រដ្ឋមន្ត្រីកសិកម្ម ស្វាគមន៍ដៃគូវិនិយោគ កែច្នៃស្វាយចន្ទី នាំចេញទៅកាន់ទីផ្សារអន្ដរជាតិ

ភ្នំពេញ ៖ រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានស្វាគមន៍ក្រុមហ៊ុនឯកជនដែលមានបំណងវិនិយោគក្នុងការចូលរួមដាំដុះ និងកែច្នៃស្វាយចន្ទី ដើម្បីជំរុញការនាំចេញទៅកាន់ទីផ្សារនានានៅក្នុងតំបន់ និងពិភពលោក ស្របតាមគោលនយោបាយរបស់រាជរដ្ឋាភិបាលក្នុងប្រែក្លាយកម្ពុជាទៅជាអធិរាជចន្ទីនាពេលខាងមុខ ដែលគោលដៅនេះស្របនឹងគោលដៅសមាគមស្វាយចន្ទីកម្ពុជាចង់កាត់បន្ថយការនាំចេញ​គ្រាប់ចន្ទីឆៅទៅក្រៅប្រទេសឱ្យបាន៧០% ក្នុងរយៈពេល១០ឆ្នាំខាងមុខ។

ឯកឧត្តម ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានបញ្ជាក់ថា កម្ពុជាមានស្វាយចន្ទីល្អ រសជាតិឆ្ងាញ់ ដែលកំពុងត្រូវការអ្នកកែច្នៃសម្រាប់នាំចេញប្រកបដោយគុណភាព មានតម្លៃបន្ថែមខ្ពស់ ដែលអាចផ្តល់ផលចំណេញទាំងកសិករ និងក្រុមហ៊ុន។

ឯកឧត្តម រដ្ឋមន្ត្រីបានបញ្ជាក់បន្ថែមថា ផលិតផលកសិកម្មរបស់ខ្មែរដែលមានសក្តានុពលផ្សេងទៀត ដូចជា ស្វាយ ចេកអំបូងលឿង កៅស៊ូ និងអង្ករជាដើម ដែលត្រូវការក្រុមហ៊ុនផ្សព្វផ្សាយ ធ្វើទីផ្សារ និងនាំចេញទៅក្រៅប្រទេស ដោយបានបញ្ជាក់អំពីកម្មវិធីគោលនយោបាយអាទិភាពរបស់ក្រសួង គឺការជំរុញសហគមន៍កសិ​កម្មទំនើប ជួយដល់ក្រុមហ៊ុនក្នុងការប្រមូលទិញ និងធ្វើកិច្ចសន្យាជាមួយសហគមន៍ផលិត ហើយក្រសួ​ងនឹងជួយគាំទ្របន្ថែម ដើម្បីឱ្យដំណើរការប្រព្រឹត្តទៅបានរលូន ទទួលបានជោគ​ជ័យ និងមានផលចំណេញពិតប្រាកដដល់គ្រប់ភាគីពាក់ព័ន្ធ។

សូមជម្រាបថា បច្ចុប្បន្ននេះ កម្ពុជា​បាន​នាំ​គ្រាប់ស្វាយចន្ទី​ឆៅ ចេញ​ក្រៅប្រទេស​ប្រមាណ​ជាង ៩០​ភាគរយ ក្នុង​តម្លៃទាបដែលជាហេតុសមាគមស្វាយចន្ទីកម្ពុជា(ស.ស.ក) មានគោលដៅកាត់បន្ថយការនាំចេញគ្រាប់ស្វាយ​ចន្ទីឆៅទៅក្រៅប្រទេស​ឱ្យបានចំនួនប្រមាណ៧០% ក្នុងរយៈពេល១០ឆ្នាំខាងមុខ ហើយដើម្បីសម្រេចបានគោលដៅនេះ (ស.ស.ក) មានយុទ្ធសាស្ត្រចំនួន៣ធំៗ៖

