រយៈ​ពេល​១ខែកន្លះ​ កម្ពុជា​ទទួលបានគម្រោងវិនិយោគថ្មី លើរោងចក្រជាង​២០គម្រោង​

ភ្នំពេញ ៖ កម្ពុជា​នៅតែ​បន្តទទួល​បានគម្រោ​ងវិនិយោគ​ជា​បន្តបន្ទាប់​​នៅដើមឆ្នាំ ២០២៤ នេះ ខណៈ​ពេល​ដែលស្ថាន​ភាព​សេដ្ឋកិច្ច​ពិភពលោក​នៅមិនទាន់ល្អប្រសើរ​ក្ដី​ ។ ក្នុងចំណោម​គម្រោ​ងភាគ​ច្រើន​ដែល​កម្ពុជា​បានអនុម័ត​ឱ្យវិ​និ​យោគ​ភាគច្រើន​គឺជា​គម្រោ​ងវិនិយោគ​លើ​រោងចក្រ​ ។ ជាក់​ស្ដែង​​រយៈ​ពេល​១​ខែ​កន្លះមក​នេះ មាន​គម្រោ​ង​យ៉ាង​​ហោច​ណាស់​២២​ ជា​គម្រោង​រោងចក្រ ។

បើតាមរបាយការណ៍របស់​ក្រុមប្រឹក្សាអភិវឌ្ឍន៍កម្ពុជា​​បានបង្ហាញថា ក្នុង​ខែ​​ មករា ២០២៤ មានគម្រោង​រោង​ចក្រ​​ថ្មីចំនួន​១០​គម្រោង​ ​និង​ក្នុង​រយៈ​ពេលពី​រសប្ដាហ៍​ កម្ពុជា​ក៏បានអនុម័ត​ឱ្យក្រុមហ៊ុនវិនិយោគលើ​រោង​ចក្រ​ចំនួន១២​បន្ថែមទៀត​ផងដែរ ។

នៅក្នុង​ចំណោម​រោងចក្រ​ទាំង​២២​ ដែលបានបង្កើត​ថ្មី​ក្នុងរយៈ​ពេលជា​ង១ខែកន្លះមក​នេះ ឃើញថា​ខេត្ត​កំពង់​ស្ពឺ​ ទទួលបាន​គម្រោង​វិនិយោគ​ច្រើនជាង​គេ​ ដែលមានរហូតដល់​៨​គម្រោង ក្រៅពីនោះ​មាននៅរាជធានីភ្នំ​ពេញ ខេត្ត​ស្វាយរៀង​ ព្រះសីហនុ កំពង់ចាម​និ​ងខេត្ត​កណ្ដាល​ជា​ដើម  ។

តាមយរយៈការ​វិនិយោគ​លើ​រោងចក្រ​សហគ្រាស​នៅក្នុងប្រទេសកម្ពុជានាពេល​នេះ ក៏បានជួ​យ​បង្កើត​​ឱ​កា​ស​​ការងារ​ជាច្រើន​ម៉ឺននាក់​ដល់ប្រជាពលរដ្ឋ​កម្ពុជា​ផងដែរ ជាពិសេស​បាន​ធ្វើឱ្យទីផ្សារ​អច​លនទ្រព្យ​មួយផ្នែក​មាន​សកម្មភាព​ទិញលក់ ជួល ក្នុង​ពេលស្ថានភាពទីផ្សារ​ទាំងមូល​នៅមិនទាន់​ល្អ ប្រសើរ​ដូចកាលមុន​វិបត្តិ​កូវីដ​​១៩​ ។

សម្ដេច​មហា​បវរធិបតី ​ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា​ តែងតែ​រំលឹក​ដល់​អភិបាល​នៃគណៈអភិបាលរាជធានី ខេត្ត​នានាឱ្យ​ផ្សព្វផ្សាយ​ពីសក្ដា​នុព​ល​វិនិយោគនៅក្នុ​ងខេ​ត្ត​របស់ខ្លួន ដើម្បីទាក់​ទាញ​វិនិយោគិន​ជាតិអន្តរជាតិ​ដែលមកដល់​កម្ពុជា ឱ្យគេចូលទៅ​សិក្សា​និងបណ្ដាក់ទុនវិនិយោគ​​នៅក្នុងខេត្ត​នីមួយៗ ស្រប​នឹង​ថ្នាក់ដឹកនាំកំពូលៗរបស់​ជាតិក៏បាន​​ខិតខំ​ទាក់ទាញវិនិយោគិន​បរទេសឱ្យចូលក្នុង​ប្រទេស​កម្ពុជា​ស្វែងរក​កា​រវិនិយោគ​នានា​ផងដែរ ។​

