សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ភ្នំពេញ និងខេត្តចំនួនពីរទៀត រួមមានខេត្តបន្ទាយមានជ័យ និងខេត្តព្រះសីហនុ ត្រូវបានគេមើលឃើញថាទទួលបានការវិនិយោគលើសំណង់អគារខ្ពស់ៗច្រើនជាងគេ ជាក់ស្ដែងតំបន់ទាំងបីនេះ មានចំនួនអគារខ្ពស់ៗច្រើនជាងគេក្នុងចំណោមបណ្ដាខេត្តនានាទូទាំងព្រះរាជាណាចក្រកម្ពុជា ។
បើតាមឯកឧត្តម ហង្ស សុតសំភារ អគ្គលេខាធិការនៃគណៈស្ថាបត្យករកម្ពុជា បានមានប្រសាសន៍ថា គម្រោងអគារខ្ពស់ៗគិតចាប់តាំងពីឆ្នាំ២០០០ មដកល់បច្ចុប្បន្ននេះ មានសរុបមានចំនួន ២ ៦០៩ អគារក្នុងនោះ នៅរាជធានីភ្នំពេញមានចំនួនច្រើនជាងគេ ដែលមានចំនួន ១ ៧១៨អគារ នៅខេត្តព្រះសីហនុមានចំនួនអគារ ៦៩៣អគារ នៅខេត្តបន្ទាយមានជ័យមានចំនួន ១៥៥អគារ និងនៅខេត្តផ្សេងទៀតមានចំនួន ៤៣ អគារ ។
ឯកឧត្តមបន្តថា គិតចាប់តាំងពីឆ្នាំ២០០០មក សំណង់លំនៅឋានមានចំនួន ១៨ ៤៤០គម្រោង មានផ្ទៃក្រឡាកម្រាលសំណង់សរុបចំនួន ៣៨,៨២ម៉ែត្រការ៉េ មានទុនវិនិយោគសរុបប្រមាណ ១៥,៤៤ពាន់លានដុល្លារអាមេរិក ។
ទោះបីជាស្ថិតនៅក្នុងដំណាក់កាលកូវីដ១៩ និងវិបត្តិសេដ្ឋកិច្ចពិភពលោកក្ដី ក៏ភ្នំពេញ និងបណ្ដាខេត្តទាំងនោះ នៅតែទទួលបានការវិនិយោគលើគម្រោងអគារ និងសំណង់ជាបន្តបន្ទាប់ តែក៏មានសំណង់អគារមួយចំនួនក្នុងតំបន់ទាំងបីនោះត្រូវបានផ្អាកដំណើរការ ដោយសារតែបញ្ហាហិរញ្ញវត្ថុ និងលំហូរសាច់ប្រាក់ផងដែរ ។
ក្រោយបញ្ចប់ការរាលដាលនៃជំងឺកូវីដ១៩ បានធ្វើឱ្យសំណង់នៅកម្ពុជាជាពិសេសនៅក្នុងក្រុងព្រះសីហនុ ខេត្តព្រះសីហនុ ចាប់ផ្ដើមមានដំណើរការឡើងវិញ ដោយម្ចាស់អគារដែលជាប់គាំងនោះ បានចាប់ផ្ដើមដំណើរការសាងសង់អគារដែលបានជាបគាំងទាំងនោះឡើងវិញជាបន្តបន្ទាប់ ។ ប៉ុន្តែសកម្មភាពនេះ បើធៀបទៅនឹងមុនវិបត្តិកូវីដ១៩នៅតែមានកម្រិតតិចតួចនៅឡើយ ។
បើតាមអ្នកជំនាញនៃវិស័យអចលនទ្រព្យ បានលើកឡើងថា ក្រៅពីរាជធានីភ្នំពេញ តំបន់នៃខេត្តព្រះសីហនុ និងខេត្តជាប់ព្រំដែន ដូចជា ក្រុងប៉ោយប៉ែត ខេត្តបន្ទាយមានជ័យ គឺមានការទាក់ទាញលើការវិនិយោគច្រើន ហើយបច្ចុប្បន្ននេះ តំបន់ទាំងនេះក៏កំពុងមានសក្ដានុពលខ្លាំងបន្ថែមទៀត តាមរយៈផ្លូវល្បឿនលឿន ភ្នំពេញ ក្រុងព្រះសីហនុ ផ្លូវជាតិលេខ៥ និងគម្រោងផ្លូវដែកល្បឿនលឿនភ្នំពេញទៅកាន់ប៉ោយប៉ែតជាដើម ។
ក្រុមហ៊ុនសាងសង់ផ្លូវល្បឿនលឿនរបស់ចិន CRBC ក៏កំពុងសិក្សាគម្រោងផ្លូវល្បឿនលឿនភ្នំពេញ សៀមរាបប៉ោយប៉ែតផងដែរ ដូច្នេះ បើសិនជាផ្លូវនេះចេញជារូបរាងពេលណា វានឹងបង្ហាញសក្ដានុពលបន្ថែមទៀតទៅដល់វិនិយោគិនចូលទៅកាន់តំបន់ប៉ែកខាងជើងប្រទេស ៕
Account
Security
Favourite Content