១-ស្វែងរកទីផ្សារពាក់កណ្តាលសម្រេចក្រៅប្រទេស៖ (ស.ស.ក)  កំពុងបង្វឹកអ្នកជំនាញរបស់ខ្លួនដើម្បីអាចស្វែងរកទីផ្សារក្រៅប្រទេស តាមរយៈអង្គការ Harvest II និងគម្រោង Profit របស់ ADB។

២- សហការនាំចេញក្នុងច្រកតែ១៖ (ស.ស.ក)  ស្វែងរកក្រុមហ៊ុនដែលអាចនាំចេញ និងប្រមែប្រមូលផលិតផលពាក់កណ្តាលសម្រេចពីសិប្បករ។ ក្រុមហ៊ុននាំចេញ ស្វែងរកទីផ្សារខ្លួនឯង សិប្បករសហការផលិតលក់ឲ្យក្រុមហ៊ុននោះ។

៣- កែប្រែកសិករជាសិប្បករ ៖ពេលដែល (ស.ស.ក)  ជោគជ័យ១ និង២ (ស.ស.ក)  និងលើកទឹកចិត្តកសិករឱ្យបង្កើតផលិតផលពាក់កណ្តាលសម្រេចដោយខ្លួនឯង។  ធ្វើដូចនេះក្រុមហ៊ុនមិនពិបាកប្រជែងតម្លៃ (ទិញសម្លាប់​​​ថ្លៃ) ដោយឈ្មួញបរទេស ដ្បិតកសិករមានវត្ថុធាតុដើមផ្ទាល់ខ្លួន។

ចំណុចនេះ (ស.ស.ក) នឹងបង្វឹកសមាជិករបស់ខ្លួនពីរបៀបបកគ្រាប់ស្វាយចន្ទី និងគ្រឿងផ្សំ ក៏ដូចជាស្វែងរកក្រុមហ៊ុននាំចេញដោយមានធ្វើកិច្ចសន្យាទិញ។ វគ្គកន្លងមកនេះ មិនគិតថ្លៃសម្រាប់សមាជិកដែលបានបង់វិភាគទាន៣ឆ្នាំជាប់គ្នាចុងក្រោយ។

គួររលឹកផងដែរថា រោងចក្រ​កែច្នៃ​គ្រាប់ស្វាយចន្ទី​ធុន​មធ្យម​ចំនួន​២ គ្រោង​នឹង​ដំណើរការ​នៅ​ឆ្នាំ២០២៥ ដោយការដ្ឋានសាងសង់​រោង​ចក្រកែច្នៃគ្រាប់ស្វាយចន្ទីរបស់ក្រុមហ៊ុន CSNC Agriculture Co.,Ltd ដែលជា​ការវិនិយោគ​រួមគ្នា​រវាង​វិនិយោគិន​ខ្មែរ ​និង​សិង្ហ​បុរី ទើបតែ​បើក​ការដ្ឋាន​កាលពេល​ថ្មីៗ​នេះ ក្រោមទុនវិនិយោគប្រមាណ១២ លានដុល្លារ និងមានសមត្ថភាព​ផលិត​បាន​ជាង​១៤ ៦០០​តោន​ក្នុង​១​ឆ្នាំ​។

ចំណែកក្រុមហ៊ុន​ដ៏​ធំ​មួយ​របស់​ជប៉ុន MIRATH Agri Tech បានសម្រេច​បោះទុន​វិនិយោគ​បើក​រោងចក្រ​កែច្នៃ​គ្រាប់ស្វាយចន្ទី ដែល​រោងចក្រ​នេះ​ មាន​សមត្ថភាព​ផលិត​រហូតដល់ ៧ ៣០០តោន​ ក្នុង​១​ឆ្នាំ​។​

