សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ខណ្ឌចំការមន រាជធានីភ្នំពេញ បច្ចុប្បន្ននេះបានក្លាយជាតំបន់ប្រមូលផ្តុំដោយអគារខ្ពស់ៗជាច្រើនមិនចាញ់តំបន់បឹងកេងកងនោះទេ ហើយក៏ជាតំបន់ដែលកំពុងមានការចាប់អារម្មណ៍ក្នុងការសាងសង់អគារពាណិជ្ជកម្ម និងលំនៅដ្ឋានសហកម្មសិទ្ធិផងដែរ ដែលបានជំរុញឱ្យតម្លៃដីធ្លីមានការកើនឡើងរហូតនៅទីតាំងខ្លះឡើងដល់ប្រមាណ ៧២០០ដុល្លារក្នុងមួយម៉ែត្រការ៉េ ប៉ុន្តែក៏មានទីតាំងខ្លះមានតម្លៃក្រោម ២០០០ដុល្លារក្នុងមួយម៉ែត្រការ៉េនៅឡើយ។
ខាងក្រោមនេះជាតម្លៃដីធ្លីនៅតាមបណ្ដាសង្កាត់នានាក្នុងខណ្ឌចំការមន ដែលត្រូវបានសិក្សា និងផ្សព្វផ្សាយដោយសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា នៅត្រឹមឆមាសទី១ នៃឆ្នាំ២០២៣ ៖
១- សង្កាត់បឹងត្របែក ៖ តម្លៃដីធ្លីក្នុងសង្កាត់នេះមានតម្លៃចន្លោះពី ៣ ៥០០ដុល្លារអាមេរិកទៅ ៥ ៣០០ដុល្លារអាមេរិក សម្រាប់ដីនៅជាប់ផ្លូវធំ និងតម្លៃចន្លោះពី ២ ០០០ដុល្លារអាមេរិកទៅ ៣ ២០០ដុល្លារអាមេរិកក្នុងមួយម៉ែត្រការ៉េ សម្រាប់តំបន់នៅជាប់ផ្លូវតូចៗ ។
២- សង្កាត់ផ្សារដើមថ្កូវ ៖ ដីនៅក្នុងសង្កាត់នេះ មានតម្លៃចន្លោះពី ៣ ២០០ដុល្លារអាមេរិកទៅ ៥ ៣០០ដុល្លារអាមេរិកក្នុងមួយម៉ែត្រការ៉េសម្រាប់ដីដែលមានទីតាំងនៅជាប់ផ្លូវធំ និងតម្លៃចន្លោះពី ១ ៥០០ដុល្លារអាមេរិកទៅ ៣ ២០០ដុល្លារអាមេរិកសម្រាប់ដីដែលមានទីតាំងនៅជាប់ផ្លូវតូច ។
៣- សង្កាត់តន្លេបាសាក់ ៖ ដីនៅតំបន់នេះ មានតម្លៃចន្លោះពី ៤ ០០០ដុល្លារអាមេរិកទៅ ៧ ២០០ដុល្លារអាមេរិកសម្រាប់ទីតាំងនៅជាប់ផ្លូវធំ និងតម្លៃចន្លោះពី ២ ៥០០ដុល្លារអាមេរិកទៅ ៤ ១០០ដុល្លារអាមេរិកសម្រាប់ទីតាំងដីនៅជាប់ផ្លូវតូចៗ ឬផ្លូវខាងក្នុង ។
៤- សង្កាត់ទួលទំពូង១ ៖ តំបន់នេះដីហាក់មានតម្លៃខ្ពស់ជាងគេបន្តិច គឺចចន្លោះពី ៤ ៦០០ដុល្លារអាមេរិកទៅ ៧ ២០០ដុល្លារអាមេរិកសម្រាប់ទីតាំងដីនៅជាប់ផ្លូវធំ និងចន្លោះពី ២ ៦០០ដុល្លារអាមេរិកទៅ ៤ ១០០ដុល្លារអាមេរិកសម្រាប់ទីតាំងដីនៅជាប់ផ្លូវតូចៗ ។
៥- សង្កាត់ទួលទំពូង២ តម្លៃដីប្រហាក់ប្រហែលនឹងទួលទំពូង១ ដែរ ក្នុងនោះដីដែលមានទីតាំងនៅជាប់ផ្លូវធំ មានតម្លៃ ៤ ៥០០ដុល្លារអាមេរិកទៅ ៧ ២០០ដុល្លារអាមេរិក និងចន្លោះពី ២ ៥០០ដុល្លារអាមេរិកទៅ ៤ ០០០ដុល្លារអាមេរិកសម្រាប់ទីតាំងដីនៅជាប់ផ្លូវតូចៗ ឬផ្លូវខាងក្នុង។
គួរបញ្ជាក់ថា កោះពេជ្រ ក៏ជាតំបន់មួយស្ថិតនៅក្នុងខណ្ឌចំការមនដែរគឺស្ថិតនៅក្នុងសង្កាត់ទន្លេបាសាក់ ហើយតំបន់នេះបច្ចុប្បន្នកំពុងមានការអភិវឌ្ឍខ្លាំងជាពិសេសសំណង់អគារខ្ពស់ៗដែលភាគច្រើនគឺជាសំណង់ក្រោមការវិនិយោគពីសំណាក់វិនិយោគិនជនជាតិចិន៕
Account
Security
Favourite Content