តាមរយៈការ​វិនិយោគ​លើ​រោងចក្រ​​ជា​បន្តបន្ទាប់​នេះដែរ ក៏បាន​ធ្វើ​ឱ្យតម្រូវការ​ឃ្លាំង​រោងចក្រ និង​ឃ្លាំង​ស្តុកទំនិញ​មានតម្រូវ​ការដែរ ដោយអ្នកវិនិយោគ​លើ​ឃ្លាំង​បាន​បន្ត​សាងសង់ឃ្លាំង​ជា​បន្តបន្ទាប់​សម្រាប់ទុក​ជួល​ឱ្យវិនិយោគិនដែលមានតម្រូវការ ជាពិសេស​នៅតំបន់ដែលមានសក្ដានុពល​ក្នុងការ​វិនិយោគលើ​រោង​ចក្រ​ឧស្សាហកម្ម​នេះផ្ទាល់​តែម្ដង ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សម្ដេចតេជោ ហ៊ុន សែន ស្នើជប៉ុន​បង្កើន​ការ​វិនិយោគ​បន្ថែម​នៅ​កម្ពុជា​ ដើម្បីជំរុញកំណើនសេដ្ឋកិច្ច

ព្រឹត្តិការណ៍, សេដ្ឋកិច្ច

• 17/07/2024

សម្តេចតេជោ ហ៊ុន សែន ប្រធានព្រឹទ្ធសភានៃកម្ពុជា បានស្នើឱ្យជប៉ុនបង្កើនការវិនិយោ​គ​​បន្ថែមទៀតនៅកម្ពុជា ដើម្បីជំរុញកំណើនសេដ្ឋកិច្ច

កម្ពុជាទទួលបានទេសចរជាង៣៤ម៉ឺននាក់ ក្នុងរយៈពេល១សប្តាហ៍ចុងក្រោយ

ព្រឹត្តិការណ៍, សេដ្ឋកិច្ច

• 17/07/2024

កម្ពុជាទទួលបានទេសចរជាតិ និង អន្តរជាតិ ជាង៣៤ម៉ឺននាក់ ក្នុងរយៈពេល១សប្តាហ៍ចុងក្រោយ គិតចាប់ពីថ្ងៃទី ០៨ ដល់ថ្ងៃទី ១៤ ខែកក្កដា ឆ្នាំ២០២៤

IMF បង្កើនការព្យាករណ៍កំណើន GDP របស់ចិន ខណៈកំណើនសេដ្ឋកិច្ចរបស់សហរដ្ឋអាមេរិកធ្លាក់ចុះ

ព្រឹត្តិការណ៍, សេដ្ឋកិច្ច

• 17/07/2024

IMF បានបង្កើនការព្យាករណ៍កំណើនផលិតផលក្នុងស្រុកសរុប​ (GDP) របស់ចិនសម្រាប់ឆ្នាំនេះ ខណៈដែលព្យាករណ៍ពីកំណើនសេដ្ឋកិច្ចរបស់សហរដ្ឋអាមេរិកអាចធ្លាក់ចុះនៅឆ្នាំក្រោយ

ADB ៖ ឆ្នាំ២០២៤ កំណើនសេដ្ឋកិច្ចប្រទេសកំពុងអភិវឌ្ឍនៅអាស៊ី និងប៉ាស៊ីហ្វិកកើនដល់ ៥%

ព្រឹត្តិការណ៍, សេដ្ឋកិច្ច

• 17/07/2024

ADB ព្យាករថាឆ្នាំ ២០២៤ កំណើនសេដ្ឋកិច្ចនៃ ប្រទេសកំពុងអភិវឌ្ឍនៅអាស៊ី និង ប៉ាស៊ីហ្វិកនឹងកើនដល់៥% ដែលការព្យាករលើកមុនតែ ៤.៩ ភាគរយ

