ដំណឹង​ល្អ ! ស្ពាន​ឆ្លងទន្លេ​ភ្នំពេញ-អរិយក្សត្រ​ កូរ៉េសន្យា​ថា​នឹង​បើក​ការដ្ឋាន​សាងសង់​នៅឆ្នាំ២០២៥​

ភ្នំពេញ ៖ បន្ទាប់ពីទន្ទឹងរង់ចាំ​អស់រយៈពេលជាយូរនូវ​គម្រោង​ស្ពានឆ្លងទន្លេ​តភ្ជាប់​រវាង​ភ្នំពេញ និងក្រុ​ងអរិយ​ក្សត្រ​ ពេលនេះ​ភាគីកូរ៉េ​បាន​សន្យា​នឹង​គម្រោងស្ពាន​នេះ ដែលនឹង​បើក​ការដ្ឋាន​សាងសង់​ ឬចុះបឋម​សិលា​សាងសង់​​នៅឆ្នាំ២០២៥​ខាងមុខនេះហើយ ។ នេះបើតាមឯកឧត្តម​ Park Jung-wook ឯកអគ្គរដ្ឋទូត​សាធារណរដ្ឋ​កូរ៉េ​ប្រចាំព្រះរាជាណាចក្រ​កម្ពុជា​ ថ្លែង​ប្រាប់សម្ដេច​តេជោ ហ៊ុន សែន ប្រធា​នព្រឹទ្ធសភានៃកម្ពុជា​ នៅ​ថ្ងៃទី ០៦ ខែមិថុនា ឆ្នាំ២០២៤ ។

ឯកឧត្តម​បានមានបានជម្រាបជូន​សម្ដេច​តេជោ​ថា ឯកឧត្តម​តែងតែតាមដាន​ដំណើរការ​​លើ​គម្រោង​ស្ពាន​មិត្តភាព​កម្ពុជា-កូរ៉េ ឆ្លងទន្លេ​ភ្នំពេញអរិយក្សត្រនេះយ៉ាង​យកចិត្តទុកដាក់​ និង​បាន​លើក​ឡើងថា​ ការរៀបចំ​សាងសង់​ស្ពាន​នេះ​មានដំណើរការ​ទៅរលូន​ ហើយនឹង​ចុះ​បឋម​សិលា​ចាប់ផ្ដើម​សាងសង់​នៅឆ្នាំ២០២៥​ខាងមុខនេះ ។​

សម្ដេច​អគ្គ​មហា​សេនា​បតីតេជោ ហ៊ុន សែន ប្រធានព្រឹទ្ធសភានៃកម្ពុជា ក៏បានលើកឡើងថា គម្រោង​ស្ពាន​មិត្តភាព​កម្ពុជា​-កូរ៉េ​ ជាគម្រោងដែល​សម្ដេច​បានស្នើឡើង​ដោយផ្ទាល់​ទៅកាន់​ប្រទេស​កូរ៉េ​ ដើម្បីយក​ហិរញ្ញប្បទាន​​មក​សាងសង់​ ហើយ​សម្ដេច​ក៏សង្ឃឹមថា ​សម្ដេច​នឹង​បានឃើញ​ស្ពាន​នេះ​នៅពេលឆាប់ៗនេះ​ផងដែរ ។​

ស្ពាន​មិត្តភាព​កម្ពុជា​ កូរ៉េ​ ត្រូវបានសិក្សា​ចប់​សព្វ​គ្រប់ និងបានចុះហត្ថលេខា​រវាង​កម្ពុជា​ និងកូរ៉េ​រួចរាល់​ហើយដែរ ។ ស្ពាននេះ ត្រូវ​សាងសង់ឡើង​ជាពីរ​ដោយមួយ​ត្រូ​វសង់ឡើងពីផ្សារ​រាត្រី រាជធានីភ្នំពេញ ទៅកាន់តំបន់​ជ្រោយចង្វារឆ្លង​កាត់​ទន្លេសាប ហើយនឹង​សង់​មួយខ្សែទៀត​ពីជ្រោយចង្វារ​ទៅកាន់​ក្រុ​​ង​អរិយក្សត្រ​​ឆ្លងកាត់ទន្លេមេគង្គ​ ។​

