ខេត្តកំពង់ធំ មានភូមិសាស្រ្តអំណោយផលប្រកបដោយសក្តានុពល និងការអភិវឌ្ឍសម្រាប់ការវិនិយោគដីកសិកម្ម

កំពង់ធំ ៖ ខេត្តកំពង់ធំ ដែលស្ថិតនៅចំកណ្តាលផ្ទៃប្រទេសកម្ពុជា មានចម្ងាយ ១៦៨គីឡូម៉ែត្រពីរាជធានីភ្នំពេញ មានភូមិសាស្រ្តអំណោយផលប្រកបដោយសក្តានុពល និងការអភិវឌ្ឍសម្រាប់ការវិនិយោគ ពិសេសការវិនិយោគលើដីដើម្បីទាញយកផលប្រយោជន៍កសិកម្ម។

ឯកឧត្តម ងួន រតនៈ អភិបាលនៃគណៈអភិបាលខេត្តកំពង់ធំបានថ្លែងថា ខេត្តកំពង់ធំស្ថិតនៅចំកណ្តាលផ្ទៃប្រទេសកម្ពុជា មានចម្ងាយ ១៦៨គីឡូម៉ែត្រ ពីរាជធានីភ្នំពេញ និងត្រូវបានចែកចេញជាក្រុង ១ ស្រុក ៨ ឃុំ ៧៣ សង្កាត់ ៨ និងភូមិ ៧៦៧ ដែលមានប្រជាពលរដ្ឋចំនួនជិត ១៨ម៉ឺនគ្រួសារ ឬស្មើនឹងប្រមាណ ៨៤ម៉ឺននាក់។

ឯកឧត្តមអភិបាលខេត្តបានថ្លែងបន្តថា ខេត្តមានផ្ទៃដីសរុប ចំនួន ១៥ ០៦១គីឡូម៉ែត្រការ៉េ ដែលត្រូវបានចែកជាពីរសណ្ឋានដីគឺ តំបន់ខាងក្រោមផ្លូវជាតិលេខ ៦ ជាតំបន់វាលទំនាបលាតសន្ធឹងរហូតដល់មាត់បឹងទន្លេសាប ដែលអំណោយផលដល់ការដាំដុះស្រូវនិងការនេសាទ និងតំបន់ខាងលើផ្លូវជាតិលេខ ៦ ជាតំបន់ខ្ពង់រាប សមប្រកបសម្រាប់ដំណាំចម្ការដូចជាកៅស៊ូ ស្វាយចន្ទី និងដំឡូងមី ជាដើម។

ឯកឧត្តម ងួន រតនៈ បានថ្លែងដូច្នេះថា ៖

“វិស័យកសិកម្ម គឺជាវិស័យចម្បងក្នុងការរក្សាលំនឹងសេដ្ឋកិច្ចជូនប្រជាពលរដ្ឋនៅក្នុងខេត្តកំពង់ធំ។ ជាក់ស្តែង ក្នុងឆ្នាំ២០២១កន្លងទៅ ផ្ទៃដីដាំដុះស្រូវមានសរុបចំនួន ៣០៦ ៧២៥ ហិកតា ក្នុងនោះស្រូវប្រាំង ៧៦ ៩៥៦ ហិកតា និងស្រូវវស្សា ២២៩ ៧៦៩ហិកតា ខណៈដែលផ្ទៃដីប្រមូលផលសរុបមានចំនួន ៣០៥ ៦១៦ហិកតា  ជាមួយទិន្នផលជាមធ្យមជាង ៣តោនក្នុង ១ហិកតា”

