សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ នាយកដ្ឋានស្ថិតិទេសចរណ៍នៃវិទ្យាស្ថានជាតិទេសចរណ៍បានបញ្ជាក់អំពីរបៀបដែលនាយកដ្ឋានបំពេញការងាររាប់ចំនួនភ្ញៀវទេសចរដែលបានទៅទស្សនាតាមគោលដៅទេសចរណ៍នានានៅទូទាំងប្រទេស និងសង្កត់ធ្ងន់ថា ទិន្នន័យទាំងនោះត្រូវបានធ្វើឡើងដោយមិនមានការបំប៉ោងនោះទេ។
ឯកឧត្តម គង់ សុភារៈ ដែលជាប្រធាននាយកដ្ឋានស្តិតិនៃវិទ្យាស្ថានជាតិទេសចរណ៍ នាព្រឹកថ្ងៃទី៣០ ខែកញ្ញា ឆ្នាំ២០២២ ក្នុងឱកាសសន្និសីទសារព័ត៌មានស្ដីពីសមិទ្ធផល៥ឆ្នាំរបស់ក្រសួងទេសចរណ៍បានមានប្រសាសន៍ពន្យល់អំពីការកំណត់និយមន័យរបស់ទេសចរ ដោយថាក្នុងបរិបទកម្ពុជាគឺសំដៅលើអ្នកដំណើរទាំងឡាយណាដែលចំណាយលើសកម្មភាពសេដ្ឋកិច្ចដែលរួមមាន៤ចំណុចគឺ ការស្នាក់នៅ ការហូបចុក ការធ្វើដំណើរ និងការចំណាយផ្សេងៗទៀត។ រីឯទេសចរអន្តរជាតិនឹងត្រូវបានរាប់ថាជាភ្ញៀវ លុះត្រាតែបានស្នាក់នៅកម្ពុជាលើសពី២៤ម៉ោង។
ដោយឡែក ដំណើរនៃការរាប់ចំនួនទេសចរណ៍ទាំងជាតិ និងអន្តរជាតិគឺធ្វើឡើងតាមរយៈវិធីផ្សេងគ្នាដូចជា ៖ សម្រាប់ទេសចរអន្តរជាតិ គឺនាយកដ្ឋានស្ថិតិមានកិច្ចសហការជាមួយនាយកដ្ឋានអន្តោប្រវេសន៍លើរបាយការណ៍ជាប្រចាំខែនៃភ្ញៀវទេសចរចេញពីច្រកទ្វារអន្តរជាតិ និងជាតិទាំង២៦ទីតាំង។ នេះជាចំណុចសំខាន់មួយដែលទិន្នន័យមិនអាចបំប៉ោងបាន ព្រោះថាទិន្នន័យដែលទទួលបាននឹងរាប់បញ្ចូលទៅក្នុងចំណូលរដ្ឋតាមរយៈថ្លៃវីសា (VISA) របស់ភ្ញៀវ។
សម្រាប់ការរាប់ចំនួនទេសចរក្នុងស្រុក ប្រធាននាយកដ្ឋានរូបនេះបានរៀបរាប់ថា ៖ របាយការណ៍ពីទេសចរជាតិ គឺត្រូវបានប្រមូលពីគ្រប់រាជធានី ក្រុង ខេត្ត ដែលមានមន្ទីរទេសចរណ៍ ក៏ដូចជាមន្ត្រីស្ថិតិនៅតាមមន្ទីរ (២ទៅ៣នាក់ក្នុងមួយមន្ទីរ) នឹងធ្វើការប្រមូលពីគ្រប់គោលដៅទេសចរណ៍ទាំងអស់ដែលចេញពីរបាយការណ៍ស្នាក់នៅ ហើយខេត្តនីមួយៗមានរបាយការណ៍ពីសេវាកម្មស្នាក់នៅ ដែលប្រមូលយកមកចងក្រងជាទិន្នន័យទេសចរជាតិ និងទេសចរអន្តរជាតិផ្ទៃក្នុង។