គម្រោងស្ពាន​នេះ គ្រោងនឹង​ចំណាយ​ទឹកប្រាក់​ប្រមាណ​ជិត​ ២៤៦លានដុល្លារអាមេរិក​ និង​បាន​ចុះ​ហ​ត្ថ​លេ​ខា​​​រួចរាល់រវាង​ប្រមុខ​ការទូត​កម្ពុជា និង​ឯកអគ្គ​រដ្ឋទូត​កូរ៉េ​ប្រចាំ​កម្ពុជា ​កាលពី​ថ្ងៃទី០៩ ខែធ្នូ ឆ្នាំ ២០២២​កន្លង​ទៅ ។

គម្រោង​សាងសង់​ស្ពាន​មួយនេះ ត្រូវបានអ្នកជំនាញអចលនទ្រព្យ​ជាច្រើនមើល​ឃើញថានឹង​ជំរុញឱ្យ​ពលរដ្ឋ​ផ្លាស់ប្តូរទីលំនៅ​ពីភ្នំពេញ ឬពីបណ្ដាតំបន់​ផ្សេងៗ ចូលទៅកាន់​តំបន់​អរិយ​ក្សត្រ​​កាន់តែច្រើន​ ដោយ​នឹងធ្វើឱ្យ​ទីផ្សារ​លំនៅឋានក្នុងក្រុងអរិយក្សត្រ​មានតម្រូវ​ការ​កើនឡើង​មួយកម្រិតទៀត ។​

បើតាម​លោក ប៉ូ អ៊ាវគង់ អគ្គនាយក​ក្រុមហ៊ុន​អចលនទ្រព្យ​ Advance បានលើកឡើងថា​ ស្រ​បគ្នានឹង​គម្រោង​សាងសង់​ស្ពាន​ភ្នំពេញ អរិយក្សត្រនេះ រដ្ឋាភិបាលគួរសាងសង់​ឬអភិវឌ្ឍន៍​ហេដ្ឋារចនាសម្ព័ន្ធ នៅក្នុង​តំបន់អរិយក្សត្រ​បន្ថែម ដើម្បីសម្រួល​ដល់​ការធ្វើដំណើរ​របស់ពលរដ្ឋ​ក៏ដូចជា​បំពេញបន្ថែម​នូវ​តម្រូវ​មនុស្ស​ដែល​នឹងកើនឡើង​ឆាប់រហ័ស​នៅក្នុង​តំបន់អរិយក្សត្រ​៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សហភាពអឺរ៉ុបលើកឡើងថា ការដាក់ទណ្ឌកម្មលើសេដ្ឋកិច្ចរុស្ស៊ីពិតជាមានប្រសិទ្ធភាព

ព្រឹត្តិការណ៍, សេដ្ឋកិច្ច

• 25/07/2024

រដ្ឋមន្ត្រីហិរញ្ញវត្ថុសហភាពអឺរ៉ុប ៨ រូប លើកឡើងថា រុស្ស៊ីនិយាយកុហកអំពីកម្លាំងសេដ្ឋកិច្ចរបស់ខ្លួន ដោយសារមាន​សញ្ញា​ជា​ច្រើន​ដែល​បង្ហាញ​ថា​សេដ្ឋកិច្ច​រុស្ស៊ី​កំពុង​ធ្លាក់​ចុះ ហើយគួរតែមានទណ្ឌកម្ម ​និង​វិធានការ​ផ្សេង​បន្ថែមទៀត​ ដើម្បី​ធ្វើ​ឲ្យ​សេដ្ឋកិច្ច​រុស្ស៊ី​ចុះ​ខ្សោយ​កាន់តែមានប្រសិទ្ធភាព

នាពេលអនាគត កម្ពុជានឹងមានមជ្ឈមណ្ឌលភស្តុភារកម្មភ្នំពេញសម្រាប់ទាក់ទាញការវិនិយោគផ្នែកឡូជីស្ទីក

ព្រឹត្តិការណ៍, សេដ្ឋកិច្ច

• 25/07/2024

នាពេលអនាគតឆាប់ៗកម្ពុជា នឹងមានមជ្ឈមណ្ឌលភស្តុភារកម្មភ្នំពេញ សម្រាប់ទាក់ទាញការវិនិយោគផ្នែកឡូជីស្ទីកទាំងក្នុង និង ក្រៅប្រទេស

រដ្ឋាភិបាលអភិវឌ្ឍបណ្តាខេត្តជាប់ឆ្នេរសមុទ្រទៅជារបៀងសេដ្ឋកិច្ចពហុបំណង និងឈានទៅគោលដៅឆ្នេរទេសចរណ៍កម្រិតពិភពលោក

