សហគមន៍កសិកម្មតាសីសាមគ្គី ពង្រីកការដាំដុះក្នុងផ្ទះសំណាញ់ ដើម្បីឆ្លើយតបតម្រូវការទីផ្សារ និងបង្កើនជីវភាពសហគមន៍

បាត់ដំបង ៖ សហគមន៍កសិកម្ម តាសីសាមគ្គី ស្ថិតនៅភូមិតាសី ឃុំតាម៉ឺន ស្រុកថ្មគោល ខេត្តបាត់ដំបង កំពុងផលិតបន្លែសុវត្ថិភាពតាមរយៈបច្ចេកទេសកសិកម្មវ័យឆ្លាត GAP ដោយផ្គត់ផ្គង់បន្លែទៅកាន់ទីផ្សាររបស់ខ្លួនបានគ្រប់រដូវកាលដែលបច្ចុប្បន្នសហគមន៍មួយនេះបានខិតខំពង្រីកការងារដាំដុះក្នុងផ្ទះសំណាញ់ ដើម្បីបង្កើនសុវត្ថិភាពបន្លែ តម្រូវតាមការចង់បានរបស់ទីផ្សារ និងការបង្កើនជីវភាពកសិករក្នុងសហគមន៍។ អ្វីដែលសំខាន់ សម្រាប់ការដាំដុះបន្លែក្នុងផ្ទះសំណាញ់ គឺចំណាយដើមទុនតិចបានផលច្រើនជាងការដាំនៅខាងក្រៅ ព្រោះវាអាចការពារពីសត្វល្អិតស៊ីដំណាំ និងកាត់បន្ថយជាតិគីមី ។

តាមការបញ្ជាក់របស់សមាជិកសហគមន៍ ឈ្មោះ អឿក សែម បានឱ្យដឹងថា សហគមន៍តាសីសាមគ្គី មានសមាជិកប្រមាណ ៣០០ គ្រួសារ ដែលអ្នកខ្លះបានដាំបន្លែនៅក្នុងផ្ទះសំណាញ់ និងខ្លះទៀតដាំនៅក្រៅផ្ទះសំណាញ់ ដោយបានប្រើប្រាស់ជីលាមកគោទៅតាមផែនការជាក់លាក់។

លោក អឿក សែម បានបញ្ជាក់ថា ៖

«ការដាំនៅក្នុងផ្ទះសំណាញ់ទទួលបានផលច្រើន និងអាចប្រមូលផលបានគ្រប់រដូវកាល ដោយទិន្នផលប្រមាណ ៨០% នាំទៅទីផ្សារភ្នំពេញខណៈដែលតម្រូវការទីផ្សារចេះតែកើនឡើង ហើយសហគមន៍ក៏មានគម្រោងពង្រីកបន្ថែមចំនួនផ្ទះសំណាញ់ឱ្យបានច្រើនទៀត»។

ប្រធានសហគមន៍កសិកម្មតាសីសាមគ្គី លោក ណុប នុន បានឱ្យដឹងថា សហគមន៍បានដើរតាមគោលនយោបាយដែលជំរុញនូវការដាំដុះបន្លែសុវត្ថិភាពច្បាស់លាស់សម្រាប់ទីផ្សារធំៗ អនុវត្តតាមបច្ចេកទេសដាំដុះបែបទំនើប រាប់តាំងពីការជ្រើសរើសពូជ រហូតដល់ប្រមូលផល ដែលត្រូវទៅតាមមាត្រដ្ឋានស្តង់ដាររបស់ក្រសួងកសិកម្ម។

លោកបញ្ជាក់ថា បច្ចុប្បន្ន ទីផ្សារបន្លែសុវត្ថិភាពមានតម្រូវការខ្ពស់លើសពីការផ្គត់ផ្គង់ ខណៈសហគមន៍អាចផ្គត់ផ្គង់បានត្រឹមតែទីផ្សារដៃគូនៅរាជធានីភ្នំពេញ និងតាមបណ្ដាខេត្តធំៗមួយចំនួន ដូចជា បាត់ដំបង បន្ទាយមានជ័យ និងសៀមរាបជាដើម។ និយាយជារួម តម្រូវការទីផ្សារមានរហូតដល់ប្រមាណ ២តោន ប៉ុន្តែសហគមន៍មានលទ្ធភាពអាចផលិតបានត្រឹមតែប្រមាណ ៣០០-៥០០ គីឡូក្រាមប៉ុណ្ណោះ ។ ដោយឡែក សម្រាប់ចំណូលដែលទទួលបានមកពីទិន្នផលបន្លែសុវត្ថិភាពវិញមានទំហំចន្លោះពី៥ ០០០ ទៅ ៧ ០០០ ដុល្លារក្នុងមួយខែ។ 

