សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ព្រះសីហនុ ៖ នៅថ្ងៃអាទិត្យទី១៨ ខែឧសភា ម្សិលមិញនេះ ក្រុមហ៊ុនអាកាសចរណ៍ចិន Ruili airlines បានដឹកអ្នកដំណើរចំនួន ១២៦នាក់ ចុះចតនៅអាកាសយានដ្ឋានអន្តរជាតិព្រះសីហនុ ដើម្បីអបអរសាទរ ការដាក់ដំណើរការឡើងវិញបន្ទាប់ពីអាក់ខានអស់រយៈពេល២ឆ្នាំកន្លងទៅនេះ។
លោក Wang Winben ឯកអគ្គរដ្ឋទូតចិនប្រចាំនៅកម្ពុជា បានថ្លែងអបអរសាទក្នុងពេលដែលកម្ពុជាដាក់ដំណើរការជើងហោះហើរខេត្តព្រះសីហនុឡើងវិញ ដែលអាចធ្វើឱ្យអ្នកដំណើរហោះត្រង់ទៅ-មក ពីប្រទេសចិនមកកាន់ខេត្តព្រះសីហនុតែម្តង។ ជើងហោះហើរត្រង់ទៅមករវាងក្រុងវូស៊ី(Wuxi)និងក្រុងព្រះសីហនុ ត្រូវបានបន្តឡើងវិញនៅថ្ងៃទី១៨ ខែឧសភា ដោយក្រុមហ៊ុនអាកាសចរណ៍ Ruili arilines ដែលនឹងអាចបំពេញតម្រូវការជាច្រើនរបស់អតិថិជនដូចជា ការធ្វើអាជីវកម្ម និងទេសចរណ៍ជាដើម។
គួរបញ្ជាក់ថា ខេត្តព្រះសីហនុត្រូវបានរដ្ឋាភិបាលយកចិត្តទុកដាក់រៀបចំផែនការក្នុងការទាក់ទាញអ្នកវិនិយោគមកបណ្តាក់ទុនរកស៊ីបន្ថែម ក៏ដូចជាទាក់ទាញទេសចរមកកម្សាន្តកាន់តែច្រើនឡើងៗ។ នៅតំបន់ឆ្នេរនានាត្រូវបានគេមើលឃើញថា បាន និងកំងកែច្នៃ និងរចនាឱ្យកាន់តែស្រស់ស្អាត ដើម្បីទាក់ទាញទេសចរចិន និងជាគោលដៅអ្នកទេសចរជាច្រើនជាតិសាសន៍ មកសម្រាកលំហែរកាយកាន់តែច្រើន។ ដោយឡែក តាមរយៈជើងហោះហើរត្រង់ទៅមករវាងក្រុងវូស៊ីប្រទេសចិន និងក្រុងព្រះសីហនុ ប្រទេសកម្ពុជាគេរំពឹងថា វានឹងធ្វើឱ្យខេត្តជាប់មាត់ឆ្នេរសមុទ្រមួយនេះ មានសកម្មភាពសេដ្ឋកិច្ចរស់រវើកឡើងវិញ ក្រោយពីជាប់គាំងបន្ទាប់ការសម្រុកចាកចេញរបស់ជនជាតិចិនជាច្រើន ក៍ដូចជារងឥទ្ធិពលពីភាពមិនច្បាស់លាស់របស់សេដ្ឋកិច្ចពិភពលោក៕
Account
Security
Favourite Content