ឯកឧត្តម គង់ សុភារៈ បានបន្តថា ៖
“យ៉ាងណាមិញ សម្រាប់ពេលបុណ្យទាន នាយកដ្ឋានស្ថិតិនឹងប្រើប្រាស់ការស្ទង់ដើម្បីរាប់ចំនួនទេសចរណ៍តែម្ដង។ ឧទាហរណ៍ ដូចជាពិធីបុណ្យសមុទ្រ ដែលក្រុមការងារនាយកដ្ឋាននឹងមានទិន្នន័យអំពីទំហំដីដែលពិធីបុណ្យនឹងប្រារព្ធឡើង ហើយគណនាជាចំនួនមនុស្សតែម្ដង។ ដល់ថ្ងៃពិធីបុណ្យជាក់ស្ដែង នឹងមានក្រុមការងារចុះអង្កេតពីស្ថានភាពទេសចរ ប្រសិនបើចង្អៀតគេនឹងវាតម្លៃថាមានមនុស្ស៤នាក់ក្នុងមួយការ៉េដី បើមិនសូវចង្អៀតចំនួនមនុស្សនឹងថយតាមនោះ”
លោកក៏បានគូសបញ្ជាក់ផងដែរអំពីការគណនាលើការចំណាយមធ្យមរបស់ទេសចរអន្តរជាតិ ដោយមានអង្កេតទេសចរណ៍អន្តរជាតិ សម្រាប់ចុះទៅតាមច្រកទ្វារព្រំដែនសំខាន់ៗ ១០ក្នុងចំណោម២៦ដែលនាយកដ្ឋានជ្រើសរើសជាគំរូក្នុងការយកមកគណនាដើម្បីដឹងពីការចំណាយជាមធ្យម ខណៈដែលមុនផ្ទុះជំងឺកូវីដ នាយកដ្ឋានបានរកឃើញការចំណាយមធ្យមរបស់ភ្ញៀវអន្តរជាតិប្រមាណ៧០០ដុល្លារក្នុងមួយនាក់ ដោយមិនគិតពីសំបុត្រយន្ដហោះ និងមានរយៈពេលស្នាក់នៅជាមធ្យម ៦ថ្ងៃកន្លះផងដែរ។ ដោយឡែក ឆ្លើយតបនឹងការភ័ណ្ឌច្រឡំនានាដែលតែងកើតមាន អ្នកនាំពាក្យក្រសួងទេសចរណ៍ ឯកឧត្តម តុប សុភ័ក្រ បានបញ្ជាក់ផងដែរនូវចំនួនទេសចរដែលរាប់បាន ដោយហេតុថា ការរាប់គឺរាប់ជាចំនួនដង មិនមែនរាប់ជាចំនួនមនុស្សទេ ព្រោះមនុស្សម្នាក់អាចដើរទៅកម្សាន្ដតាមតំបន់ទេសចរណ៍លើសពីមួយ។ និយាយជារួម ប្រសិនបើទិន្នន័យឃើញថាមានទេសចរចំនួន១លាន២សែននាក់បានចេញដើរតាមគោលដៅទេសចរណ៍ក្នុងពេលភ្ជុំបិណ្ឌ ចំនួនមនុស្សពិតជាក់ស្ដែងអាចនឹងតិចជាង ១លាន២សែននាក់៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រុស្ស៊ី ព្រមានជាថ្មីដល់ជនបរទេស និងអ្នកការទូត ឲ្យឆាប់ចាកចេញពីទីក្រុងគៀវ
ព្រឹត្តិការណ៍, អាជីវកម្មថ្មី និងនវានុវត្ត
• 06/10/2026