សូមជម្រាបថា សហគមន៍តាសីសាមគ្គី មានបន្លែសុវត្ថិភាព ដោយប្រើផ្ទះសំណាញ់ និងមានចំណុចពិសេស ដោយមានក្រុមផលិត៤ក្រុម ផ្ដោតលើការដាំបន្លែសុវត្ថិភាព និងគុណភាព ដោយការដាំក្នុងផ្ទះសំណាញ់​ចំណេញច្រើនខុសប្លែកពីការដាំដុះបែបប្រពៃណី ពោលគែអាចដាំដុះបានពេញមួយឆ្នាំ និងគ្រប់រដូវកាល ហើយអាចផ្តល់គុណប្រយោជន៍បានទាំងអ្នកដាំដុះនៅក្នុងសហគមន៍ ផ្តល់សុខភាពល្អដល់អ្នកទទួលទាន និងអាចលើកកម្ពស់គុណភាពកសិផលក្នុងស្រុកផងដែរ។

គួរបញ្ជាក់ថា បច្ចុប្បន្នសហគមន៍តាសីសាមគ្គី បាន និងកំពុងដាំដំណាំបន្លែច្រើនប្រភេទសម្រាប់ផ្គត់ផ្គង់ទីផ្សាររបស់ខ្លួន ដូចជា ស្ពៃតឿ ស្ពៃចង្កឹះ ស្ពៃក្រញាំញ់  ខាត់ណា ផ្កាខាត់ណាខៀវ លឿង និងផ្កាស ខណៈដែលបន្លែដែលបានបញ្ចេញលក់ច្រើនជាងគេ គឺ ជីររណា ដោយនៅក្នុង១ថ្ងៃសហគមន៍អាចបញ្ចេញលក់ទៅតាមទៅតាមទីផ្សារបានប្រមាណ ២ ទៅ ​៣ តោនក្នុងមួយថ្ងៃ និងអាចចាក់បញ្ចូលថវិកាមកសហគមន៍ពី ៥​ ទៅ ១០លានរៀល៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

បច្ចេកវិទ្យាទំនើបមនុស្សយន្ត Da vinci xi ជួយគ្រូពេទ្យវះកាត់កន្លែងស្មុគស្មាញ ចំគោលដៅ និងមានប្រសិទ្ធភាពខ្ពស់បំផុត

ព្រឹត្តិការណ៍, អាជីវកម្មថ្មី និងនវានុវត្ត

• 21/06/2024

បច្ចេកវិទ្យាទំនើបមនុស្សយន្ត Da vinci xi ជួយគ្រូពេទ្យវះកាត់កន្លែងស្មុគស្មាញ ចំគោលដៅ និងមានប្រសិទ្ធិភាពខ្ពស់បំផុត ។

កម្ពុជាអាចជាទីផ្សារយានយន្ដអគ្គិសនីដ៏សំខាន់មួយសម្រាប់ចិន

ព្រឹត្តិការណ៍, សេដ្ឋកិច្ច

• 21/06/2024

ប្រទេសកម្ពុជាកំពុងឈានទៅកាន់តំណែងជាប្រទេសដែលមានប្រាក់ចំណូលខ្ពស់នៅឆ្នាំ២០៥០ ខណៈដែលទាំងធនធានមនុស្ស ភាពរីកចម្រើន និងការអភិវឌ្ឍ ស្របនឹងនិន្នាការនៃតម្រូវការរថយន្តអគ្គិសនីត្រូវបានព្យាករណ៍​ថានឹងកើនឡើង

ជីធម្មជាតិអាចម៍ជន្លេន មានផលប្រយោជន៍ច្រើនលើការដាំដុះ ដែលកសិករគួរយល់ដឹង

ជំនួញ, ព្រឹត្តិការណ៍

• 21/06/2024

សត្វជន្លេន គេអាចទាញយកប្រយោជន៍បានច្រើនសម្រាប់អនុគ្រោះដល់ការដាំដុះតាមរយៈការចិញ្ចឹម និងទាញយកអាចម៍របស់វាមកកែច្នៃធ្វើជាជីធម្មជាតិដែលមានជីជាតិសម្រាប់ដំណាំយ៉ាងល្អប្រសើរ។

ស្វែង​យល់ពី​នីតិវិធី​នៃការ​ចុះបញ្ជី​ដីធ្លីមានលក្ខណៈជា​ប្រព័ន្ធ

ព្រឹត្តិការណ៍, អចលនទ្រព្យ

• 21/06/2024

ការ​ចុះបញ្ជីដីធ្លី​មានលក្ខណៈជា​ប្រព័ន្ធមានដំណាក់​សំខាន់ៗ៥ដំណាក់កាល ដែល​ប្រជាពលរដ្ឋ​និង​ម្ចាស់ដីធ្លីទាំងអស់​គួរ​ស្វែង​យល់​

ធនាគារពិភពលោក​អនុម័តកញ្ចប់​ឥណទាន​​ ២៧៥​ លានដុល្លារ ដើម្បីជួយទ្រទ្រង់ដល់កំណើន និងភាពធន់នៃសេដ្ឋកិច្ចកម្ពុជា

