សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ នៅក្នុងរយៈពេលប៉ុន្មានឆ្នាំចុងក្រោយនេះ វិនិយោគិនក្នុងស្រុកជាច្រើនបាន និងកំពុងអភិវឌ្ឍលំនៅឋានតម្លៃសមរម្យកាន់តែច្រើនឡើងៗ តែក្នុងនោះក៏មានប្រជាពលរដ្ឋជាច្រើនផងដែរ ដែលបានទិញដីឡូត៍សម្រាប់ទុកសង់ជាលំនៅឋាននៅពេលបន្ទាប់ក្រោយពេលរកប្រាក់បានគ្រប់គ្រាន់ ។
ឧកញ៉ា សំ សុខនឿន ប្រធានសមាគមអចលនទ្រព្យសកល បានមានប្រសាសន៍ថា នៅពេលប្រទេសកាន់តែរីកចម្រើន ដីឡូត៍នឹងកាន់តែបាត់ទៅៗ ហើយបើសិនជារដ្ឋាភិបាល និងក្រុមហ៊ុនឯកជនចាប់ដៃគ្នាក្នុងការអភិវឌ្ឍន៍លំនៅឋានតម្លៃសមរម្យកាន់តែច្រើននោះការរស់នៅរបស់ប្រជាពលរដ្ឋក៏កាន់តែមានស្ដង់ដារដូចជាមានប្រព័ន្ធហេដ្ឋារចនាសម្ព័ន្ធត្រឹមត្រូវការរស់នៅមានរបៀបរៀបរយជាដើម នោះទីផ្សារដីឡូត៍នឹងកាន់តែបាត់ទៅៗបន្ថែមទៀត។
លោកឧកញ៉ាបន្តថា អ្នកទិញដីឡូត៍នៅក្នុងប្រទេសកម្ពុជា ជាពិសេសនៅជាយរាជធានីភ្នំពេញភាគច្រើនចង់បានទីលំនៅពិតប្រាកដ ដោយសារតែពួកគាត់មកពីខេត្ត ជាកម្មករ រោងចក្រ កម្មករសំណង់ និងបុគ្គលិកធ្វើការនៅភ្នំពេញ ហើយដោយសារតែពួកគាត់មិនមានលទ្ធភាពក្នុងការទិញផ្ទះក៏ទៅទិញដីឡូត៍ជំនួសវិញ។ បើសិនជាវិនិយោគិនចូលរួមក្នុងការអភិវឌ្ឍលំនៅឋានតម្លៃសមរម្យកាន់តែច្រើន នោះប្រជាពលរដ្ឋដែលមានតម្រូវការលំនៅឋានអាចមានលទ្ធភាពច្រើនក្នុងការទិញផ្ទះស្នាក់នៅ និងបង់រំលស់ប្រចាំខែ។
លោកឧកញ៉ាបញញជាក់ថា ៖
“ពេលនេះអ្នកទិញដីឡូត៍ភាគច្រើនទិញគេហើយនៅជួលផ្ទះគេស្នាក់នៅដដែល ដែលធ្វើឱ្យពួកគាត់ចំណាយលើការបង់ថ្លៃដីឡូត៍ផង និងចំណាយទៅលើថ្លៃជួលផ្ទះផង តែបើសិនជាពួកគាត់ទិញផ្ទះគាត់មិនគាត់មិនចាំបាច់បង់ថ្លៃផ្ទះជួលទេ ហើយគាត់អាចមានផ្ទះជាកម្មសិទ្ធិផ្ទាល់ខ្លួនទៀតផង”
លោកឧកញ៉ាក៏បានជំរុញឱ្យវិនិយោគិនគួរចាប់ផ្ដើមវិនិយោគលើតម្លៃសមរម្យ ហើយលក់ជូនប្រជាពលរដ្ឋដែលមានតម្រូវការផ្ទះសម្រាប់ស្នាក់នៅ នៅក្នុងតំបន់ជិតៗក្រុង ដើម្បីសម្រួលដល់ប្រជាពលរដ្ឋដែល ធ្វើការជិតក្រុង ឬក្នុងក្រុង។ យ៉ាងណាក្ដីក្រុមហ៊ុនអភិវឌ្ឍន៍ដីឡូត៍មួយចំនួនក៏បានកែប្រែការអភិវឌ្ឍន៍របស់ខ្លួនពីការអភិវឌ្ឍដីឡូត៍ទៅជាការអភិវឌ្ឍន៍លំនៅឋានជំនួសវិញ ។
