សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ទោះបីជាស្ថិតនៅក្នុងដំណាក់កាលនៃសេដ្ឋកិច្ចពិភពលោកមិនទាន់ប្រាកដប្រជាក្ដី តែក្នុងរយៈពេល៧ខែដើមឆ្នាំ២០២៣នេះ កម្ពុជាបានចេញលិខិតអនុញ្ញាតដល់គម្រោងសាងសង់ថ្មីចំនួន២០៣៦គម្រោង ដែលមានទឹកប្រាក់សរុបចំនួនជិត៣ពាន់លានដុល្លារអាមេរិក ។ នេះបើតាមមន្ត្រីជាន់ខ្ពស់នៃក្រសួងរៀបចំដែនដី នគរូបនីយកម្ម និងសំណង់ ។
ថ្លែងនៅក្នុងពិធីសម្ពោធពិព័រណ៍ វិស័យសំណង់ខ្នាតអន្តរជាតិនៅកម្ពុជា នៅថ្ងៃទី១៤ កញ្ញា ២០២៣ ឯកឧត្តម ហង្ស សុតសំភារ រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ បានមានប្រសាសន៍ថា ក្នុងរយៈពេល៧ខែ ឆ្នាំ២០២៣នេះ ក្រសួងរៀបចំដែនដី នគរូបនីយកម្ម និងសំណង់បានផ្ដល់លិខិតអនុញ្ញាតសាងសង់គម្រោងថ្មីចំនួន២០៣៦គម្រោង ដែលមានផ្ទៃក្រឡាសំណង់សរុបជាង៨លានម៉ែត្រការ៉េ គិតជាទុនវិនិយោគមានចំនួន ២,៩៧ពាន់លានដុល្លារអាមេរិក ។
ឯកឧត្តមបានបន្តថា បើគិតចាប់តាំងបានអនុវត្តន៍ច្បាប់ស្ដីពីសំណង់នៃព្រះរាជាណាចក្រកម្ពុជាក្នុងឆ្នាំ២០០០ រហូតមកដល់ដំណាច់ខែកក្កដា ឆ្នាំ២០២៣ កម្ពុជាបានបានផ្ដល់លិខិតអនុញ្ញាតសាងសង់គម្រោងចំនួន ៦៣.៩០៣គម្រោង មានផ្ទៃក្រឡាទំហំជាង ១៨១,៨៧លានម៉ែត្រការ៉េ និងមានទឹកប្រាក់វិនិយោគសរុប ចំនួន៧២,៣៧ពាន់លានដុល្លារអាមេរិក ។
ឯកឧត្តមបានបញ្ជាក់ថា គម្រោងអគារខ្ពស់ៗគិតចាប់តាំងពីឆ្នាំ២០០០ សរុបមានចំនួន ២.៦០៩អគារ ក្នុងនោះនៅរាជធានីភ្នំពេញមានចំនួន ១.៧១៨អគារ នៅខេត្តព្រះសីហនុមានចំនួនអគារ ៦៩៣អគារ នៅខេត្តបន្ទាយមានជ័យមានចំនួន ១៥៥អគារ និងនៅខេត្តផ្សេងទៀតមានចំនួន ៤៣ អគារ ។ ដោយឡែកសំណង់លំនៅឋានមានចំនួន ១៨.៤៤០គម្រោង មានផ្ទៃក្រឡាកម្រាលសំណង់សរុបចំនួន៣៨,៨២លានម៉ែត្រការ៉េ មានទុនវិនិយោគ ១៥,៤៤លានដុល្លារអាមេរិក ។
ជាការកត់សម្គាល់ ការរីកចម្រើននៃវិស័យសំណង់ បានកែប្រែសោភណភាពទីក្រុងកាន់តែប្រសើរ ក្នុងនោះអគារខ្ពស់រីកដុះដាលកាន់តែខ្លាំង ទាំងនៅទីក្រុងភ្នំពេញ និងនៅតាមបណ្ដាខេត្តមួយចំនួនជាពិសេសក្រុងព្រះសីហនុ និងក្រុងប៉ោយខេត្តបន្ទាយមានជ័យ ។
គួរញ្ជាក់ថា វិស័យសំណង់មានការរីកដុះដាលខ្លាំងនៅក្នុងប្រទេសកម្ពុជា ចាប់តាំងពីវិបត្តិហិរញ្ញវត្ថុក្នុងឆ្នាំ២០០៩ត្រូវបានបញ្ចប់រហូតដល់មុនវិបត្តិកូវីដ១៩ក្នុងឆ្នាំ២០២០ ។ បន្ទាប់មកវិស័យនេះ ក៏បានថមថយបន្តិចវិញនៅក្នុងវិបត្តិកូវីដ១៩ និងបន្តអូសបន្លាយមកដល់បច្ចុប្បន្ន ។ តែយ៉ាងណាក្ដី វិនិយោគិនក្នុង និងក្រៅប្រទេសនៅតែបន្តដាក់ទុនអភិវឌ្ឍន៍សំណង់ក្នុងប្រទេសកម្ពុជា គ្រាន់តែសកម្មភាពនៃការអភិវឌ្ឍមិនច្រើនដូចកាល់មុនវិបត្តិកូវីដ១៩ ៕
Account
Security
Favourite Content