ឥណទាន​សម្រាប់ទិញ​លំនៅឋាន​​កើនឡើង​ប្រមាណ ៦,៤ភាគរយ

ភ្នំពេញ  ៖ ទោះបីជា​ក្នុងស្ថានភាព​នៃវិស័យ​អចលនទ្រព្យ​នៅមិនទាន់មានភាពប្រសើរឡើង​ដូច​មុនកូវីដ​១៩​ក្ដី​ តែកា​រ​ទិញ-លក់​អចលនទ្រព្យ ​ជាពិសេស​លំនៅឋាន​ក្នុង​ប្រទេស​កម្ពុជា​នៅ​បន្ត​មានជាហូរហែ ជាក់ស្ដែង​នៅ​ក្នុង​ឆ្នាំ២០២៣​កន្លងទៅនេះ ការផ្ដល់​ឥណទាន​សម្រាប់ទិញ​ផ្ទះជាកម្មសិទ្ធិ​ផ្ទាល់​បានកើនឡើង​ប្រមាណ ៦,៤​ភាគរយ ។ នេះបើតាមរបាយការណ៍របស់​ធនាជាតិ​នៃកម្ពុជា​ចេញផ្សាយនៅ​ចុងខែ​មករា ឆ្នាំ២០២៤​នេះ ។​

បើតាមរបាយការណ៍​របស់ធនាគា​រជាតិនៃកម្ពុជាបានបង្ហាញថា កំណើន​ឥណទាន​​នៅក្នុង​ប្រព័ន្ធធនាគារ​​ឆ្នាំ២០២៣​ឃើញ​ថា ​មានកំនើន​ប្រមាណ ៤,៨ភាគរយ ដែល​ជាអត្រា​ទាប​បំផុត​ក្នុង​រយៈ​ពេល​២០ឆ្នាំចុងក្រោយ​នេះ ក្នុង​នោះ​ឥណទាន​ដែលគ្រឹះស្ថាន​ធនាគា​រផ្ដល់ទៅ​វិស័យ​សណ្ឋាគារ​ និង​ភោជនីយដ្ឋាន​មាន​កំណើន​ត្រឹមតែ ​០,៦​ភាគរយ​ ខណៈការ​ជួញដូរ​ដុំកើនឡើង ៤,៨ភាគរយ  ។

របាយការណ៍​បានបង្ហាញថា​ ឥណទាន​សម្រាប់ផ្ដល់​ជូន​ការទិញផ្ទះ​សម្រាប់ជា​កម្មសិទ្ធិ​ផ្ទាល់​ខ្លួន​ក្នុង​ឆ្នាំ២០២៣​ មានការកើនឡើង​៦,៤ភាគរយ ស្រ​បនឹង​ឥណទាន​សម្រាប់​ការជួញដូរអចលនទ្រព្យ​មាន​កំណើន​រហូតដល់​ ១៦,៩ភាគរយ ។ ដោយឡែក​ក្នុងវិស័យសំណង់​ទាំងមូល​​មានការកើនឡើង​១៣,៩ភាគរយ​ ។ 

ធនាគារ​ជាតិ​បាន​បង្ហាញទស្សន​ថា ក្នុង​ស្ថានភាពបែបនេះ បទប្បញ្ញត្តិ​​ប្រុង​ប្រយ័ត្ន​មួយ​ចំនួន ត្រូវ​បាន​អនុ​គ្រោះ​​​ដើម្បីផ្ដល់លទ្ធភាពបន្ថែម​ដល់​គ្រឹះស្ថាន​ធនាគារ ​និងហិរញ្ញវត្ថុ ក្នុងការជួយ​ទ្រទ្រង់​វិស័យ​ដែល​ត្រូវ​ការ​ហិ​រញ្ញប្បទាន​ដើម្បីរក្សា​និរន្តរភាព និងពង្រីកកា​រវិនិយោគ។

ទោះជា​យ៉ា​ងណាក្ដី​​ របាយការណ៍​ដដែល​នេះ​បាន​បង្ហាញថា សកម្មភាពលក់​លំនៅឋាន​ រួមមានផ្ទះល្វែង វីឡា​ភ្លោះ និងទោល​បានថយចុះ​រហូតដល់ ៤៩,៧​ភាគរយ ប៉ុន្តែ​ការ​លក់ខុនដូ​​វិញឃើញ​ថា​មានកំណើន​ឡើង​២ភាគរយ ​ក្នុង​ពេលសន្ទស្សន៍​ថ្លៃលំនៅឋាន​ បានថយ​ចុះ ២,៤ភាគរយ ក្នុងនោះដែរ​នៅរាជធានីភ្នំពេញ បានថយ​ចុះ​ ៣,២ភាគរយ ខណៈបណ្ដាខេត្ត​បានកើនឡើង ​៣,២ភាគរយ​ ។​

