សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ នៅព្រឹកថ្ងៃទី០៥ ខែកុម្ភៈ ឆ្នាំ២០២៥ ឯកឧត្តម ហង្ស សុតសំភារ អគ្គលេខាធិការនៃអគ្គលេខាធិការដ្ឋានគណៈស្ថាបត្យករកម្ពុជា និងជាប្រធានគណៈកម្មការត្រួតពិនិត្យ និងវាយតម្លៃគុណវុឌ្ឍិវិជ្ជាជីវៈស្ថាបត្យកម្ម បានបើកកិច្ចប្រជុំវាយតម្លៃដើម្បីដំឡើងឋានៈ ពីស្ថាបត្យករគ.ស.ក.ចំនួន ២រូប ទៅជាបេក្ខជនស្ថាបត្យករអាស៊ាន និងស្ថាបត្យករចុះចញ្ជីចំនួន ៦រូប ទៅជាស្ថាបត្យករគ.ស.ក.ដោយមានការចូលរួមពីឯកឧត្តម លោកជំទាវ លោក លោកស្រី សមាជិកនៃគណៈកម្មការត្រួតពិនិត្យ និងវាយតម្លៃគុណវុឌ្ឍិវិជ្ជាជីវៈស្ថាបត្យកម្ម និងសមាគមស្ថាបត្យករនៃកម្ពុជា និងសមាគមស្ថាបត្យករអង្គរ។
ឯកឧត្តម ហង្ស សុតសំភារ អគ្គលេខាធិការស្ថាបត្យករកម្ពុជាមានប្រសាសន៍ថា កិច្ចប្រជុំនេះរៀបចំឡើងដើម្បីផ្តល់ឱកាសដល់ស្ថាបត្យករកម្ពុជាថ្មីៗ ឱ្យពួកគាត់បានបង្ហាញស្នាដៃការងារក៍ដូចជាបទពិសោធន៍ ដើម្បីឱ្យគណៈកម្មាធិការធ្វើការវាយតម្លៃ មុនដាក់បញ្ចូលជាសមាជិកគណៈស្ថាបត្យករកម្ពុជា។ ចំណែកសមាជិកដែលមានលក្ខណៈសម្បត្តិគ្រប់គ្រាន់ ពោលគឺមានបទពិសោធន៍ ចំណេះ ជំនាញការងារគ្រប់គ្រាន់ នឹងត្រូវវិនិច្ឆ័យដាក់បញ្ចូលទៅជាសមាជិកស្ថាបត្យករអាស៊ានក្នុងក្របខណ្ឌអន្តរជាតិតែម្តង។
ឯកឧត្តមមានប្រសាសន៍បន្តទៀតថា គោលដៅនៃគណៈស្ថាបត្យករ ធ្វើយ៉ាងណាគ្រប់គ្រងស្ថាបត្យករដែលមានវិជ្ជាជីវៈនៅទូទាំងប្រទេស ដើម្បីលើកកំពស់គុណតម្លៃ ក៏ដូចជាការពង្រឹងវិជ្ជាជីវៈ ក្នុងក្របខណ្ឌថ្នាក់ជាតិ និងថ្នាក់អន្តរជាតិ។ គណៈស្ថាបត្យករកម្ពុជា ក៏ជាអង្គភាពបណ្តុះបណ្តាលពង្រឹងធនធានមនុស្ស គោលដៅជួយជំរុញឱ្យវិស័យនេះ បានបំរើការងារនៅក្នុងកិច្ចការងសង្គមជាតិទាំងមូល។
ជាលទ្ធផល អង្គប្រជុំសម្រេចឯកភាពគ្នាដំឡើងឋានៈស្ថាបត្យករគ.ស.ក.ចំនួន ២រូប ទៅជាស្ថាបត្យករអាស៊ាន និងស្ថាបត្យករចុះចញ្ជីចំនួន ៦រូប ទៅជាស្ថាបត្យករគ.ស.ក. មានដូចខាងក្រោម ៖
១. លោកស្ថាបត្យករ ហេង តូក្យូ ស្ថាបត្យករគ.ស.ក. ទៅជាបេក្ខជនស្ថាត្យករអាស៊ាន
២. លោកស្ថាបត្យករ ហួរ វេង ស្ថាបត្យករគ.ស.ក. ទៅជាបេក្ខជនស្ថាត្យករអាស៊ាន
៣. លោកស្ថាបត្យករ លី ប្រេនដុន ស្ថាបត្យករចុះបញ្ជីទៅជាស្ថាបត្យករគ.ស.ក.
៤.លោកស្ថាបត្យករ ពឹង ពុធពិសិដ្ឋ ស្ថាបត្យករចុះបញ្ជីទៅជាស្ថាបត្យករគ.ស.ក.
៥.លោកស្ថាបត្យករ ពុទ្ធ ចាន់ធូ ស្ថាបត្យករចុះបញ្ជីទៅជាស្ថាបត្យករគ.ស.ក.
៦.លោកស្ថាបត្យករ ហង្ស ភិរក្ស ស្ថាបត្យករចុះបញ្ជីទៅជាស្ថាបត្យករគ.ស.ក.
៧.លោកស្រីស្ថាបត្យករ ប្រាក់ បូថាវី ស្ថាបត្យករចុះបញ្ជីទៅជាស្ថាបត្យករគ.ស.ក.
៨. លោកស្ថាបត្យករ លឹម ពុទ្ធីណា ស្ថាបត្យករចុះបញ្ជីទៅជាស្ថាបត្យករគ.ស.ក. ។
គួរបញ្ជាក់ថា មកទល់បច្ចុប្បន្ននេះ គណៈស្ថាបត្យករកម្ពុជា មានស្ថាបត្យករចំនួន ២០៤៧ រូប ចុះបញ្ជីចំនួន ១៩៦១ រូប ស្ថាបត្យករអាជីពចំនួន ១០៦រូប និងស្ថាបត្យករកម្រិតអាស៊ានចំនួន ៤៨រូប៕
Account
Security
Favourite Content