ចរន្តទីផ្សារដីធ្លីខេត្តកោះកុងចាប់ផ្តើមមានសកម្មភាពឡើងវិញក្រោយរដ្ឋាភិបាល

កោះកុង ៖ នៅក្នុងរយៈពេលជិត២ឆ្នាំដែលរាតត្បាតដោយវិបត្តិកូវីដ-១៩ ទីផ្សារអចលនទ្រព្យនៅក្នុងខេត្តកោះកុងបានទទួលរងនូវផលប៉ះពាល់ និងស្ងប់ស្ងាត់មិនខុសពីបណ្តាខេត្តក្រុងនានានៅទូទាំងប្រទេសនោះទេ ប៉ុន្តែបច្ចុប្បន្ន ជាការគួរឲ្យកត់សម្គាល់ បន្ទាប់ពីរាជរដ្ឋាភិបាលបានប្រកាសបើកសេដ្ឋកិច្ចក្រោយចាកចេញពីវិបត្តិនៃជំងឺឆ្លងមួយនេះ ជាពិសេសក្រោយពីប្រមុខរដ្ឋាភិបាលប្រកាសពីគម្រោងអភិវឌ្ឍន៍ធំៗបានជំរុញឲ្យសកម្មភាពទិញ-លក់នៅក្នុងវិស័យមួយនេះចាប់ផ្តើមកម្រើកឡើងវិញ។

សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា នៅក្នុងឱកាសបើកការដ្ឋានសាងសង់ និងលើកកម្ពស់គុណភាពផ្លូវជាតិលេខ៤៨ កាលពីថ្ងៃទី៣ ខែមករា ឆ្នាំ២០២២បានរំពឹងថា ខេត្តកោះកុង នឹងមានការអភិវឌ្ឍ និងវិនិយោគតំបន់សេដ្ឋកិច្ចពិសេស ច្រើនជាងខេត្តផ្សេងទៀត ដើម្បីបម្រើដល់សេដ្ឋកិច្ចជាតិ ក្រោយមានហេដ្ឋារចនាសម្ព័ន្ធ និងដឹកជញ្ជូនល្អប្រសើរ។

សម្ដេចតេជោបានបន្តថា ៖

« នៅពេលខាងមុខនេះ ខ្ញុំសង្ឃឹមយ៉ាងមុតមាំថា ខេត្តកោះកុងនឹងមានតំបន់សេដ្ឋកិច្ចពិសេសបន្ថែមទៀតនៅថ្ងៃអនាគត ដើម្បីជំរុញដល់កំណើនសេដ្ឋកិច្ចជាតិ»

លោក ឡុង គឹមសួគ៌ អគ្គនាយកក្រុមហ៊ុនភ្នាក់ងារអចលនទ្រព្យអន្តរជាតិ Century21 Advance បានមានប្រសាសន៍សាសន៍ថា បន្តិចទៀតចង់ ឬមិនចង់ ខេត្តកោះកុងនឹងលែងស្ងប់ស្ងាត់ដូចកាលពី៣ឆ្នាំមុនទៀតនោះទេ ព្រោះបច្ចុប្បន្នមានគម្រោងវិនិយោគ និងអភិវឌ្ឍន៍ដោយរដ្ឋាភិបាល រួមទាំងវិស័យឯកជនដែលមានតម្លៃសរុបរាប់ពាន់លានដុល្លាររួចទៅហើយនោះ។

លោកបានបន្តថា ៖

«កាលពីប្រមាណ៣ឆ្នាំមុន ខេត្តកោះកុងជាគោលដៅវិនិយោគ និងអភិវឌ្ឍន៍របស់អ្នករកស៊ីក្នុងវិស័យអចលនទ្រព្យត្រឹមជាគម្រោងអភិវឌ្ឍន៍ជាតំបន់ទេសចរណ៍កែច្នៃ ឬជាគម្រោងអភិវឌ្ឍន៍លំនៅដ្ឋានបែបលំហែរក្នុងគោលបំណងធំលក់ដីឡូតិ៍តែប៉ុណ្ណោះ ប៉ុន្តែបច្ចុប្បន្ន ម្ចាស់គម្រោងមួយចំនួនបានផ្អាកការប្រកាសលក់របស់ខ្លួនដោយទុករង់ចាំឱកាសថ្មី ក្រោយពេលរាជរដ្ឋាភិបាលប្រកាសពីគោលនយោបាយអភិវឌ្ឍន៍ គម្រោងបង្កើតតំបន់សេដ្ឋកិច្ចពិសេសធំៗនៅក្នុងខេត្តជាប់មាត់សមុទ្រមួយនេះឲ្យដូចជាគ្នាទៅនឹងខេត្តព្រះសីហនុដែរ»

