សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បាត់ដំបង ៖ តាមរយៈសមាគមជប៉ុន-កម្ពុជា (JCA) បានបង្ហើបឲ្យដឹងថា ក្រុមហ៊ុនជប៉ុនជាច្រើនបានបង្ហាញពីការចាប់អារម្មណ៍មកវិនិយោគនៅក្នុងប្រទេសកម្ពុជាលើវិស័យផ្សេងៗជាច្រើន ជាពិសេសផ្នែកកសិកម្ម និងសិប្បកម្ម រួមជាមួយនឹងគោលបំណងចង់សិក្សាលម្អិតពីលទ្ធភាពវិនិយោគទីក្រុងឆ្លាតវៃនៅក្នុងខេត្តបាត់ដំបងផងដែរ។
លោក TAMURA Tsutomu ប្រធានសមាគមជប៉ុន-កម្ពុជា (Japan Cambodia Association) និងជាប្រធានគ្រប់គ្រងទូទៅក្រុមហ៊ុន NIPPON KEI CO.,LTD កាលពីក្នុងសប្ដាហ៍កន្លងទៅ ខណៈពេលដែលបានជួបពិភាក្សាការងារមួយចំនួនជាមួយឯកឧត្តម សុខ លូ អភិបាលខេត្តបាត់ដំបងបានលើកឡើងថា សមាគមជប៉ុនគ្រោងនឹងដឹកនាំអ្នកវិនិយោគទុនជប៉ុន មកធ្វើទស្សនកិច្ចនៅព្រះរាជាណាចក្រកម្ពុជា នឹងមកកាន់ខេត្តបាត់ដំបង ក្នុងកំឡុងខែមេសា ឆ្នាំ២០២២ ខាងមុខនេះ ដើម្បីមកសិក្សាពីសក្តានុពលរបស់ខេត្ត ក៏ដូចជាវិស័យកសិកម្ម ផ្តោតលើសហគ្រាសធនតូច និងមធ្យម ជាពិសេសការវិនិយោគលើការធ្វើសូត្រ នៅក្នុងខេត្តបាត់ដំបង និងមួយទៀតគឺផ្តោតទៅលើគម្រោងទីក្រុងឆ្លាតវៃ (Smart city )។
លោកបានបន្តឲ្យដឹងថា បច្ចុប្បន្នមានក្រុមហ៊ុន និងអ្នកវិនិយោគជប៉ុនជាច្រើនបានបង្ហាញពីការចាប់អារម្មណ៍ក្នុងការវិនិយោគនៅកម្ពុជា ខណៈដែលក្រុមហ៊ុនធំៗមួយចំនួនរបស់ជប៉ុនបានបង្ហាញវត្តមាននៅកម្ពុជារួចទៅហើយនោះ។ ដោយឡែកនៅក្នុងអំឡុងខែមេសា ឆ្នាំ២០២២ ខាងមុខនេះ តាមរយៈសមាគមជប៉ុន-កម្ពុជា នឹងនាំក្រុមធុរកិច្ចមកសិក្សាពីឱកាសវិនិយោគនៅកម្ពុជាបន្ថែមទៀត
ឯកឧត្តម សុខ លូ អភិបាលខេត្តបាត់ដំបង បានស្វាគមន៍ជាមួយនឹងគម្រោងទស្សនកិច្ចរបស់ក្រុមធុរកិច្ចជប៉ុនមកកាន់ខេត្តបាត់ដំបង ជាមួយនឹងការស្នើឲ្យមានការវិនិយោគ និងអភិវឌ្ឍន៍ បង្កើតតំបន់សេដ្ឋកិច្ចពិសេសផងដែរ។
ឯកឧត្តមបានបន្តថា ខេត្តបាត់ដំបង សម្បូរទៅដោយផលិតផលកសិកម្ម ដូច្នេះ នៅពេលដែលខេត្តមានតំបន់សេដ្ឋកិច្ចពិសេសវានឹងជំរុញឱ្យការវិនិយោគកសិឧស្សាហកម្មឱ្យមានការរីកចំរើន ហើយក្នុងលក្ខខណ្ឌដែលក្រុមហ៊ុនជប៉ុនមានបំណងមកវិនិយោគលើតំបន់សេដ្ឋកិច្ចពិសេសនេះ ខេត្តនឹងពិភាក្សាស្វែងរកទីតាំងដីសមស្របណាមួយជូនដល់ក្រុមហ៊ុនហ៊ុនជប៉ុនដើម្បីធ្វើកាវិនិយោគផងដែរ។ លោកបន្តថា ខេត្តបាត់ដំបងមានព្រំប្រទល់ជាប់ព្រំដែនថៃ មានផ្លូវអាស៊ាន (ផ្លូវជាតិលេខ៥) និងមានផ្លូវជាតិលេខ១០ តភ្ជាប់ពីខេត្តបាត់ដំបងទៅកាន់តខេត្តកោះកុង ងាយស្រួលក្នុងការដឹកជញ្ជូន ដូច្នេះការបង្កើតតំបន់សេដ្ឋកិច្ចក្នុងខេត្តក៏ជួយលើកកមពស់សេដ្ឋកិច្ចក្នុងតំបន់ផងដែរ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ស្វែងយល់ពីឫសគល់ប្រវត្តិសាស្ត្រដែលសហរដ្ឋអាម៉េរិក និងសម្ព័ន្ធមិត្តមិនអាចផ្តួលរំលំរបបដឹកនាំអ៊ីរ៉ង់
Top News, ព្រឹត្តិការណ៍, សេដ្ឋកិច្ច
• 17/07/2026
ក្រុមអ្នកវិភាគភូមិសាស្ត្រនយោបាយ គូសបញ្ជាក់ថា ការព្យាយាមប្រើប្រាស់សម្ពាធយោធា និង ការដាក់ទណ្ឌកម្មសេដ្ឋកិច្ចនានាដើម្បីបង្ខំឱ្យអ៊ីរ៉ង់ផ្លាស់ប្តូររបបដឹកនាំគឺជារឿងដ៏លំបាកបំផុត ដោយសារតែរបបបច្ចុប្បន្នត្រូវបានកសាងឡើងនៅលើទ្រឹស្តីការពារខ្លួន និងការចងចាំដ៏ឈឺចាប់នៃការជ្រៀតជ្រែកពីបរទេសអស់រយៈពេលជាង ២ សតវត្សរ៍កន្លងមក
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
គិតត្រឹមពាក់កណ្ដាលឆ្នាំ ២០២៦ ជប៉ុនផ្ដល់ឥណទានសម្បទានជាង ៣.៥ ពាន់លានដុល្លារដល់កម្ពុជា
ចិន បញ្ចូលអង្គភាពជប៉ុនចំនួន ៤០ ចូលទៅក្នុងបញ្ជីខ្មៅ និងបញ្ជីតាមដាន ដើម្បីរឹតបន្តឹងការនាំចេញរ៉ែកម្រ
Account
Security
Favourite Content