ឯកឧត្តមបានឱ្យដឹងទៀតថា ក្រៅពីដំណាំស្រូវ ការដាំដុះបន្លែ ដំណាំកសិ-ឧស្សាហកម្ម ការចិញ្ចឹមសត្វ និងផលនេសាទ ក៏បានផ្តល់ផលជាទីគាប់ប្រសើរផងដែរ។ ទន្ទឹមនឹងភាពអំណោយផលផ្នែកភូមិសាស្រ្ត កត្តាដែលផ្តល់លទ្ធភាពឱ្យវិស័យកសិកម្មអាចប្រព្រឹត្តទៅបានល្អប្រសើរគឺប្រព័ន្ធធារាសាស្រ្ត។ ក្នុងខេត្តកំពង់ធំ ប្រព័ន្ធធារាស្ត្រមានចំនួន ២៥៨ ក្នុងនោះប្រព័ន្ធខ្នាតធំចំនួន ៣ (ធំជាង ៥ ០០០ហិកតា) ប្រព័ន្ធខ្នាតមធ្យម161 (២០០ ទៅ ៥ ០០០ហិកតា) និងប្រព័ន្ធខ្នាតតូច ៩៤ (តូចជាង ២០០ហិកតា)។ ឯឧត្តមបានថ្លែងបន្តថា ក្រៅពីវិស័យ កសិកម្ម វិស័យទេសចរណ៍ក៏បានដើរតួនាទីយ៉ាងសំខាន់ក្នុងការជួយគាំទ្រដល់ការអភិវឌ្ឍសេដ្ឋកិច្ចខេត្តផងដែរ។ តំបន់ទេសចរណ៍ដែលមានសក្តានុពលរួមមាន រមណីយដ្ឋានវប្បធម៌ប្រវត្តិសាស្ត្រ ដូចជា ប្រាសាទសំបូរព្រៃគុក ដែលត្រូវបានដាក់ចូលជាសម្បត្តិបេតិកភ័ណ្ឌពិភពលោកកាលពីឆ្នាំ២០១៧ និងប្រាសាទគុហនគរ និងរមណីយដ្ឋានធម្មជាតិ ដូចជា ភ្នំសន្ទុក ស្ទឹងជីនិត ស្ទឹងព្រៃប្រស់ និងបឹងសំរិទ្ធ ជាដើម៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ក្រសួងពាណិជ្ជកម្មកម្ពុជា និងអង្គភាពកម្មសិទ្ធិបញ្ញាកូរ៉េ ពង្រឹងកិច្ចសហប្រតិបត្តិការកម្មសិទ្ធិបញ្ញារួមគ្នា

ព្រឹត្តិការណ៍, សេដ្ឋកិច្ច

• 17/05/2024

ក្រសួងពាណិជ្ជកម្មនៃព្រះរាជាណាចក្រកម្ពុជា និង អង្គភាពកម្មសិទ្ធិបញ្ញា នៃសាធារណរដ្ឋកូរ៉េ បានឯកភាពគ្នាសហការលើវិស័យកម្មសិទ្ធិបញ្ញា ។

ក្រុមហ៊ុនចម្រាញ់ប្រេងអាស៊ីកំពុងចាប់អារម្មណ៍ប្រេងឆៅពីសហរដ្ឋអាម៉េរិក និងប្រេស៊ីល

ព្រឹត្តិការណ៍, សេដ្ឋកិច្ច

• 17/05/2024

តម្លៃប្រេងឆៅម៉ាក Brent ឡើងថ្លៃ ០,៦ ភាគរយ ឬ ៨៣,២៧ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ឡើងថ្លៃ ០,៨ ភាគរយ ឬ ៧៩,២៣ ដុល្លារក្នុងមួយបារ៉ែល

វេទិកាធុរកិច្ច កម្ពុជា-សាធារណរដ្ឋកូរ៉េ បញ្ជាក់ថាកូរ៉េ គឺជាដៃគូពាណិជ្ជកម្ម និងវិនិយោគដ៏ធំមួយរបស់កម្ពុជា

ព្រឹត្តិការណ៍, សេដ្ឋកិច្ច

• 17/05/2024

សាធារណរដ្ឋកូរ៉េ គឺជាដៃគូពាណិជ្ជកម្ម និងវិនិយោគដ៏ធំមួយរបស់កម្ពុជា ដែលមានទំហំពាណិជ្ជកម្មទ្វេភាគីសរុបប្រមាណ ៧៥១លានដុល្លារ

ឧបនាយករដ្ឋមន្ត្រី ស៊ុន ចាន់ថុល ជួបក្រុមហ៊ុន ៩ នៅកូរ៉េ ដើម្បីទាក់ទាញការវិនិយោគ

ព្រឹត្តិការណ៍, សេដ្ឋកិច្ច

• 17/05/2024

ឯកឧត្តម ស៊ុន ចាន់ថុល បានជម្រាបជូនអំពីសក្ដានុពលនានារបស់កម្ពុជា ការចំហនៃច្បាប់វិនិយោគរបស់កម្ពុជា ដែលអនុញ្ញាតឱ្យវិនិយោគិនបរទេសមានសិទ្ធិជាម្ចាស់

គិតត្រឹមត្រីមាសទី១ ឆ្នាំ២០២៤ ធនាគារអភិវឌ្ឍន៍ជនបទ និងកសិកម្ម មានសំពៀតឥណទានសរុបប្រមាណជាង៤០០លានដុល្លារអាមេរិក