យ៉ាងណាក៏ដោយ អ្នកជំនាញក្នុងវិស័យអចលនទ្រព្យរូបនេះបានបង្ហាញពីការយល់ឃើញថា ការប្រែក្លាយពីខេត្តជាប់មាត់សមុទ្រដែលស្ងប់ស្ងាត់ ទៅជាមណ្ឌលពាណិជ្ជកម្មសកម្មដូចខេត្តព្រះសីហនុអាចធ្វើទៅបាន ប៉ុន្តែត្រូវការពេលវេលាយូរបន្តិចក្នុងការអភិវឌ្ឍ។

លោក ឡុង គឹមសួគ៌ បានបញ្ជាក់ថា ៖

«យើងឃើញមានគម្រោងអភិវឌ្ឍន៍ធំៗដែលមានទំហំទុនសរុបរាប់ពាន់លានដុល្លារកើតមាននៅក្នុងខេត្តកោះកុង ដូចជាគម្រោងព្រលានយន្តហោះចំនួន២ គម្រោងបង្កើតទីក្រុងពាណិជ្ជកម្ម និងកម្សាន្តរបស់ក្រុមហ៊ុនចិន គម្រោងបង្កើតតំបន់សេដ្ឋកិច្ចពិសេសរបស់អ្នកឧកញ៉ា គិត ម៉េង គម្រោងបង្កើតតំបន់ពហុបំណងរបស់អ្នកឧកញ៉ា លី យ៉ុងផាត់ រួមជាមួយនឹងគម្រោងធំៗមួយចំនួនទៀត។ ប៉ុន្តែដំណើរវឌ្ឍនភាពរបស់ខេត្តកោះកុងដូចគ្នាទៅនឹងខេត្តព្រះសីហនុគឺត្រូវការពេលវេលាយូរបន្តិច»

ជាមួយនឹងការលើកឡើងខាងលើនេះ លោក ឡុង គឹមសួគ៌ ក៏បានបញ្ជាក់ពីឱកាសនៃការវិនិយោគទទួលយកផលចំណេញក្នុងទីផ្សារអចលនទ្រព្យក្នុងខេត្តកោះកុងផងដែរ ខណៈដែលតម្លៃដីធ្លីស្ថិតនៅកម្រិតទាបនៅឡើយ ហើយអាចនឹងឡើងថ្លៃបន្ថែមទៀតក្រោយពេលដែលគម្រោងអភិវឌ្ឍន៍នានាចាប់ផ្តើមបង្ហាញរូបរាងជាក់ស្ដែង។ គួរបញ្ជាក់ផងដែរថា កោះកុង គឺជាខេត្តមួយក្នុងចំណោមខេត្តជាប់សមុទ្រទាំង៤ និងស្ថិតនៅប៉ែកនីរតីបំផុតនៃប្រទេសកម្ពុជា ហើយមានព្រំប្រទល់ខាងកើតជាប់នឹងខេត្តព្រះសីហនុ និងខេត្តកំពង់ស្ពឺ ខាងលិច និងខាងត្បូងជាប់នឹងឈូងសមុទ្រ និងប្រទេសថៃ ហើយខាងជើងជាប់ខេត្តពោធិ៍សាត់។ ខេត្តកោះកុងមានក្រុងចំនួន ១ និងស្រុកចំនួន ៦ ឃុំចំនួន ២៦ និងសង្កាត់ចំនួន ៣ ដែលបានបែងចែកជា ១១៩ ភូមិ និងមានផ្ទៃដីសរុប ១០ ០៤៥.៥៨ គីឡូម៉ែត្រការ៉េ។ ជាមួយនឹងធនធានធម្មជាតិ និងជីវចម្រុះដ៏សំបូរបែប ខេត្តកោះកុងមានឆ្នេរសមុទ្រសរុប ២១៥ គីឡូម៉ែត្រ ស្មើនឹងប្រមាណជាង ៥០% នៃឆ្នេរសមុទ្ររបស់ប្រទេសកម្ពុជាទាំងមូល៕

លោក អ៊ា សុវណ្ណារ៉ា | Mr. Ea Sovannara

ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។

របាយការណ៍ថ្មីៗ

មើលទាំងអស់ ➧

អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ

បទយកការណ៍, ហិរញ្ញវត្ថុ

• 09/04/2026

អ្នកជំនាញឌីជីថល លើកទឹកចិត្តឱ្យប្រើអ៊ីនធឺណិតផ្ទាល់ខ្លួន ដើម្បីមានសុវត្ថិភាពជាងការប្រើ Wifi សាធារណៈ

