សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ រដ្ឋបាលខេត្តកំពត បាន និងកំពុងពន្លឿននូវសកម្មភាពវាសវែង ចុះបញ្ជីដីធ្លី និងចេញបណ្ណសម្គាល់កម្មសិទ្ធិអចលនវត្ថុជូនប្រជាពលរដ្ឋនៅទូទាំងខេត្តស្របតាមគោលនយោបាយរបស់ក្រសួងរៀបចំដែនដី នគរូបនីយកម្ម និងសំណង់។ ជាក់ស្ដែង នៅក្នុងសប្ដាហ៍នេះ រដ្ឋបាលខេត្តបានប្រកាសជូនដំណឹងដល់ពលរដ្ឋក្នុងស្រុកឈូក និងដងទង់ ពីការចែកវិញ្ញាបនបត្រសម្គាល់ម្ចាស់អចលនវត្ថុ នៅថ្ងៃចុងសប្ដាហ៍ទី២ នៃខែមីនា ឆ្នាំ២០២៥ មានពលរដ្ឋរស់នៅឃុំចំនួន២ មកពីស្រុកឈូក និងឃុំចំនួន១ មកពីស្រុកដងទង់ ។
បើតាមសេចក្ដីជូនដំណឹងរបស់រដ្ឋបាលខេត្តកំពត បានឱ្យដឹងថា នៅថ្ងៃទី១៤ ខែមីនា ឆ្នាំ ២០២៥ រដ្ឋបាលខេត្តកំពត នឹងចែកវិញ្ញាបនបត្រសម្គាល់ម្ចាស់អចលនវត្ថុដលម្ចាស់ក្បាលដីដែលស្ថិតនៅក្នុងតំបន់វិនិច្ឆ័យនៃភូមិស្រែជ្រៅ ភូមិត្រពាំងគគីរ ឃុំល្បើក ភូមិត្រពាំងស្ដៅ ឃុំត្រពាំងភ្លាំង ស្រុកឈូក ខេត្តកំពត ។
ទន្ទឹមនឹងការប្រកាសចែកវិញ្ញាបនបត្រសម្គាល់ម្ចាស់អចលនវត្ថុនេះដែរ រដ្ឋបាលខេត្តក៏បានប្រកាសមោឃៈភាពនៃបណ្ណសម្គាល់សិទ្ធិកាន់កាប់ប្រើប្រាស់ដីធ្លី ឬបណ្ណសម្គាល់សិទ្ធិកាន់កាប់អចលនវត្ថុចាស់ដែលនៅក្នុងភូមិឃុំ នៃស្រុកឈូកខេត្តកំពតខាងលើផងដែរ ។
រដ្ឋបាលខេត្តកំពត ក៏បានប្រកាសឱ្យម្ចាស់ក្បាលដីដែលស្ថិតនៅមូលដ្ឋានភូមិ ស្រែជ្រោ និងភូមិត្រពាំងគគីរ ឃុំ ល្បើកស្រុកឈូកដែលមានបណ្ណសម្គាល់សិទ្ធិកាន់កាប់ប្រើប្រាស់ដីធ្លី ឬបណ្ណសម្គាល់សិទ្ធិកាន់កាប់អចលនវត្ថុកន្លងមក មេត្តាយកបណ្ណ ទាំងនោះមកប្រគល់ឱ្យមន្ត្រីរដ្ឋបាលសរិយោដី ដើម្បីទទួលយកវិញ្ញាបនបត្រសម្គាល់ម្ចាស់អចលនវត្ថថ្មីជំនួសវិញ ដែលត្រូវដោយមន្ត្រីរដ្ឋបាលសុរិយោដី ស្ថិតនៅបរិវេណវត្តអង្គល្បើក ក្នុងភូមិស្រែជ្រៅ ឃុំល្បើក ស្រុកឈូកខេត្តកំពត នៅថ្ងៃទី១៤ ដល់ថ្ងៃទី២០ ខែមីនា ឆ្នាំ២០២៥ ។