សូមបញ្ជាក់ថា ឯកឧត្តម ឌិត ទីណា រដ្ឋមន្ត្រីក្រសួងកសិកម្ម ធ្លាប់បានលើកឡើងពីកម្មវិធីគោលនយោបាយអាទិភាព វិស័យ​កសិកម្ម តាមរយៈការជំរុញសហគមន៍កសិកម្មទំនើប ដោយជំរុញឱ្យមន្ដ្រី ថ្នាក់ដឹកនាំក្រសួងត្រូវមានភាពម្ចាស់ការលើការគ្រប់គ្រង ដឹកនាំ មានផែនការមេច្បាស់លាស់ ជាពិសេសដំណាំស្វាយចន្ទី និងចាំបាច់ត្រូវចុះឱ្យដល់មូលដ្ឋាន ហើយត្រូវមានផែនការវិនិយោគច្បាស់លាស់ ជាពិសេសត្រូវប្រើប្រាស់ថវិកាឱ្យចំគោលដៅ និងមានប្រសិទ្ធភាព ដើម្បីផ្ដល់ប្រយោជន៍ដល់ប្រជាកសិករ។ ការអភិវឌ្ឍនៅក្នុងវិស័យកសិកម្មចាំបាច់ត្រូវការដៃគូសហការចូលរួមនៅក្នុងចំណុចដែលខ្វះខាត ជាអាទិ៍ទីប្រឹក្សាជួយគាំទ្រដល់ការបង្កើតសហគមន៍កសិកម្មទំនើប ការបង្កើតផែនការវិនិយោគ ដែលជួយឱ្យកសិករអាចអនុវត្តប្រកបដោយប្រសិទ្ធភាព និងប្រសិទ្ធផលខ្ពស់៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សហភាពអឺរ៉ុបលើកឡើងថា ការដាក់ទណ្ឌកម្មលើសេដ្ឋកិច្ចរុស្ស៊ីពិតជាមានប្រសិទ្ធភាព

ព្រឹត្តិការណ៍, សេដ្ឋកិច្ច

• 25/07/2024

រដ្ឋមន្ត្រីហិរញ្ញវត្ថុសហភាពអឺរ៉ុប ៨ រូប លើកឡើងថា រុស្ស៊ីនិយាយកុហកអំពីកម្លាំងសេដ្ឋកិច្ចរបស់ខ្លួន ដោយសារមាន​សញ្ញា​ជា​ច្រើន​ដែល​បង្ហាញ​ថា​សេដ្ឋកិច្ច​រុស្ស៊ី​កំពុង​ធ្លាក់​ចុះ ហើយគួរតែមានទណ្ឌកម្ម ​និង​វិធានការ​ផ្សេង​បន្ថែមទៀត​ ដើម្បី​ធ្វើ​ឲ្យ​សេដ្ឋកិច្ច​រុស្ស៊ី​ចុះ​ខ្សោយ​កាន់តែមានប្រសិទ្ធភាព

រដ្ឋាភិបាល និងស្ថាប័នហិរញ្ញវត្ថុ សហការបង្កើនអាទិភាពហិរញ្ញប្បទានសម្រាប់វិស័យទឹកស្អាត

ព្រឹត្តិការណ៍, អាជីវកម្មថ្មី និងនវានុវត្ត

• 25/07/2024

វេទិកាទឹកស្អាតត្រូវផ្តោតលើការពង្រឹង​កិច្ច​សហការរវាងរដ្ឋ វិស័យឯកជននិងស្ថាប័នហិរញ្ញវត្ថuលើកកម្ពស់​លទ្ធភាព​ទទួលសេវា​ទឹក​ស្អាតទូទាំង​ប្រទេស​

នាពេលអនាគត កម្ពុជានឹងមានមជ្ឈមណ្ឌលភស្តុភារកម្មភ្នំពេញសម្រាប់ទាក់ទាញការវិនិយោគផ្នែកឡូជីស្ទីក

ព្រឹត្តិការណ៍, សេដ្ឋកិច្ច

• 25/07/2024

នាពេលអនាគតឆាប់ៗកម្ពុជា នឹងមានមជ្ឈមណ្ឌលភស្តុភារកម្មភ្នំពេញ សម្រាប់ទាក់ទាញការវិនិយោគផ្នែកឡូជីស្ទីកទាំងក្នុង និង ក្រៅប្រទេស

