សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ការសាងសង់ផ្លូវនៅកម្ពុជាកាលពីសម័យក្រោយសង្គ្រាម គឺធ្វើយ៉ាងណាសាងសង់ផ្លូវឱ្យបានវែង ឱ្យមានផ្លូវសម្រាប់ធ្វើដំណើរដោយមិនទាន់គិតគូរដល់គុណភាពនៃផ្លូវនៅឡើយ ដូច្នេះហើយទើបមានពាក្យថាកម្ពុជាធ្វើផ្លូវបានយូរ ប៉ុន្តែមកដល់បច្ចុប្បន្ននេះ រាជរដ្ឋាភិបាលចាប់ផ្ដើមអភិវឌ្ឍន៍ផ្លូវដែលគិតពីគុណភាពជាបន្តបន្ទាប់។
សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានថ្លែងនៅក្នុងពិធីបើកការដ្ឋានលើកកម្រិតគុណភាពផ្លូវលេខ៣១ និង៣៣ កាលពីព្រឹកថ្ងៃទី៣០ ខែធ្នូ ឆ្នាំ២០២២បានឱ្យដឹងថា កាលពីមុន រដ្ឋាភិបាលមិនទាន់មានលទ្ធភាពគ្រប់គ្រាន់ក្នុងការសាងសង់ផ្លូវ ដូច្នេះការសាងសង់ផ្លូវនៅក្នុងប្រទេសកម្ពុជាគឺចំណាយលុយតិចតែត្រូវធ្វើឱ្យបានវែង ធ្វើយ៉ាងណាឱ្យប្រជាពលរដ្ឋមានផ្លូវធ្វើដំណើរ។ ប៉ុន្តែមកដល់បច្ចុប្បន្ននេះ រដ្ឋាភិបាលចាប់ផ្ដើមផ្លាស់ប្តូរពីការចំណាយលុយតិចសង់ផ្លូវឱ្យបានវែង មកជាការសាងសង់ផ្លូវដែលមានគុណភាព។
សម្ដេចតេជោបានមានប្រសាសន៍ថា ៖
“ដោយសារតែសេដ្ឋកិច្ចរីកចម្រើន ការដឹកជញ្ជូនក្នុងប្រទេសក៏មានសកម្មភាពមមាញឹក និងមានរថយន្តតូចធំជាច្រើនធ្វើដំណើរលើដងផ្លូវ ដូច្នេះហើយ បើសិនជាយើងធ្វើផ្លូវមិនមាំ មិនមានគុណភាព ការប្រើប្រាស់ក៏មិនបានយូរដែរ ។ ផ្លូវខ្លះនៅក្នុងប្រទេសកម្ពុជាមានតម្លៃរហូតដល់២លានដុល្លារអាមេរិកក្នុងមួយគីឡូម៉ែត្រ ផ្លូវខ្លះជាង១លានដុល្លារអាមេរិកក្នុងមួយម៉ែត្រគីឡូម៉ែត្រ”
សម្ដេចបន្តថា ៖
“កាលពីមុនយើងមានលុយតិច តែត្រូវធ្វើផ្លូវឱ្យវែង តែឥឡូវយើងមិនធ្វើដូច្នេះទៀតទេ គឺត្រូវធ្វើឱ្យរឹងមាំ ឱ្យប្រើប្រាស់បានយូរ ដោយត្រូវចាក់បេតុង គឺត្រូវធ្វើឱ្យរឹងមាំតាមដែលអាចធ្វើទៅបាន”
សម្ដេចបន្ថែមថា គម្រោងផ្លូវ២ខ្សែដែលបើកការដ្ឋានស្ដារ និងលើកកម្រិតគុណភាពនៅថ្ងៃនេះ មានប្រវែងសរុបប្រមាណ១០៦គីឡូម៉ែត្រ តែត្រូវចំណាយថវិកាប្រមាណ១២០លានដុល្លារអាមេរិក ដែលក្នុងមួយគីឡូម៉ែត្រត្រូវចំណាយថវិកាជាង១លានដុល្លារអាមេរិក ជាថវិកាឥណទានសម្បទានរបស់សាធារណរដ្ឋប្រជាមានិតចិនផង និងថវិកាបដិភាគរបស់ព្រះរាជាណាចក្រកម្ពុជាផង ។
សូមបញ្ជាក់ថា រាជរដ្ឋាភិបាលបានបន្តអភិវឌ្ឍន៍ហេដ្ឋារចនាសម្ព័ន្ធផ្លូវថ្នល់ ស្ពានជាច្រើនទៀត ជាពិសេសនៅចុងឆ្នាំ២០២២ និងដើមឆ្នាំ២០២៣ខាងមុខនេះ កម្ពុជាបានបើក និងគ្រោងបើកការដ្ឋានសាងសង់ហេដ្ឋារចនាសម្ព័ន្ធជាច្រើនកន្លែងទៀតនៅតាមបណ្ដាខេត្ត និងក្នុងរាជធានីភ្នំពេញផងដែរ ដែលហេដ្ឋារចនាសម្ព័ន្ធទាំងនោះត្រូវបានធ្វើឡើងក្រោមថវិកាជាតិ និងកម្ចីពីបរទេស៕
Account
Security
Favourite Content