សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជាបានលើកឡើងថា កាលពីអតីតកាល រាជធានីភ្នំពេញគ្មានអគារខ្ពស់ៗ និងរីកចម្រើនដូចពេលបច្ចុប្បន្ននោះទេ ជាក់ស្តែងដូចជានៅកោះពេជ្រ គឺគ្រាន់តែជាតំបន់ដាំបន្លែតិចតួច និងជាកន្លែងដងត្រីប៉ុណ្ណោះ ប៉ុន្តែបច្ចុប្បន្នទីតាំងនេះបានក្លាយជាតំបន់ពាណិជ្ជកម្មចម្រុះ និងមានអគារខ្ពស់ៗកប់ពពកជាច្រើន។
សម្តេចតេជោ ហ៊ុន សែន បានមានប្រសាសន៍លើកឡើងដូច្នេះ នាឱកាសអញ្ជើញជាអធិបតីក្នុងពិធីប្រគល់សញ្ញាបត្រជូននិស្សិតសាកលវិទ្យាល័យបៀលប្រាយ(BBU)សរុបប្រមាណ ៤ ៥៦៦នាក់ នារី ២ ០៣២នាក់ នៅថ្ងៃទី១៦ ខែមីនា ឆ្នាំ២០២៣។
សូមបញ្ជាក់ផងដែរថា ផ្អែកតាមទិន្នន័យពីក្រសួងរៀបចំដែនដី នគរូបនីយកម្ម និងសំណង់ បានឱ្យដឹងថា ចាប់ពីខែមករា ដល់ខែវិច្ឆិកា ឆ្នាំ ២០២២ ក្រសួងបានអនុម័តឱ្យគម្រោងសាងសង់ចំនួន ៣ ៨២៧ គម្រោង ដែលមានផ្ទៃក្រឡាកម្រាលសំណង់សរុប ៦ ៥៩៦ ៩៣៦ ម៉ែត្រការ៉េ។ ចំណែកទុនវិនិយោគក្នុងរយៈពេល ១១ ខែ ឆ្នាំ២០២២ គឺមាន ២ ៦៣៤,៩៩ លានដុល្លារ។
បើយោងតាមទិន្នន័យខាងលើ គឺក្នុងចំណោមគម្រោងទាំង ៣ ៨២៧ គម្រោង គឺ ២០២ គម្រោងត្រូវបានអនុម័តដោយសមត្ថកិច្ចក្រសួងដែលមានទុនវិនិយោគប្រមាណ ២ ០៨៧,៧៨ លានដុល្លារ និងចំនួន ៣ ៦២៥ គម្រោងត្រូវបានអនុម័តដោយសមត្ថកិច្ចរដ្ឋបាលរាជធានី ខេត្ត ដែលមានទុនវិនិយោគ ៥៤៧,២១ លានដុល្លារ។
ក្រសួងបានឱ្យដឹងទៀតថា បើគិតពីឆ្នាំ២០០០ ដល់ខែវិច្ឆិកា ឆ្នាំ២០២២ គឺក្រសួងបានចេញលិខិតអនុញ្ញាតឱ្យគម្រោងសាងសង់សរុប ៦១ ៤១៨ ដែលមានផ្ទៃក្រឡាកម្រាលសំណង់សរុប ១៧៣ ២១៣ ៧៥៦ ម៉ែត្រការ៉េ និងមានទុនវិនិយោគប្រមាណ ៦៨៨៣៧,៥៤ លានដុល្លារ។ គិតពីឆ្នាំ២០០០ ដល់ខែវិច្ឆិកា ឆ្នាំ២០២២ នៅកម្ពុជាមានគម្រោងអគារខ្ពស់ៗ ចាប់ពី ៥ជាន់ឡើងនៅ ២ ៥៣៤ អគារ ដោយនៅរាជធានីភ្នំពេញ មាន ១ ៦៧៥ អគារ, ខេត្តព្រះសីហនុ ៦៨៥ អគារ, បន្ទាយមានជ័យ ១៣១ អគារ និងខេត្តផ្សេងៗចំនួន ៤៣ អគារ៕
Account
Security
Favourite Content