សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ បច្ចុប្បន្ននេះ លំនៅឋាននៅក្នុងប្រទេសកម្ពុជា ជាពិសេសនៅក្នុងរាជធានីភ្នំពេញជាច្រើនបានសង់រួចរាល់ហើយ ប៉ុន្តែមិនទាន់បានលក់ចេញអស់ ហើយមានមតិមួយចំនួនបានលើកឡើងថា ទីផ្សារមួយនេះកំពុងជាប់គាំង ។
ឯកឧត្តម សាយ សំអាល់ ឧបនាយករដ្ឋមន្ត្រី និងជារដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានលើកឡើងថា ភាគច្រើនទីផ្សារលំនៅឋានដែលជាប់គាំង ដោយសារតែអ្នកអភិវឌ្ឍន៍ អ្នកសាងសង់មិនបានធ្វើឡើងស្របតាមតម្រូវការ ឬលើសពីលទ្ធភាពរបស់អតិថិជននៅលើទីផ្សារជាក់ស្ដែង ។
ឯកឧត្តម សាយ សំអាល់ បានមានប្រសាសន៍កាលពីពេលថ្មីៗនេះថា បច្ចុប្បន្នអ្នកអភិវឌ្ឍន៍លំនៅឋាន បានអភិវឌ្ឍន៍លំនៅឋានលើសពីតម្រូវការលើទីផ្សារ ហើយលំនៅឋានដែលពួកគាត់សាងសង់នោះក៏មានតម្លៃខ្ពស់លើសពីសមត្ថភាពរបស់ប្រជាជនដែលអាចទិញបាន ។
ឯកឧត្តមបន្តថា អ្នកអភិវឌ្ឍន៍លំនៅឋានជាច្រើន បានសាងសង់លំនៅឋាន ដោយមិនបានវិភាគលើសេដ្ឋកិច្ចនោះទេ ជាក់ស្ដែងនៅពេលឃើញសង្គ្រាមរវាងរុស្ស៊ី និងអ៊ុយក្រែនហើយ តែពួកគាត់នៅតែបន្តសាងសង់ ដោយគិតថានេះ គឺជារឿងរបស់ប្រទេសផ្សេងដែលមិនពាក់ព័ន្ធនឹងសេដ្ឋកិច្ចកម្ពុជា ប៉ុន្តែ ពួកគាត់មិនបានគិតថា សេដ្ឋកិច្ចរបស់ប្រទេសកម្ពុជាបានធ្វើសមាហរណកម្មជាមួយនឹងសេដ្ឋកិច្ចពិភពលោកស្អិតរមួត ដូច្នេះបើសិនជាប្រទេសរុស្ស៊ី និងអ៊ុយក្រែងមានបញ្ហានឹងគ្នា នោះបញ្ហាសេដ្ឋកិច្ចក៏អាចកើតមានដូចគ្នាដែរ ទាស់ត្រង់ថា តិច ឬច្រើនតែប៉ុណ្ណោះ។
ឯកឧត្តមបានបន្ថែមថា ៖
« កន្លងមក អ្នកអភិវឌ្ឍន៍លំនៅឋាន បានអភិវឌ្ឍន៍ និងសង់ផ្ទះដោយមិនបានដឹងថា ប្រជាជនកម្ពុជាប៉ុន្មាននាក់ ត្រូវលំនៅឋានសម្រាប់ស្នាក់នៅ ហើយលំនៅឋានប្រភេទណាដែលពួកគាត់ត្រូវការ និងមានតម្លៃប៉ុន្មាន ។ ដោយសារតែហេតុនេះហើយ ទើបក្រសួងរៀបចំដែនដី នគរូបនីយកម្ម និងសំណង់ បានដាក់ឱ្យប្រើប្រាស់ប្រព័ន្ធកម្មវិធីអន្តរកម្មផ្លាស់ប្តូរទិន្នន័យរបស់ក្រសួងរៀបចំដែនដី នគរូបនីយកម្ម និងសំណង់ ជាមួយក្រុមហ៊ុន ក្រេឌីតប្យួរ៉ូ (ខេមបូឌា ) ។ នៅពេលបានទិន្នន័យហើយ អ្នកអភិវឌ្ឍន៍លំនៅឋាននឹងដឹងច្បាស់តែម្ដងថា ក្នុងមួយឆ្នាំ ប្រជាពលរដ្ឋកម្ពុជាត្រូវការផ្ទះប៉ុន្មាណ ប្រភេទណា និងតម្លៃប៉ុណ្ណា ដូច្នេះអ្នកអភិវឌ្ឍន៍នឹងលែងមានបញ្ហាក្នុងការអភិវឌ្ឍសល់ទៀតហើយ»។
ឯកឧត្តមបានលើកឡើងផងដែរ កន្លងមកចំពោះគម្រោងអភិវឌ្ឍន៍លំនៅដ្ឋាន និងបុរីដែលមានបញ្ហា និងបានសុំឱ្យក្រសួងជួយអន្តរាគមន៍ ភាគច្រើននៃអ្នកទិញផ្ទះទាំងនោះជាអ្នកមានចំណូលទាប និងមធ្យម ហើយចំនួនទៀតជាមន្ត្រីរាជការ ដូចជា គ្រូបង្រៀន កងកម្លាំងប្រដាប់បអាវុធ ដូច្នេះ ទើបក្រសួងរៀបចំដែនដី នគរូបនីយកម្ម និងសំណង់ បានជំរុញឱ្យក្រុមការងារត្រូវដោះស្រាយឱ្យបានលឿន ៕
Account
Security
Favourite Content