សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ស្ថិតក្នុងស្ថានភាពទីផ្សារអចលនទ្រព្យនៅកម្ពុជានៅមិនទាន់មានភាពប្រសើរដូចនឹងស្ថានភាពមុនពេលមានវិបត្តិកូវីដ-១៩នោះ ការបញ្ចុះអត្រាការប្រាក់សម្រាប់ឥណទានទិញលំនៅឋានពីសំណាក់បណ្ដាធនាគារក្នុងស្រុក គឺជាចលករយ៉ាងសំខាន់មួយក្នុងការជួយជំរុញឱ្យវិស័យមួយនេះបានប្រសើរឡោះងមួយកម្រិត ហើយអាចគាំទ្រឱ្យមានសកម្មភាពវិនិយោគ និងអភិវឌ្ឍន៍ឡើងវិញជាបណ្តើរៗ។
ឯកឧត្តម គិត ច័ន្ទគ្រឹស្នា អនុរដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ បានថ្លែងថា ការផ្ដល់ឥណទានសម្រាប់ទិញលំនៅឋានដល់ប្រជាពលរដ្ឋក្នុងប្រទេសកម្ពុជា ជាពិសេសក្នុងអំឡុងពេលនេះ ដោយអត្រាការប្រាក់ទាប វាបានជួយឱ្យវិស័យអចលនទ្រព្យមានចរន្តល្អ និងបានប្រសើរឡើងក្នុងគ្រាដែលវិស័យនេះបានរួមចំណែកកាន់តែធំក្នុងសេដ្ឋកិច្ចរបស់ប្រទេសកម្ពុជា។
ឯកឧត្តមបានបន្តថា ៖
«ការផ្ដល់ឥណទានដោយអត្រាការប្រាក់ទាបជាងមុន នឹងធ្វើឱ្យពលរដ្ឋដែលមានតម្រូវការផ្ទះស្នាក់នៅជារបស់ផ្ទាល់ខ្លួន មានលទ្ធភាពក្នុងការប្រើប្រាស់ឥណទានពីធនាគារសម្រាប់ទិញផ្ទះ ហើយបង់សងត្រលប់ទៅធនាគារក្នុងកម្រិតទាបជាងមុន ធ្វើឱ្យពលរដ្ឋអាចសន្សំប្រាក់បានមួយចំនួនសម្រាប់ប្រើប្រាស់ ឬទិញរបស់របរដែលពួកគាត់ត្រូវការ ។ វាក៏បានជួយឱ្យអ្នកអភិវឌ្ឍន៍លំនៅឋានអាចលក់ផ្ទះរបស់ខ្លួនចេញជាបន្តបន្ទាប់ ធនាគារក៏ទទួលបានការប្រាក់ ហើយពលរដ្ឋក៏មានទ្រព្យជារបស់ខ្លួន ដូច្នេះ វាបានជួយច្រើនដល់សេដ្ឋកិច្ច»។
ឯកឧត្តមក៏បានបញ្ជាក់ដែរថា នៅពេលដែលធនាគារគិតការប្រាក់លើឥណទានទាបជាមុន ពលរដ្ឋអាចមានលទ្ធភាពទិញផ្ទះទី២ ឬក៏ដីធ្លីជាទ្រព្យសម្រាប់ទុកឱ្យកូនចៅជាបន្តបន្ទាប់ផងដែរ ។ ជាក់ស្ដែង បច្ចុប្បន្ននេះ មានធនាគារជាច្រើនហើយបានចាប់ផ្ដើមគិតការប្រាក់សម្រាប់ទិញលំនៅឋានទាបជាងមុន និងជាអ្វីដែលក្រសួង និងពលរដ្ឋចង់បាន ។
កន្លងមកក្រសួងរៀបចំដែនដី នគរូបនីយកម្ម និងសំណង់ រួមជាមួយធនាគារជាតិនៃកម្ពុជា សមាគមធនាគារនៅកម្ពុជា សមាគមមីក្រូហិរញ្ញវត្ថុកម្ពុជា និងសមាគមអ្នកអភិវឌ្ឍន៍លំនៅឋានកម្ពុជា បានជួបពិភាក្សារកដំណោះស្រាយក្នុងការដោះស្រាយបញ្ហាប្រឈមសម្រាប់អចលនទ្រព្យ ជាពិសេសលើលំនៅឋានដែលជាប់គាំង សំដៅលើលំនៅឋានដែលអភិវឌ្ឍហើយតែមិនទាន់មានម្ចាស់ ។ ជាលទ្ធផលឃើញដំណោះស្រាយត្រូវបានរកឃើញ និងចាប់ផ្ដើមអនុវត្តន៍ជាបន្តបន្ទាប់ រហូតដល់ធនាគារមួយចំនួនចាប់ផ្ដើមផ្ដល់ឥណទានទិញលំនៅឋានក្នុងអត្រាការប្រាក់ទាបជាងមុន ។
ឯកឧត្តម សាយ សំអាល់ ឧបនាយករដ្ឋមន្ត្រី និងជារដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានណែនាំដល់អ្នកអភិវឌ្ឍន៍លំនៅឋាន ត្រូវអភិវឌ្ឍន៍ ឬសាងសង់លំនៅឋានដោយសិក្សាលើទីផ្សារនិងតម្រូវការជាក់ស្ដែងរបស់ពលរដ្ឋ ។ ពលរដ្ឋភាគច្រើនត្រូវការលំនៅឋានតម្លៃសមរម្យសម្រាប់ស្នាក់នៅ បើសិនជាអ្នកអភិវឌ្ឍន៍លំនៅឋាន សង់តែផ្ទះដែលមានតម្លៃខ្ពស់នោះ វានឹងធ្វើឱ្យទីផ្សារលក់ចេញតូចចង្អៀត មិនមានទិញ ឬនៅសល់លំនៅឋានដែលបានអភិវឌ្ឍរួចជាមិនខាន៕
Account
Security
Favourite Content