បទយកការណ៍, ហិរញ្ញវត្ថុ

• 10/03/2026

អ្នកជំនាញ ណែនាំឱ្យចេះសន្សំប្រាក់ដើម្បីត្រៀមបង្កាទុកដោះស្រាយបញ្ហាដែលអាចកើតមានជាយថាហេតុ

បទយកការណ៍, ហិរញ្ញវត្ថុ

• 16/02/2026

ការដាំបន្លែជាលក្ខណៈគ្រួសារ ទទួលបានបន្លែសុវត្ថិភាពសម្រាប់ទទួលទានផង និងអាចរកចំណូលបានទៀត

ជំនួញ, បទយកការណ៍

• 20/11/2025

ចំណេះដឹងកសិកម្ម ៖ ងាយៗបច្ចេកទេសផលិតស្កររងូ សម្រាប់ផលិតមេជី និងមេចំណីសត្វ

ជំនួញ, បទយកការណ៍

• 19/11/2025

ដាំស្លឹកគ្រៃ លក់បានទាំងដើម ហើយយកស្លឹកចម្រាញ់ប្រេងលក់បានទៀត

ជំនួញ, បទយកការណ៍

• 18/11/2025

ស្វែងយល់ពីបច្ចេកទេសងាយៗក្នុងការផលិតថ្នាំពុលធម្មជាតិសម្រាប់ការពារដំណាំយកស្លឹកពីសត្វល្អិត

ជំនួញ, បទយកការណ៍

• 17/11/2025

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន

បទយកការណ៍, អាជីវកម្មថ្មី និងនវានុវត្ត

• 16/10/2024

អាជីវកម្មយកសំបុកត្រចៀកកាំក្នុងស្រុកកំពុងមានទីផ្សារ

ជំនួញ, បទយកការណ៍

• 15/12/2023

ព័ត៌មានទូទៅ

មើលទាំងអស់ ➧

NBC៖ កម្ពុជារំពឹងថានឹងមានកំណើនសេដ្ឋកិច្ច ៣,៩% ក្នុងឆ្នាំ២០២៦ និង ៥% ក្នុងឆ្នាំ២០២៧

ព្រឹត្តិការណ៍, សេដ្ឋកិច្ច

• 28/07/2026

ធនាគារជាតិនៃកម្ពុជា (NBC) ព្យាករថា សេដ្ឋកិច្ចកម្ពុជានឹងកើនក្នុងអត្រា ៣,៩ ភាគរយនៅឆ្នាំ២០២៦ មុនពេលរំពឹងថានឹងងើបឡើងវិញក្នុងអត្រា ៥ ភាគរយនៅឆ្នាំ២០២៧ បើទោះបីសេដ្ឋកិច្ចកំពុងប្រឈមនឹងផលប៉ះពាល់ពីសង្គ្រាមនៅមជ្ឈិមបូព៌ា និងបញ្ហាប្រឈមខាងក្នុងក៏ដោយ

កម្ពុជារំពឹងថានឹងកាន់តែមានភាពទាក់ទាញអ្នកវិនិយោគ ក្រោយអាម៉េរិកកំណត់អត្រាពន្ធថ្មី ១០ ភាគរយ

ព្រឹត្តិការណ៍, សេដ្ឋកិច្ច

• 28/07/2026

មន្ត្រីជាន់ខ្ពស់រាជរដ្ឋាភិបាល និងអ្នកជំនាញសេដ្ឋកិច្ច បានលើកឡើងថា ការដែលកម្ពុជាទទួលបានអត្រាពន្ធគយថ្មី ១០ ភាគរយ សម្រាប់ការនាំចេញទៅកាន់សហរដ្ឋអាម៉េរិក នឹងជួយបង្កើនភាពប្រកួតប្រជែង និងទាក់ទាញការវិនិយោគបន្ថែមមកកម្ពុជា

តម្លៃកង្កែបធ្លាក់ចុះមកត្រឹម ៥០០០រៀល/គីឡូក្រាម សមាគមអំពាវនាវឱ្យទប់ស្កាត់ការនាំចូលពីក្រៅប្រទេស