ព្រឹត្តិការណ៍, សេដ្ឋកិច្ច

• 16/05/2024

ឯកឧត្តមបណ្ឌិត កៅ ថាច បានគូសបញ្ជាក់ថា ក្នុងនាមជាប្រទេសផលិត នាំចេញកសិផលដ៏សំខាន់មួយក្នុងពិភពលោកកម្ពុជាប្តេជ្ញាចិត្តខ្ពស់ក្នុងការធ្វើបរិវត្តកម្មវិស័យកសិកម្ម

វិភាគ ៖ តើទ្រឹស្តី Dedollarisation អាចកំណត់ជោគវាសនាលុយដុល្លារបាន ឬយ៉ាងណា ?

ព្រឹត្តិការណ៍, សេដ្ឋកិច្ច

• 16/05/2024

ការទំលាក់រូបិយបណ្ណអាមេរិកចេញពីកំពូលតារាងគឺជារឿងមិនងាយស្រួលឡើយ ប៉ុន្តែព្រឹត្តិការណ៍ជម្លោះនៅអ៊ុយក្រែនវាបានធ្វើឲ្យគ្រប់គ្នាមានការភ្ញាក់ផ្អើល ខណៈប្រទេសធំៗមួយចំនួនចាប់ផ្តើមឈប់ទូទាត់ជាលុយដុល្លារ

ក្រសួងកសិកម្ម ត្រៀមគម្រោងជួយទ្រទ្រង់សហគមន៍កសិកម្មសំបូរមានជ័យឱ្យក្លាយជាសហគមន៍កសិកម្មទំនើប

ព្រឹត្តិការណ៍, សេដ្ឋកិច្ច

• 16/05/2024

រដ្ឋមន្ត្រីក្រសួងកសិកម្មបានសន្យាបន្តជួយអភិវឌ្ឍន៍សហគមន៍កសិកម្មសំបូរមានជ័យដោយត្រៀមគម្រោងមួយចំនួនដើម្បីទ្រទ្រង់សហគមន៍កសិកម្មនេះឱ្យក្លាយទៅជាសហគមន៍កសិកម្មទំនើប

កម្ពុជា-កូរ៉េ ចុះអនុស្សរណៈយោគយល់គ្នាលើឯកសារចំនួន៦

ព្រឹត្តិការណ៍, សេដ្ឋកិច្ច

• 16/05/2024

កម្ពុជា និង សាធារណរដ្ឋកូរ៉េ បានចុះអនុស្សរណៈយោគយល់គ្នាលើឯកសារចំនួន​៦ទាក់ទងនឹងវិស័យហិរញ្ញប្បទានវិនិយោគកម្មសិទ្ធិបញ្ញាជំនាញវិជ្ជាជីវៈ និងផ្លូវ ។

កម្ពុជា ស្នើក្រុមហ៊ុនចិនពិនិត្យលទ្ធភាពបណ្តាក់ទុនវិនិយោគលើគម្រោងផលិតវត្ថុធាតុដើម និងផលិតផលពាក់កណ្តាលសម្រេច

ព្រឹត្តិការណ៍, សេដ្ឋកិច្ច

• 16/05/2024

ក្រុមប្រឹក្សាអភិវឌ្ឍន៍កម្ពុជា បានស្នើក្រុមហ៊ុនចិនពិនិត្យលទ្ធភាពបណ្តាក់ទុនវិនិយោគលើគម្រោងផលិតវត្ថុធាតុដើម និងផលិតផល​ពាក់កណ្តាលសម្រេច

តាមរយៈសួនកសិ-ឧស្សាហកម្មកម្ពុជា-អូស្ត្រាលី កសិផលកម្ពុជាប្រមាណ ៩៥% នឹងត្រូវលក់ចេញទៅតាមបណ្ដាប្រទេសអាស៊ានទាំងមិនទាន់កែច្នៃ

ព្រឹត្តិការណ៍, សេដ្ឋកិច្ច

• 16/05/2024

គម្រោងអភិវឌ្ឍសួនកសិ-ឧស្សាហកម្មនៅកម្ពុជា (Agri-Food Industrial Park) បានឈានដល់មួយជំហានទៀតហើយ គឺអ្នកជំនាញបានជួបពិភាក្សាគ្នាប្រមូលធាតុចូលមុនពេលបង្កើត