លោក ផូន សុអុនដែន ប្រធានផ្នែកលក់ និងទីផ្សារនៃក្រុមហ៊ុន ខេ អេចលែន ក៏បានឱ្យដឹងថា ពេលនេះក្រុមហ៊ុនរបស់ខ្លួនបាន និងកំពុងអភិវឌ្ឍលំនៅឋានសម្រាប់លក់ជូនអតិថិជនបណ្ដើរៗ ដោយសារតែមើលឃើញថាតម្រូវការលំនៅឋាននៅតំបន់ដែលក្រុមហ៊ុនអភិវឌ្ឍន៍នៅជាយក្រុងកំពុងតែមានកំណើនខ្ពស់ បូករួមនឹងសក្ដានុពលជាច្រើនទៀតដែលទាមទារឱ្យក្រុមហ៊ុនអភិវឌ្ឍន៍លំនៅឋាន ជាពិសេសលំនៅឋានសម្រាប់អ្នកមានចំណូលទាប និងមធ្យម ។ លោកបន្តថា ការអភិវឌ្ឍន៍ដីឡូត៍ក៏នៅតែមានតែយើងចង់ឱ្យអតិថិជនមានជម្រើសក្នុងការទិញលំនៅឋាន ឬក៏ទិញដីឡូត៍សម្រាប់សាងសង់លំនៅឋាន ដោយអតិថិជនក៏អាចទិញអចលនទ្រព្យទាំងនេះហើយ អាចបង់រំលស់បានដូចគ្នាមិនថាដី ឬក៏ផ្ទះនោះឡើយ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្ពុជា កំពុងពិនិត្យលទ្ធភាពកែច្នៃសំរាម ទៅជាអគ្គិសនី និងឥន្ធនៈ ដើម្បីបង្កើតតម្លៃសេដ្ឋកិច្ចជាតិ
Top News, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 02/10/2026
ភ្នំពេញ ៖ រាជរដ្ឋាភិបាលកម្ពុជា តាមរយៈក្រសួងបរិស្ថាន កំពុងពិនិត្យលទ្ធភាពកែច្នៃសំរាម និងសំណល់រឹង ទៅជាថាមពលអគ្គិសនី និងឥន្ធនៈ ដើម្បីបង្កើតតម្លៃសេដ្ឋកិច្ចជាតិ។ មន្ដ្រីជាន់ខ្ពស់ក្រសួងបរិស្ថាន បានប្រាប់បណ្ដាញសារព័ត៌មាន AMS នៅថ្ងៃទី២ ខែតុលា នេះ ថា លទ្ធភាពកែច្នៃទៅរួច ឬអត់ គឺស្ថិតនៅលើទុនវិនិយោគរបស់ក្រុមហ៊ុនធំណាមួយនឹងចូលខ្លួនមកកែច្នៃ ព្រោះគម្រោងនេះត្រូវចំណាយច្រើន
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
ក្រសួងទេសចរណ៍ដាក់ឱ្យអនុវត្តផែនការ ៥ ឆ្នាំ ប្រែក្លាយសៀមរាបជាគោលដៅបេតិកភណ្ឌឆ្លាតវៃ
ឧបនាយករដ្ឋមន្ត្រីសាយ សំអាល់៖ ការតភ្ជាប់តំបន់សេដ្ឋកិច្ច ជាគន្លឹះទាក់ទាញវិនិយោគិន និងទេសចរ
Account
Security
Favourite Content