សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ បច្ចុប្បន្ននេះ កម្ពុជាកំពុងសាងសង់ព្រលានយន្តហោះអន្តរជាតិធំៗចំនួន២បន្ថែមទៀត ដែលមួយនៅខេត្តសៀមរាប និងមួយទៀតនៅខេត្តកណ្ដាល ហើយព្រលានយន្តហោះអន្តរជាតិទាំង២នេះ គិតមកដល់ពេលនេះសម្រេចបានលទ្ធផលជាង៤០ភាគរយដូចគ្នា។ យ៉ាងណាក៏ដោយ អ្នកនាំពាក្យរដ្ឋលេខាធិការដ្ឋានអាកាសចរស៊ីវិលបានលើកឡើងថា ព្រលានយន្តហោះអន្តរជាតិសៀមរាបនឹងដាក់ដំណើរការមុនព្រលានយន្តហោះអន្តរជាតិតេជោ។
តាមរបាយការណ៍របស់ក្រុមហ៊ុនអភិវឌ្ឍន៍ព្រលានយន្តហោះអន្តរជាតិតេជោបានឱ្យដឹងថា គិតត្រឹមពាក់កណ្ដាលខែតុលា២០២២នេះ គម្រោងព្រលានយន្តហោះអន្តរជាតិតេជោ សម្រេចបានលទ្ធផលប្រមាណ៤០ភាគរយ បើគិតជាទឹកប្រាក់ដែលត្រូវចំណាយសាងសង់ប្រមាណ ៥២៤លានដុល្លារអាមេរិកដោយមិនទាន់រាប់បញ្ចូលតម្លៃដីដែលបានទិញរួចមកហើយនោះឡើយ ។
ឯកឧត្តម ស៊ិន ចាន់សិរីវុត្ថា អ្នកនាំពាក្យរដ្ឋលេខាធិការដ្ឋានអាកាសចរស៊ីវិលបានមានប្រសាសន៍ឱ្យដឹងថា ព្រលានយន្តហោះអន្តរជាតិសៀមរាបថ្មី គិតត្រឹមដំណាច់ត្រីមាសទី៣ ឆ្នាំ២០២២ សម្រេចបានលទ្ធផលប្រមាណ៤៤ភាគរយ ហើយព្រលានយន្តហោះអន្តរជាតិនេះនឹងត្រូវដាក់ដំណើរការទទួលឱ្យយន្តហោះចុះចតមុនព្រលានយន្តហោះអន្តរជាតិតេជោនៅខេត្តកណ្ដាល។
ឯកឧត្តមបន្តថា ៖
“បើតាមគម្រោងផែនការ ព្រលានយន្តហោះសៀមរាបនឹងត្រូវដាក់ដំណើរការនៅរយៈពេល១២ខែខាងមុខនេះហើយ ក្រុមហ៊ុនសាងសង់ត្រូវធ្វើយ៉ាងណាឱ្យរួចរាល់ទៅតាមការកំណត់។ យ៉ាងណាក្ដី ក្រុមការងារសាងសង់ព្រលានយន្តហោះនេះក៏បានបញ្ជាក់ថា ការសាងសង់នឹងត្រូវបញ្ចប់ទៅតាមផែនការគ្រោងទុកដោយមិនមានអ្វីជាបញ្ហាទេមកដល់ពេលនេះ”
អាកាសយានដ្ឋានអន្តរជាតិសៀមរាបអង្គរថ្មី បានចាប់ផ្តើមដំណើរការសាងសង់នៅថ្ងៃទី១៥ ខែមីនា ឆ្នាំ២០២០ ហើយគ្រោងប្រើរយៈពេលសាងសង់សរុបចំនួន ៣៦ខែ ឬ៣ឆ្នាំ និងគ្រោងចំណាយទុនវិនិយោគប្រមាណ ៨៨០លានដុល្លារអាមេរិក។ តាមគម្រោងអាកាសយានដ្ឋានអន្តរជាតិសៀមរាបអង្គរ គ្រោងនឹងបញ្ចប់ការសាងសង់នៅថ្ងៃទី៣០ ខែមីនា ឆ្នាំ២០២៣ និងគ្រោងដាក់ឱ្យដំណើរការសាកល្បង ជាលើកដំបូងនៅខែតុលា ឆ្នាំ២០២៣ ប្រសិនបើពុំមានផលប៉ះពាល់អ្វីកើតឡើង ។
ក្រោយអាកាសយានដ្ឋានអន្តរជាតិទាំង២នេះដាក់ដំណើរការ កម្ពុជារំពឹងថានឹងទទួលបានកំណើនភ្ញៀវទេសចរបរទេសចូលមកកាន់តែច្រើន ជាពិសេសនោះនឹងអនុញ្ញាតឱ្យយន្តហោះប្រភេទធំៗចុះចតបានកាន់តែច្រើនបន្ថែមទៀតផងដែរ ។
គួរកត់សម្គាល់ថា បច្ចុប្បន្នកម្ពុជាមានអាកាសយានដ្ឋានចំនួន៣កំពុងដំណើរការ គឺព្រលានយន្តហោះអន្តរជាតិភ្នំពេញ ព្រលានយន្តហោះអន្តរជាតិសៀមរាប និងព្រលានយន្តហោះអន្តរជាតិកងកេង ខេត្តព្រះសីហនុ ។ ព្រលានយន្តហោះដែលមានសកម្មភាពខ្លាំងជាងគេក្នុងចំណោមទាំង៣នេះគឺព្រលាយន្តហោះអន្តរជាតិភ្នំពេញ ហើយព្រលានយន្តទាំង៣នេះក៏កំពុងទទួលបានកំណើនជើងហោះហើរជាបន្តបន្ទាប់ឡើងវិញក្រោយពីវិបត្តិកូវីដ១៩បានធូរស្រាល ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អាម៉េរិក ជប៉ុន និងរុស្ស៊ី ប្រជែងគ្នាវិនិយោគលើវិស័យប្រេង និងឧស្ម័នរបស់វៀតណាម ដែលស្ថិតនៅសមុទ្រចិនខាងត្បូង
Top News, ព្រឹត្តិការណ៍, សេដ្ឋកិច្ច
• 13/10/2026
ក្រុមហ៊ុនថាមពលជប៉ុន អាម៉េរិក និងរុស្ស៊ី កំពុងប្រជែងគ្នាយ៉ាងសកម្មដើម្បីទទួលបានកិច្ចសន្យា និងកិច្ចសហប្រតិបត្តិការជាមួយវៀតណាម ក្នុងការទទួលបានសិទ្ធិចូលទៅកាន់តំបន់ក្រៅឆ្នេរសមុទ្រដែលមានផលចំណេញខ្ពស់
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content