោគបង្កើតតំបន់កសិ-ឧស្សាហកម្ម ដើម្បីធ្វើការកែច្នៃកសិផល ។
ឯកឧត្តម ជា វុទ្ធី អគ្គលេខាធិការគណៈកម្មការវិនិយោគនៃក្រុមប្រឹក្សាអភិវឌ្ឍន៍កម្ពុជា បានកោតសរសើរចំពោះសម្ព័ន្ធឧស្សាហកម្មកៅស៊ូវៀតណាមប្រចាំកម្ពុជា ដែលបានខិតខំជំរុញការអភិវឌ្ឍឧស្សហកម្មកៅស៊ូនៅកម្ពុជានាពេលកន្លងមក និងបានចូលរួមក្នុងសកម្មភាពសង្គមមួយចំនួន។
ឯកឧត្តម ក៏បានជម្រាបជូនគណៈប្រតិភូដោយសង្ខេបពីស្ថានភាពថ្មីៗនៃបរិយាកាសវិនិយោគនៅកម្ពុជា ព្រមទាំងបានលើកឡើងពីវត្តមានរបស់ក្រុមហ៊ុនផលិតសំបកកង់យានយន្តនៅកម្ពុជា ដែលបានធ្វើឱ្យមានកំណើននៃតម្រូវការជ័រកៅស៊ូក្នុងស្រុក ។
ឯកឧត្តមបានលើកទឹកចិត្តឱ្យសម្ព័ន្ធឧស្សាហកម្មកៅស៊ូវៀតណាមប្រចាំកម្ពុជា ធ្វើការបណ្តាក់ទុនវិនិយោគបង្កើតតំបន់កសិ-ឧស្សាហកម្មមួយដើម្បីប្រមូលផ្តុំក្រុមហ៊ុនធ្វើការកែច្នៃជ័រកៅស៊ូ ដើមកៅស៊ូ ឬកសិផលផ្សេងៗទៀតដែលកំពុងមានសក្តានុពល ដើម្បីផ្គត់ផ្គង់ដល់ឧស្សាហកម្មក្នុងស្រុកដែលកំពុងមានតម្រូវការកើនឡើងពីមួយថ្ងៃទៅមួយថ្ងៃ។
ឯកឧត្តមអគ្គលេខាធិការបានសម្តែងនូវការគាំទ្រដល់គម្រោងពង្រីកការវិនិយោគរបស់ក្រុមហ៊ុនក្នុងវិស័យផលិតថាមពលស្អាតនៅកម្ពុជា ។ ក្រុមប្រឹក្សាអភិវឌ្ឍន៍កម្ពុជានៅតែបន្តគាំទ្រ ថែទាំការវិនិយោគរបស់វៀតណាមដែលកំពុងមានសកម្មភាពនៅកម្ពុជា និងរង់ចាំស្វាគមន៍ដោយក្តីរីករាយចំពោះការវិនិយោគបន្ថែមពីវៀតណាម ។
ពាក់ព័ន្ធនឹងវិស័យឧស្សាហកម្មកៅស៊ូនេះដែរ នៅកម្ពុជាមានរោងចក្រផលិតសំបកកង់ឡានជាបន្តបន្ទាប់បានចាប់ផ្ដើមដំណើរការ និងត្រូវការជ័រកៅស៊ីដើម្បីមកផ្គត់ផ្គង់ក្នុងខ្សែច្រវាក់ផលិតកម្ម ដើម្បីផលិតសំបកកង់ឡាននិងនាំចេញទៅកាន់ទីផ្សារអន្តរជាតិ ។ជាក់ស្ដែងគ្រាន់តែរោងចក្រផលិតសំបកកង់ឡានមួយនៅក្នុងស្រុកស្នួល ខេត្តក្រចេះ មានតម្រូវការកៅស៊ូរហូតដល់ ៥ម៉ឺនតោនទៅ ៦ម៉ឺនតោន ក្នុងមួយឆ្នាំ នឹងអាចកើនឡើងដល់១០ម៉ឺនតោនក្នុងមួយឆ្នាំ នៅពេលអនាគត ។
គួរបញ្ជាក់ថា ក្នុងរយៈពេលប៉ុន្មានឆ្នាំចុងក្រោយនេះ មានក្រុមហ៊ុនក្នុង និងក្រៅប្រទេសជាច្រើនបានចាប់អាម្មរណ៍លើការវិនិយោគក្នុងវិស័យកសិកម្មកម្ពុជា ដែលនាំឱ្យតម្រូវការដី សម្រាប់វិនិយោគកសិកម្មកាន់តែមានកំណើន ខណៈអ្នកជំនាញនៃវិស័យអចលនទ្រព្យបានបញ្ជាក់ថា កម្ពុជាជាប្រទេសកម្ពុជា នៅតំបន់ណាក៏អាចវិនិយោគលើកសិកម្មបានដែរ ប៉ុន្តែនៅតាមតំបន់នីមួយៗមានសក្ដានុពលទៅលើប្រភេទដំណាំ ៕
Account
Security
Favourite Content