ព្រឹត្តិការណ៍, ហិរញ្ញវត្ថុ

• 21/06/2024

ក្រុមប្រឹក្សានាយកនៃធនាគារពិភពលោក នៅថ្ងៃទី២១ ខែមិថុនា ឆ្នាំ២០២៤ បានសម្រេចអនុម័តលើកញ្ចប់ឥណទានតម្លៃ ២៧៥ លានដុល្លារអាមេរិក សម្រាប់ជួយទ្រទ្រង់ដល់កិច្ចខិតខំប្រឹងប្រែងរបស់កម្ពុជា ក្នុងការជំរុញកំណើន និងភាពធន់របស់សេដ្ឋកិច្ច ក្នុងរយៈពេលវែងឆ្ងាយទៅមុខ

តម្លៃមាសបានបន្តឡើងថ្លៃ ១,៤ ភាគរយ ឬ ២ ៣៥៨ ដុល្លារក្នុងមួយអោន

ព្រឹត្តិការណ៍, សេដ្ឋកិច្ច

• 21/06/2024

តម្លៃមាសឡើងថ្លៃ ១,៤ ភាគរយ ឬ ២ ៣៥៨ ដុល្លារក្នុងមួយអោន ដែលជាកម្រិតខ្ពស់បំផុតក្នុងរយៈពេលពីរសប្តាហ៍ បន្ទាប់ពីរបាយការណ៍បង្ហាញថា ការលក់រាយរបស់សហរដ្ឋអាមេរិកចុះខ្សោយ

ឯកឧត្តមបណ្ឌិត ធន់ វឌ្ឍនា ៖ ច្បាប់ស្តីពីការវិនិយោគរបស់កម្ពុជាមានភាពអំណោយផលសម្រាប់ដៃគូវិនិយោគ

ព្រឹត្តិការណ៍, សេដ្ឋកិច្ច

• 21/06/2024

ឯកឧត្តមបណ្ឌិត ធន់ វឌ្ឍនា មានប្រសាសន៍បញ្ជាក់ថា គោលនយោបាយរបស់កម្ពុជាទាក់ទងនឹងការវិនិយោគផ្ទាល់ពីបរទេស (FDI) ជាពិសេសច្បាប់ស្តីពីវិនិយោគនៃព្រះរាជាណាចក្រកម្ពុជា គឺមានភាពអំណោយផលសម្រាប់ដៃគូវិនិយោគ

តម្លៃប្រេងធ្លាក់ចុះបន្តិច បន្ទាប់ពីឡើងដល់កម្រិតខ្ពស់ក្នុងរយៈពេល ៧ សប្តាហ៍ជាប់ៗគ្នា

ព្រឹត្តិការណ៍, សេដ្ឋកិច្ច

• 21/06/2024

ទន្ទឹមនឹងនេះ តម្លៃប្រេងឆៅម៉ាកធ្លាក់ចុះ ០,៦២ ភាគរយ ឬ ៨៥,៦០ ដុល្លារក្នុងមួយបារ៉ែល ខណៈតម្លៃប្រេងឆៅម៉ាក West Texas Intermediate (WTI) ធ្លាក់ចុះ ០,៧១ ភាគរយ ឬ ៨១,១៥ ដុល្លារក្នុងមួយបារ៉ែល

វិភាគ ៖ បេសកកម្មមេដឹកនាំរុស្ស៊ីសប្តាហ៍នេះអាចជាការទាក់ម៉ូយចាស់វៀតណាមយកលុយទិញគ្រាប់ពីកូរ៉េខាងជើង

ព្រឹត្តិការណ៍, អាជីវកម្មថ្មី និងនវានុវត្ត

• 21/06/2024

កាលពីឆ្នាំ២០២៣ វៀតណាមមិនមានធ្វើការបញ្ជាទិញអាវុធថ្មីបន្ថែមណាមួយគួរឲ្យកត់សំគាល់ឡើយ ហើយកំពុងសម្លឹងមើលដៃគូមួយចំនួនសម្រាប់បំពេញផែនការអាវុធ

ចំណេះដឹងហិរញ្ញវត្ថុជាបំណិនជីវិតមួយជួយឱ្យប្រជាពលរដ្ឋសម្រេចចិត្តផ្នែកហិរញ្ញវត្ថុហិរញ្ញវបានត្រឹមត្រូវ

ព្រឹត្តិការណ៍, ហិរញ្ញវត្ថុ

• 20/06/2024

ស្របពេលចំណេះដឹងហិរញ្ញវត្ថុក្លាយជាកម្លាំងចលករមួយដ៏សំខាន់ក្នុងការជួយជំរុញឱ្យមានការប្រើប្រាស់សេវាហិរញ្ញវត្ថុផ្លូវការក្នុងចំណោមប្រជាពលរដ្ឋកម្ពុជា ដែលជាប្រភពទុនដ៏សមស្រប មានតម្លៃទាប ហានិភ័យទាបសម្រាប់យកទៅប្រើប្រាស់ក្នុងគោលដៅផ្សេងៗ ធនាគារជាតិនៃកម្ពុជា ក៏ដូចជាសមាគមហិរញ្ញវត្ថុនៅកម្ពុជាបាននិងកំពុងយកចិត្តទុកដាក់លើការលើកកម្ពស់ចំណេះដឹងហិរញ្ញវត្ថុ ដល់ក្រុមគោលដៅ និងសាធារណៈជនទូទៅ។