បើតាមធនាគារ​ជាតិ​ឱ្យដឹងថា​ ឥណទាន​សរុប​ក្នុងវិស័យធនាគារ​ បានកើនដល់​ ៥១,៨ពាន់លាន​ដុល្លារ​អាមេរិក​ហើយ​ ឥណទាន​ដែលគ្រឹះស្ថាន​ធនាគា​រផ្ដល់​ជូន​​សម្រាប់ការទិញផ្ទះជា​កម្មសិទិ្ធផ្ទាល់​ខ្លួន ១៣,៥ភាគរយ​នៃ​ឥណទានសរុប​ក្នុងឆ្នាំ២០២៣ ដូច្នេះគិតត្រឹម​ឆ្នាំ​២០២៣ ឥណទាន​ដែលផ្ដល់ជូន​សម្រាប់​ការ​ទិញ​ផ្ទះជា​កម្ម​សិទ្ធិ​ផ្ទាល់ខ្លួន​មានជិត​៧ពាន់លានដុល្លា​រអាមេរិក ។​

បើតាម​លោកឧកញ៉ា នួន រឹទ្ធី ប្រធានក្រុមប្រឹក្សាភិបាលក្រុមហ៊ុន KFA Group ​បានមានប្រសាសន៍ថា​ ការលក់​ និងការ​អភិវ​ឌ្ឍ​​​លំនៅឋានតម្លៃខ្ពស់​មានការ​ថមថយ​គួរ​ឱ្យ​កត់​សម្គាល់ ប៉ុន្តែសម្រាប់​លំនៅឋាន​តម្លៃសមរម្យ ​និង​​តម្លៃ​មធ្យម​នៅតែបន្តមានសកម្មភាព ទាំងការសាងសង់ ទាំងការទិញ-លក់ ជាពិសេស​ការ​បង់ផ្ដាច់​ជាមួយធនាគារតែម្ដង។

អ្នកទិញផ្ទះភាគច្រើន​បានចាប់ផ្ដើម​ប្រើ​ឥណទាន​ធនាគារ​យកទិញ​ផ្ទះ ព្រោះតែ​មុននឹងទទួល​បាន​ឥណទាន​​ ភាគីខាង​ធនាគារ​ត្រូវ​សិក្សា​ពីចំណូល និងខ្ទង់ចំណាយ​របស់​អតិ​ថិ​ជន​ជាមុន​សិន​ ហើយអត្រាការ​ប្រាក់​ធនាគា​រក៏មាន​អត្រា​ទាប​ជាង​ការ​ប្រាក់ដែលទិញផ្ទះបង់ជា​មួយ​ម្ចាស់​បុរីដែរ​៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ

ព្រែកជីកហ្វូណនតេជោ នឹងផ្លាស់ប្ដូរមុខមាត់ និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅអាល្លឺម៉ង់

ព្រឹត្តិការណ៍, សេដ្ឋកិច្ច

• 14/06/2024

ព្រែកជីកហ្វូណនតេជោ នឹងផ្លាស់ប្ដូរមុខមាត់កម្ពុជាថ្មី និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅប្រទេសអាល្លឺម៉ង់ ក្រោយពេលស្ថាបនារួច

វិស័យ SMEs ជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ព្រឹត្តិការណ៍, សេដ្ឋកិច្ច

• 14/06/2024

សហគ្រាសធុនមីក្រូ តូច និងមធ្យមគឺជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ការជួបជុំធុរជនជិត ៥ពាន់នាក់មកពី ៥០ប្រទេសនៅសៀមរាប ផ្តល់ចំណូលដល់វិស័យទេសចរណ៍ និងសេដ្ឋកិច្ចកម្ពុជា

ព្រឹត្តិការណ៍, សេដ្ឋកិច្ច

• 13/06/2024

ការជួបជុំធុរជនជិត ៥ ពាន់នាក់មកពី ៥០ប្រទេស ទីក្រុងសៀមរាប ខេត្តសៀមរាប ផ្តល់ចំណូលដល់វិស័យទេសចរណ៍ និង សេដ្ឋកិច្ចកម្ពុជា

សម្ដេចធិបតី ៖ យើងមិនអាចរស់ដោយពឹងគេរហូតទេ ត្រូវតែពង្រឹងខ្លួនឯងឱ្យដើរចេញពីប្រទេសអភិវឌ្ឍន៍តិច

ព្រឹត្តិការណ៍, សេដ្ឋកិច្ច

• 13/06/2024

សម្រាប់កម្ពុជា គឺកំពុងតែរំកឹលខ្លួនបន្តិចម្ដងៗចេញពីប្រទេសដែលមានចំណូលមធ្យមកម្រិតទាប ទៅជាប្រទេសដែលមានចំណូលមធ្យមកម្រិតខ្ពស់ក្នុងរយៈពេល៥ឆ្នាំខាងមុខនេះ

ប្រទេសសមាជិកអាស៊ានចំនួន ៦ មានកំណើនសេដ្ឋកិច្ចល្អប្រសើរ

ព្រឹត្តិការណ៍, សេដ្ឋកិច្ច

• 13/06/2024

យោងតាម​ការ​ព្យាករណ៍​របស់ Maybank Research Pte Ltd បានឲ្យដឹងថា ផលិតផលក្នុងស្រុកសរុបរបស់ប្រទេសអាស៊ានទាំង ៦ រួមមាន៖ ឥណ្ឌូណេស៊ី ម៉ាឡេស៊ី សិង្ហបុរី ថៃ វៀតណាម និងហ្វីលីពីន