ព្រឹត្តិការណ៍, សេដ្ឋកិច្ច

• 28/07/2026

សមាគមវារីវប្បករនៅកម្ពុជា អំពាវនាវដល់អាជ្ញាធរនៅជាប់ព្រំដែន ទប់ស្កាត់ការនាំចូលកង្កែបសាច់ពីប្រទេសវៀតណាម ខណៈតម្លៃទីផ្សារក្នុងស្រុក បានធ្លាក់ចុះខ្លាំងជាប់គ្នាៗ ពោលគឺនៅត្រឹម ៥០០០ រៀលក្នុងមួយគីឡូក្រាម នៅរយៈពេលប៉ុន្មានខែចុងក្រោយនេះ

AMRO ព្យាករថា តំបន់អាស៊ានបូកបីនឹងមានកំណើនសេដ្ឋកិច្ច ៤,១% នៅក្នុងឆ្នាំ ២០២៦ នេះ

ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត

• 28/07/2026

ការិយាល័យស្រាវជ្រាវម៉ាក្រូសេដ្ឋកិច្ចអាស៊ាន +៣ (AMRO) សប្តាហ៍នេះ បានចេញផ្សាយរបាយការណ៍បច្ចុប្បន្នភាពប្រចាំត្រីមាស ខែកក្កដា ឆ្នាំ២០២៦ នៃរបាយការណ៍ស្តីអំពីវិស័យសេដ្ឋកិច្ចតំបន់អាស៊ានបូកបី (AREO) ដោយបានព្យាករថា តំបន់អាស៊ានបូកបី (ASEAN+3)នឹងមានកំណើនសេដ្ឋកិច្ច ៤,១ ភាគរយ នៅក្នុងឆ្នាំ ២០២៦ នេះ

ច្រកដឹកជញ្ជូនកសិផលពីកម្ពុជាទៅចិនឆ្លងកាត់ឡាវ ចំណេញពេលវេលា កាត់បន្ថយថ្លៃដឹកជញ្ជូន ជំរុញទំហំនាំចេញ

ព្រឹត្តិការណ៍, សេដ្ឋកិច្ច

• 27/07/2026

កជំនាញផ្នែកដឹកជញ្ជូនបានអះអាងប្រកបដោយសុទិដ្ឋិនិយមថា សម្រាប់ការដឹកជញ្ជូនទំនិញ ជាពិសេស កសិផលពីកម្ពុជា ទៅកាន់ទីផ្សារប្រទេសចិន តាមផ្លូវគោក ដោយឆ្លងកាត់តាមសាធារណរដ្ឋប្រជាធិបតេយ្យ ប្រជាមានិតឡាវ គឺទទួលបានផលចំណេញច្រើន

ឧបនាយករដ្ឋមន្ត្រី ស៊ុន ចាន់ថុល ៖ វិស័យឯកជន គឺជាក្បាលម៉ាស៊ីន និងជាដៃគូដ៏សំខាន់មិនអាចខ្វះបានក្នុងការជំរុញកំណើនសេដ្ឋកិច្ចជាតិ

ព្រឹត្តិការណ៍, សេដ្ឋកិច្ច

• 27/07/2026

ចលនាគាំទ្រផលិតផលក្នុងស្រុក ជួយដល់សហគ្រាសបង្កើនការផលិត និងឈរជើងរឹងមាំនៅលើទីផ្សារ

ព្រឹត្តិការណ៍, សេដ្ឋកិច្ច

• 27/07/2026

ស្របពេលដែលពលរដ្ឋខ្មែរ ងាកមកគាំទ្រផលិតផលក្នុងស្រុក ចលនានេះ បានក្លាយជាចលករដ៏សំខាន់ក្នុងការបង្កើតឱកាសដល់សហគ្រាសក្នុងស្រុក ដើម្បីពង្រីក និងពង្រឹងអាជីវកម្មឱ្យឈររឹងមាំនៅលើទីផ្សារ

កម្ពុជានាំចូលមេគោពូជជាង ២០០ ក្បាលពីអូស្រ្តាលី ដើម្បីបង្កើនការផ្គត់ផ្គង់ទឹកដោះគោក្នុងស្រុក

ព្រឹត្តិការណ៍, សេដ្ឋកិច្ច

• 24/07/2026

ក្រុមហ៊ុនគីរីសួគ៍ (Kirisu Farm) ដែលគេដឹងថា ជាកសិដ្ឋានចិញ្ចឹមគោយកទឹកដោះដ៏ធំមួយនៅកម្ពុជា បាននាំចូលមេគោពូជ ២២០ ក្បាល បន្ថែមទៀតពីប្រទេសអូស្រ្តាលី ក្នុងផែនការផលិតទឹកដោះគោស្រស់ឱ្យបានបរិមាណកាន់តែច្រើនសម្រាប់ផ្គង់ផ្គង់លើទីផ្សារក្នុងប្រទេស