ព្រឹត្តិការណ៍, សេដ្ឋកិច្ច

• 25/07/2024

កម្ពុជា នឹងអភិវឌ្ឍបណ្តាខេត្តជាប់ឆ្នេរសមុទ្រឱ្យទៅជារបៀងសេដ្ឋកិច្ចពហុបំណង ប្រទាក់ក្រឡា និងជាគោលដៅទេសចរណ៍ឆ្នេរកម្រិតពិភពលោក

ការចូលរួមសេដ្ឋកិច្ចឌីជីថលសម្រាប់សហគ្រិនស្ត្រី នឹងធ្វើឱ្យកម្ពុជាឈានទៅរកការពង្រីកអាជីវកម្មក្នុងតំបន់អាស៊ាន

ព្រឹត្តិការណ៍, សេដ្ឋកិច្ច

• 25/07/2024

ការលើកកម្ពស់នៃការចូលរួមសេដ្ឋកិច្ចឌីជីថលសម្រាប់សហគ្រិនស្ត្រី នឹងធ្វើឲ្យកម្ពុជាឈានទៅរកការពង្រីកអាជីវកម្មទៅកាន់តំបន់អាស៊ានតាមរយៈប្រព័ន្ធអេឡិចត្រូនិក

រដ្ឋមន្ត្រីពាណិជ្ជកម្ម ជំរុញពង្រឹងគុណភាព និងសុវត្ថិភាពម្ហូបអាហារ ដើម្បីប្រកួតប្រជែង និងផ្គត់ផ្គង់ទីផ្សារ

ព្រឹត្តិការណ៍, សេដ្ឋកិច្ច

• 24/07/2024

រដ្ឋមន្ត្រីពាណិជ្ជកម្ម ជំរុញពង្រឹងគុណភាព សុវត្ថិភាពម្ហូបអាហារចាប់ពីកសិដ្ឋានដល់កន្លែងបរិភោគ

ឯកអគ្គរដ្ឋទូតចិនប្រចាំនៅកម្ពុជា កំពុងជួយផ្សព្វផ្សាយលើកស្ទួយវិស័យទេសចរណ៍កម្ពុជាទៅកាន់ពិភពលោក

ព្រឹត្តិការណ៍, សេដ្ឋកិច្ច

• 24/07/2024

ជាជំហានវិជ្ជមានមួយរបស់ឯកឧត្តម ឯកអគ្គរដ្ឋទូតចិនដែលទើបតែងតាំងថ្មី ក្នុងការផ្សព្វផ្សាយវិស័យទេសចរណ៍របស់កម្ពុជា

ផលិតផលជលផល កំពុងត្រូវបានយកចិត្តទុកដាក់លើខ្សែច្រវាក់ផលិតកម្មនៃការផលិត និងជំរុញការនាំចេញ

ព្រឹត្តិការណ៍, សេដ្ឋកិច្ច

• 23/07/2024

គម្រោងអភិវឌ្ឍន៍ក្រោយប្រមូលផល(CAPFISH-Capture) នៃវិស័យជលផលកំពុងជំរុញខ្សែច្រវាក់ផលិតកម្មឱ្យកាន់តែទូលាយដើម្បីនាំចេញទៅកាន់ទីផ្សារអន្តរជាតិ

សម្តេចធិបតី ហ៊ុន ម៉ាណេត កត់សម្គាល់ពីការនាំចេញផលិតផលកសិកម្មសំខាន់ៗរបស់កម្ពុជា

ព្រឹត្តិការណ៍, សេដ្ឋកិច្ច

• 23/07/2024

សម្តេចធិបតី ហ៊ុន ម៉ាណេត កត់សម្គាល់ពីការនាំចេញផលិតផលកសិកម្មសំខាន់ៗរបស់កម្ពុជា ខណៈឯកអគ្គរដ្ឋទូតចិនថ្មី កោតសរសើរពីរសជាតិស្វាយចន្ទីខ្មែរ

ក្រុមហ៊ុនឧស្សាហកម្មវាយនភ័ណ្ឌចិន៤០ក្រុមហ៊ុន មកស្វែងយល់កាលានុវត្តភាពវិនិយោគនៅកម្ពុជា

ព្រឹត្តិការណ៍, សេដ្ឋកិច្ច

• 23/07/2024

ក្រុមហ៊ុនឧស្សាហកម្មវាយនភ័ណ្ឌចិនចំនួន៤០ក្រុមហ៊ុន បានមកស្វែងយល់ពីបរិយាកាស និង កាលានុវត្តភាពវិនិយោគនៅកម្ពុជា