បរទេស ៖ ក្រុងមូស្គូស នៅប្តាហ៍នេះបានថ្លែងថា កងកម្លាំងប្រដាប់អាវុធរុស្ស៊ីនឹងបន្តបើកការវាយប្រហារសងសឹកខ្លាំងក្លាបន្ថែមទៀតទៅលើគោលដៅយោធានានានៅក្នុងប្រទេសអ៊ុយក្រែន។ នៅក្នុងអត្ថបទដែលត្រូវបានចេញផ្សាយដោយ Novinata បានឱ្យដឹងថា ក្រសួងការបរទេសរុស្ស៊ីបានចេញសេចក្តីព្រមានសាជាថ្មីដល់បណ្តាជនបរទេស និងបុគ្គលិកនៃបេសកកម្មការទូតនានា ដាច់ខាតកុំឱ្យស្នាក់នៅ ឬធ្វើដំណើរទៅកាន់ប្រទេសអ៊ុយក្រែន ក៏ដូចជាកុំឱ្យបន្តស្នាក់នៅជិតទីតាំងយោធាក្នុងតំបន់គោលដៅ។ នៅក្នុងសេចក្តីថ្លែងការណ៍របស់ក្រសួងការបរទេសរុស្ស៊ីបានចង្អុលបង្ហាញថា ដើម្បីឆ្លើយតបទៅនឹងអ្វីដែលក្រុងមូស្គូបានកំណត់ថាជាសកម្មភាពភេរវកម្មដោយកងកម្លាំងប្រដាប់អាវុធអ៊ុយក្រែន ប្រឆាំងប្រជាជនស៊ីវិល និងហេដ្ឋារចនាសម្ព័ន្ធស៊ីវិលរុស្ស៊ីនាពេលកន្លងមក កងកម្លាំងប្រដាប់អាវុធរុស្ស៊ីនឹងនៅតែបន្តវាយប្រហារលើគោលដៅយោធាក្នុងក្រុងគៀវ និងទីក្រុងផ្សេងទៀតរបស់អ៊ុយក្រែន។ ក្រសួងការបរទេសរុស្ស៊ីបានបញ្ជាក់ទៀតថា
ក្រុមការងារគម្រោង ICCAP ប្រជុំបើកដំណើរការគម្រោងជំនួយបច្ចេកទេសសម្រាប់គ្រឹះស្ថាន ខេមា
ព្រឹត្តិការណ៍, អត្ថបទពាណិជ្ជកម្ម
• 06/10/2026
ក្រុមការងារក្នុងគម្រោងបរិយាបន្នហិរញ្ញប្បទានអាកាសធាតុសម្រាប់សហគមន៍ងាយរងគ្រោះនៅតំបន់អាស៊ីប៉ាស៊ីហ្វិក (ICCAP) ជួបប្រជុំបើកដំណើរការគម្រោងជំនួយបច្ចេកទេសសម្រាប់គ្រឹះស្ថាន ខេមា មីក្រូហិរញ្ញវត្ថុ លីមីតធីត នៅថ្ងៃទី២២ ខែកញ្ញា ឆ្នាំ២០២៦ នៅការិយាល័យកណ្ដាលរបស់ គ្រឹះស្ថាន ខេមា
ឥណ្ឌាបារម្ភ ពាណិជ្ជកម្មអាម៉េរិក-ចិនធូរស្រាល អាចធ្វើឱ្យខ្លួនខាតឱកាសសេដ្ឋកិច្ច និងសន្តិសុខ
ព្រឹត្តិការណ៍, អាជីវកម្មថ្មី និងនវានុវត្ត
• 05/10/2026
ឥណ្ឌាកំពុងបារម្ភថា ការធូរស្រាលនៃភាពតានតឹងពាណិជ្ជកម្មរវាងអាម៉េរិក និងចិន អាចធ្វើឱ្យខ្លួនខាតបង់ផលប្រយោជន៍សេដ្ឋកិច្ច និងខកខានឱកាសវិនិយោគសំខាន់ៗ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content