រដ្ឋាភិបាលចេញ​ប្រកាសលើកទឹកចិត្តផ្នែកពន្ធដារសម្រាប់ការអភិវឌ្ឍសេដ្ឋកិច្ចក្រៅប្រព័ន្ធ

ព្រឹត្តិការណ៍, សេដ្ឋកិច្ច

• 17/07/2024

រាជរដ្ឋាភិបាល​ តាមរយៈក្រសួងសេដ្ឋកិច្ច និងហិរញ្ញវត្ថុ បានចេញប្រកាសស្ដីពី ការណែនាំអនុវត្តអនុក្រឹត្យស្ដីពីការលើកទឹកចិត្តផ្នែកពន្ធដារ សម្រាប់ការអភិវឌ្ឍសេដ្ឋកិច្ចក្រៅប្រព័ន្ធ

ប្រធានសហគមន៍ជីផាត ៖ ភ្ញៀវក្នុងស្រុកមានទំនោរទៅទស្សនាតំបន់ធម្មជាតិច្រើនជាងឆ្នាំមុន

ព្រឹត្តិការណ៍, សេដ្ឋកិច្ច

• 17/07/2024

សហគមន៍អេកូទេសចរណ៍ជីផាត ជាសហគមន៍ចំណាស់មួយ ដែលត្រូវបានបង្កើតឡើងតាំងតែពីឆ្នាំ២០០៧ នៅក្នុងស្រុកថ្មបាំងខេត្តកោះកុង

អាល្លឺម៉ង់ គ្រោងកាត់ផ្ដាច់ក្រុមហ៊ុនចិន Huawei ចេញពីបណ្តាញ 5G របស់ខ្លួន

ព្រឹត្តិការណ៍, សេដ្ឋកិច្ច

• 17/07/2024

នៅក្រោមកិច្ចព្រមព្រៀងនេះ គ្រឿងបន្លាស់ដែលផលិតដោយក្រុមហ៊ុន Huawei ដែលជាក្រុមហ៊ុនផលិតគ្រឿងបន្លាស់ 5G ឈានមុខគេរបស់ប្រទេសចិន នឹងត្រូវហាមឃាត់ពីហេដ្ឋារចនាសម្ព័ន្ធបណ្តាញស្នូលដែលរសើបរបស់អាល្លឺម៉ង់មុនចុងឆ្នាំ ២០២៦

៥ខែ ឆ្នាំ២០២៤ កម្ពុជា នាំចេញបង្កងប៉ាករស់ ២,៥តោន អន្ទង់០.២០តោន និងកំពិសបង្កកជាង៣៥តោនទៅទីផ្សារចិន

ព្រឹត្តិការណ៍, សេដ្ឋកិច្ច

• 16/07/2024

៥ខែនៃឆ្នាំ២០២៤ កម្ពុជាបាននាំចេញបង្កងប៉ាករស់ ២,៥តោន អន្ទង់០.២០តោន និង កំពិសបង្កកជាង​៣៥តោនទៅទីផ្សារប្រទេសចិន

ទីផ្សារហ៊ុននៅអាស៊ីកំពុងស្ថិតក្រោមស្រមោលនៃព្រឹត្តិការណ៍ប៉ុនប៉ងបាញ់សម្លាប់លោក Trump

ព្រឹត្តិការណ៍, សេដ្ឋកិច្ច

• 16/07/2024

គិតត្រឹមព្រឹកព្រលឹមថ្ងៃចន្ទសប្ដាហ៍នេះ សម្រាប់ទីផ្សារហ៊ុនរបស់លុយគ្រីបតូ Bitcoin បានហក់ឡើងទៅដល់ប្រមាណ ៦ម៉ឺនដុល្លារក្នុងមួយកាក់នៅក្នុងទីផ្សារលក់របស់សកល

សត្វចង្រៃ ដង្កូវ​ហ្វូង និង​រុយ​ស​ បំផ្លាញ​ស្រូវ​កសិករជាច្រើនហិកតា តែអាចគ្រប់គ្រងបាន

ព្រឹត្តិការណ៍, សេដ្ឋកិច្ច

• 16/07/2024

ឯកឧត្តម ងិន ឆាយ ប្រតិភូររាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានកសិកម្ម បានបញ្ជាក់ឱ្យដឹងថា ការខូចខាតដំណាំស្រូវ​ដោយសារសត្វល្អិតចង្រៃអាចគ្រប់គ្រងបាន