វិស័យមីក្រូហិរញ្ញវត្ថុបន្តចូលរួមចំណែកយ៉ាងសំខាន់ក្នុងការជំរុញកំណើនសេដ្ឋកិច្ច

ព្រឹត្តិការណ៍, ហិរញ្ញវត្ថុ

• 25/07/2024

វិស័យមីក្រូហិរញ្ញវត្ថុនៅតែបន្តចូលរួមចំណែកយ៉ាងសំខាន់ក្នុងការជំរុញកំណើនសេដ្ឋកិច្ច តាមរយៈការផ្តល់ផលិតផល និងសេវាហិរញ្ញវត្ថុផ្លូវការដល់ប្រជាពលរដ្ឋ ជាពិសេសប្រជាពលរដ្ឋនៅតាមតំបន់ជនបទ

រាជរដ្ឋាភិបាល​អាណត្តិថ្មី បាន​ដាក់​ចេញវិធានការជា​បន្តបន្ទាប់​ ​ដើម្បីជំរុញ​ការស្ដារ​វិស័យ​សំណង់ ​និងអចលនទ្រព្យ​

ព្រឹត្តិការណ៍, អចលនទ្រព្យ

• 25/07/2024

រដ្ឋាភបិាលបាល​បានដាក់ចេញនូវ​វិធានការ​ជា​បន្តបន្ទាប់ដើម្បីជំរុញវិស័យ​អចលនទ្រព្យ ​និងសំណង់ឱ្យ​ងើ​បឡើងវិញតាំងពីអាណត្តិ​ចាស់​ដល់អាណត្តិ​ថ្មី

F-16ថ្មីចំនួន២គ្រឿងនៃកញ្ចប់ចំណាយជិត២ពាន់លានដុល្លារ ចុះចតដល់ទឹកដីស្លូវ៉ាលើកដំបូងក្រោយរង់ចាំជាង២ឆ្នាំ

ព្រឹត្តិការណ៍, អាជីវកម្មថ្មី និងនវានុវត្ត

• 25/07/2024

F-16 បានបង្ហាញអំពីការចូលរួមចំណែកយ៉ាងសំខាន់ក្នុងការធ្វើឲ្យប្រសើរឡើង និងកាន់តែមានប្រសិទ្ធភាពនៃសមត្ថភាពការពារជាតិរបស់ស្លុវ៉ាគី

រដ្ឋាភិបាលអភិវឌ្ឍបណ្តាខេត្តជាប់ឆ្នេរសមុទ្រទៅជារបៀងសេដ្ឋកិច្ចពហុបំណង និងឈានទៅគោលដៅឆ្នេរទេសចរណ៍កម្រិតពិភពលោក

ព្រឹត្តិការណ៍, សេដ្ឋកិច្ច

• 25/07/2024

កម្ពុជា នឹងអភិវឌ្ឍបណ្តាខេត្តជាប់ឆ្នេរសមុទ្រឱ្យទៅជារបៀងសេដ្ឋកិច្ចពហុបំណង ប្រទាក់ក្រឡា និងជាគោលដៅទេសចរណ៍ឆ្នេរកម្រិតពិភពលោក

ការចូលរួមសេដ្ឋកិច្ចឌីជីថលសម្រាប់សហគ្រិនស្ត្រី នឹងធ្វើឱ្យកម្ពុជាឈានទៅរកការពង្រីកអាជីវកម្មក្នុងតំបន់អាស៊ាន

ព្រឹត្តិការណ៍, សេដ្ឋកិច្ច

• 25/07/2024

ការលើកកម្ពស់នៃការចូលរួមសេដ្ឋកិច្ចឌីជីថលសម្រាប់សហគ្រិនស្ត្រី នឹងធ្វើឲ្យកម្ពុជាឈានទៅរកការពង្រីកអាជីវកម្មទៅកាន់តំបន់អាស៊ានតាមរយៈប្រព័ន្ធអេឡិចត្រូនិក

ស្វែងយល់ពីបច្ចេកទេសដាំដំណាំផ្ទី ងាយៗមិនចំណាយកម្លាំងច្រើន ប៉ុន្តែទទួលបានទិន្នផលខ្ពស់

ជំនួញ, ព្រឹត្តិការណ៍

• 24/07/2024

ផ្ទី ជាដំណាំមួយប្រភេទងាយស្រួលដាំដុះ ទទួលបានផលច្រើន និងមានតម្រូវការទីផ្សារល្អ