ដោយឡែកម្ចាស់ក្បាលដីស្ថិតនៅក្នុងភូមិត្រពាំងភ្លាំង ស្រុកឈូក ខេត្តកំពត ដែលមានបណ្ណសម្គាល់សិទ្ធិកាន់កាប់ប្រើប្រាស់ដីធ្លី ឬបណ្ណសម្គាល់សិទ្ធិកាន់កាប់អចលនវត្ថុកន្លងមក ក៏សូមអញ្ជើញយកបណ្ណទាំងនោះមកប្រគល់ឱ្យមន្ត្រីរដ្ឋបាលសុរិយោដី ដើម្បីទទួលយកវិញ្ញបនបត្រសម្គាល់ម្ចាស់អចលនវត្ថុថ្មីជំនួសវិញ ដែលនឹងត្រូវប្រគល់ជូនដោយមន្ត្រីរដ្ឋបាលសុរិយោដី ស្ថិតនៅបរិវេណការិយាល័យរៀបចំដែនដី នគរូបនីយកម្មសំណង់ និងភូមិបាលស្រុកឈូក នៅថ្ងៃទី១៤ ដល់ថ្ងៃទី២០ ខែមីនា ឆ្នាំ ២០២៥ ។
បើតាមសេចក្ដីជូនដំណឹងមួយទៀតរបស់រដ្ឋបាលខេត្តកំពត ក៏បានបញ្ជាក់ថា នៅថ្ងៃទី១៥ ខែមីនា ២០២៥ ខាងមុខនេះ រដ្ឋបាលខេត្តកំពតក៏នឹងចែកវិញ្ញាបនបត្រសម្គាល់ម្ចាស់អចលនវត្ថុ ជូនម្ចាស់នៃក្បាលដីដែលមានក្បាលដីស្ថិតនៅតំបន់វិនិច្ឆ័យ នៃភូមិត្រពាំងរាំង ឃុំអង្គរមាស ស្រុកដងទង់ខេត្តកំពតផងដែរ ។ ទន្ទឹមនឹងនោះដែរ រដ្ឋបាលខេត្តក៏បានប្រកាសមោឃៈភាពនៃបណ្ណសម្គាល់សិទ្ធិកាន់កាប់ប្រើប្រាស់ដីធ្លី ឬបណ្ណសម្គាល់សិទ្ធិកាន់កាប់អចលនវត្ថុនៅមូលដ្ឋានភូមិឃុំនេះដែរ ដោយប្រកាសឱ្យពលរដ្ឋដែលមានសម្គាល់សិទ្ធិកាន់កាប់ប្រើប្រាស់ដីធ្លី ឬបណ្ណសម្គាល់សិទ្ធិកាន់កាប់អចលនវត្ថុកន្លងមក ត្រូវយកទៅប្រគល់ឱ្យមន្ត្រីរដ្ឋបាលសុរិយោដី ដើម្បីទទួលយកវិញ្ញាបនបត្រសម្គាល់ម្ចាស់អចលនវត្ថុថ្មីជំនួសវិញ ដែលត្រូវប្រគល់ជូនដោយមន្ត្រីរដ្ឋបាលសុរិយោដី ស្ថិតនៅបរិវេណ វត្តទ្វេរសិក្ខារតនារាម ហៅវត្តថៅកុង ក្នុងភូមិព្រៃឃ្មុំ ឃុំខ្ជាយខាងជើង ស្រុកដងទង់ខេត្តកំពង់ ចាប់ពីថ្ងៃទី១៥ ដល់ថ្ងៃទី២១ ខែមីនា ឆ្នាំ២០២៥ ។
គួរបញ្ជាក់ថា ស្របជាមួយនឹងការបញ្ចប់ការវាស់វែងចុះបញ្ជីដីធ្លីនៅទូទាំងប្រទេស ក្រសួងរៀបចំដែនដី នគរូបនីយកម្ម និងសំណង់ នឹងបន្តការងាររបស់ខ្លួនដោយនឹងចេញបណ្ណសម្គាល់ម្ចាស់អចលនវត្ថុជូនប្រជាពលរដ្ឋឱ្យបានគ្រប់គ្នា ដើម្បីបញ្ចប់បញ្ហាដែលធ្លាប់កើតមានឡើងកន្លងមកឱ្យនៅតិច ឬមិនមានតែម្ដង ខណៈដែលបច្ចុប្បន្ននេះ បណ្ដាខេត្តជាច្រើន បាន និងកំពុងជំរុញការងារបញ្ចប់ការវាស់វែង និងចុះបញ្ជីដីធ្លី ហើយនឹងត្រៀមប្រកាសបិទផ្សាយជាសាធារណៈ និងចេញបណ្ណជូនពលរដ្ឋ ៕
Account
Security
Favourite Content