សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
Lucky Pavilion Mall ដែលជាគម្រោងផ្សារទំនើបរបស់ Lucky Mall co., Ltd បានលេចរូបរាងឡើងជាលើកទីមួយនៅតាមបណ្ដោយដងវិថីមេនៅក្នុងទីក្រុងភ្នំពេញជាមួយនឹងកម្ពស់ ៣ជាន់ និងគ្រោងបញ្ចប់ការសាងសង់នៅត្រឹមចុងឆ្នាំ ២០២២នេះ។
លោក Tommy Heng អគ្គនាយកក្រុមហ៊ុន Lucky Mall co., Ltd បានឱ្យដឹងកាលពីពេលថ្មីៗនេះថា ផ្សារទំនើបនេះនឹងបើកដំណើរការក្នុងដំណាក់កាលដំបូងនៅដើមឆ្នាំ២០២៣ បន្ទាប់ពីបញ្ចប់ការសាងសង់ទាំងស្រុងនៅត្រឹមចុងឆ្នាំ២០២២ខាងមុខនេះ ដោយមានបែងចែកប្រភេទទំនិញ និងសេវាកម្មទៅតាមជាន់របស់អគារផ្សេងគ្នា។
លោកបានបន្តថា គម្រោងរបស់ផ្សារទំនើបដ៏ធំមួយនេះ មានការបែងចែកដាច់ដោយឡែកពីគ្នារវាងជាន់ផ្ទាល់ដីជាចំណតរថយន្ត ហើយជាន់ទី១ មានផ្នែកសេវាកម្ម និងមានលក់សម្ភារៈប្រើប្រាស់ប្រចាំថ្ងៃ និងសម្ភារៈហាត់ប្រាណ ខណៈដែលនៅជាន់ទី២ ជាកន្លែងលក់ម្ហូបអាហារ និងចុងក្រោយដែលនៅជាន់ទី៣ មានរោងកុន កន្លែងហាត់ប្រាណ និងកន្លែងកម្សាន្ដសម្រាប់ក្មេងៗផងដែរ។
លោកអគ្គនាយករូបនេះក៏បានបង្ហើបពីការជួលទីតាំងផ្សារលក់រាយពីសំណាក់ម្ចាស់ផលិតផលផ្សេងៗផងដែរថា ៖
“មកទល់ពេលនេះ មានការជួលទីតាំងផ្សារអស់ប្រមាណ៤៦% រួចហើយ! ដែលការជួលនេះមានប្រភេទផលិតផលផ្សេងៗគ្នា រួមមានទាំងប្រភេទផលិតផលក្នុងស្រុក និងផលិតផលយកមកពីក្រៅប្រទេសដែលមានម៉ាកល្បីៗជាសកលយ៉ាងសម្បូរបែប”
ជាមួយនឹងផែនការនៃការបង្ហាញវត្តមាននៅកម្ពុជាក្នុងរូបភាពជា Mall លំដាប់អន្តរជាតិនៅពេលខាងមុខនេះ អភិវឌ្ឍន៍រូបនេះបានបង្ហាញពីភាពជឿជាក់ក្នុងកិច្ចដំណើរការអាជីវកម្មខ្នាតធំនៅកម្ពុជាពិតជាអាចទទួលបានជោគជ័យ និងមានការគាំទ្រច្រើនពីសំណាក់អតិថិជន ជាពិសេសអតិថិជនក្នុងស្រុក បើទោះជាបច្ចុប្បន្នមានផ្សារទំនើបជាច្រើនទីតាំងកំពុងដំណើរការ ហើយគម្រោងថ្មីៗជាច្រើនទៀតកំពុងដំណើរការសាងសង់ និងត្រៀមបញ្ចប់ការសាងសង់ ហើយដាក់ដំណើរការព្រមគ្នាក្នុងពេលដំណាលគ្នាក៏ដោយ។
គួរបញ្ជាក់ថា នេះជាផ្សារទំនើប Lucky ទី១នៅកម្ពុជាដែលបានពង្រីកខ្លួនទៅជាប្រភេទ Mall ជាមួយនឹងផ្តល់ជូននូវទីតាំងជួលលក់រាយយ៉ាងធំទូលាយប្រកបដោយកម្រិតស្ដងដារលើកដំបូងរបស់ខ្លួនបន្ទាប់ពីបានចំណាយពេលជិត៥ឆ្នាំ។
យោងតាម របាយការណ៍របស់ក្រុមហ៊ុនភ្នាក់ងារអចលនទ្រព្យអន្តរជាតិ CBRE Cambodia កាលពីខែកក្កដាកន្លងទៅបានបង្ហាញថា អាត្រានៃការជួលទីតាំងសម្រាប់លក់រាយក្នុងផ្សារទំនើបមានការប្រើប្រាស់អស់ ៦៨% ដែលចំនួនគិតត្រឹមរយៈពេលពាក់កណ្ដាលឆ្នាំនៃឆ្នាំ២០២២តែប៉ុណ្ណោះ ដែលចំនួននេះបានកើនឡើងប្រមាណជាជិត២% ប្រៀទៅនឹងត្រីមាសទី១ ដែលមានត្រឹម ៦៦.៦% រាប់បញ្ចូលទាំងប្រភេទផ្សារទំនើបគ្រប់ប្រភេទ និងគ្រប់កម្រិត។ យ៉ាងណាមិញ ក្រុមហ៊ុន CBRE បានដាក់ការរំពឹងថា នៅសល់ទីតាំងសម្រាប់ជួលចំនួន ១៩ម៉ឺនម៉ែត្រការ៉េទៀត សម្រាប់ឆ្នាំ២០២២នេះដែលអាចបន្តមានតម្រូវការជួល៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ស្វែងយល់ពីឫសគល់ប្រវត្តិសាស្ត្រដែលសហរដ្ឋអាម៉េរិក និងសម្ព័ន្ធមិត្តមិនអាចផ្តួលរំលំរបបដឹកនាំអ៊ីរ៉ង់
Top News, ព្រឹត្តិការណ៍, សេដ្ឋកិច្ច
• 17/07/2026
ក្រុមអ្នកវិភាគភូមិសាស្ត្រនយោបាយ គូសបញ្ជាក់ថា ការព្យាយាមប្រើប្រាស់សម្ពាធយោធា និង ការដាក់ទណ្ឌកម្មសេដ្ឋកិច្ចនានាដើម្បីបង្ខំឱ្យអ៊ីរ៉ង់ផ្លាស់ប្តូររបបដឹកនាំគឺជារឿងដ៏លំបាកបំផុត ដោយសារតែរបបបច្ចុប្បន្នត្រូវបានកសាងឡើងនៅលើទ្រឹស្តីការពារខ្លួន និងការចងចាំដ៏ឈឺចាប់នៃការជ្រៀតជ្រែកពីបរទេសអស់រយៈពេលជាង ២ សតវត្សរ៍កន្លងមក
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
ផ្សារទំនើប ម៉ាត និងមីនីម៉ាត កើនដល់ជាង៦០០ ទីតាំង ដាក់លក់ផលិតផលខ្មែរ
ជីប ម៉ុង បញ្ចុះបឋមសិលាបើកការដ្ឋានសាងសង់ផ្សារទំនើប6A៖ ប្រែក្លាយតំបន់ 6A ឱ្យក្លាយជាមជ្ឈមណ្ឌលសេដ្ឋកិច្ច និងសហគមន៍ដ៏រស់រវើក ស៊ីវិល័យ
Account
Security
Favourite Content