សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ព្រះសីហនុ ៖ ព្រះសីហនុ ជាខេត្តជាប់មាត់ឆ្នេរសមុទ្រនៃព្រះរាជាណាចក្រកម្ពុជា ក្នុងចំណោមខេត្តក្រុងចំនួនផ្សេងទៀត ប៉ុន្តែខេត្តនេះហាក់មានការទាក់ទាញការវិនិយោគ និងមានសក្ដានុពលខ្លាំងជាងគេ ដោយឃើញមានអគារខ្ពស់ៗជាច្រើនបានលេចជារូបរាងយ៉ាងស្អេកស្កះ ខណៈដែលអគារមួយចំនួនដែលជាប់គាំងក៏កំពុងត្រូវបានរាជរដ្ឋាភិបាលដោះស្រាយជាបន្តបន្ទាប់ដែរ ។
បើក្រលេកមកមើលពីសក្ដានុពលនៅក្នុងខេត្តព្រះសីហនុឃើញថា មានអ្នកវិនិយោគជាច្រើនចាប់អារម្មណ៍លើការបណ្ដាក់ទុន ជាពិសេសអ្នកវិនិយោគមកពីប្រទេសចិន ជាក់ស្ដែងកាលពីពេលថ្មីៗនេះវិនិយោគិនចិនមកពីទីក្រុងស៊ិនជិន បានជួបជាមួយអភិបាលខេត្តព្រះសីហនុ ឯកឧត្តមគួច ចំរើន ដើម្បីបង្ហាញពីគម្រោងវិនិយោគនៅក្នុងខេត្តព្រះសីហនុ ។
នៅក្នុងឱកាសនោះដែរ ឯកឧត្តម គួច ចំរើន បានមានប្រសាសន៍ថា រយៈពេលប៉ូន្មានចុងក្រោយនេះ ខេត្តព្រះសីហនុនៅតែមានកំណើនសេដ្ឋកិច្ចល្អ ស្របជាមួយនឹងការអភិវឌ្ឍផ្លាស់ប្តូរយ៉ាងឆាប់រហ័ស ពិសេសផ្នែកលើហេដ្ឋារចនាសម្ព័ន្ធអគារខ្ពស់ សណ្ឋាគារ និងតំបន់ពាណិជ្ជកម្មជាច្រើន ។
ឯកឧត្តមបានបង្ហាញពីសក្ដានុពលដល់វិនិយោគិនមកពីក្រុងស៊ិនជិន ដូចជាតំបន់សេដ្ឋកិច្ចពិសេស កំពង់ផែសមុទ្រទឹកជ្រៅ អាកាសយានដ្ឋានអន្តរជាតិ ផ្លូវល្បឿនលឿន ព្រមទាំងឆ្នេរសមុទ្រ និងកោះដ៏ស្រស់ស្អាត ត្រូវបានប្រសិទ្ធនាមជា តារារះនាទិសនិរតី បាន និងកំពុងដើរតួនាទីយ៉ាងសំខាន់ក្នុងការជំរុញកំណើនសេដ្ឋកិច្ចខេត្ត និងក្នុងប្រទេសកម្ពុជា ។
រាជរដ្ឋាភិបាលកម្ពុជា បានដាក់ចេញនូវគោលនយោបាយគ្រប់គ្រង និងប្រើប្រាស់ដីធ្លី ដើម្បីអភិវឌ្ឍន៍ខេត្តព្រះសីហនុ ជាតំបន់សេដ្ឋកិច្ចពិសេសគំរូពហុបំណងឆ្លើយតបទៅនឹងការអភិវឌ្ឍលើគ្រប់វិស័យ ដោយបច្ចុប្ប្នន្ន រដ្ឋបាលខេត្តព្រះសីហនុ បានចូលរួមយ៉ាងសកម្មក្រោមការចង្អុរបង្ហាញពីគណៈកម្មាធិការសម្របសម្រួលអន្តរក្រសួងរៀបចំផែនការមេដើម្បីអភិវឌ្ឍខេត្តព្រះសីហនុទៅជាតំបន់សេដ្ឋកិច្ចគំរូពហុបំណង ដោយបានសិក្សាបែងចែកជាតំបន់លំនៅឋាន ពាណិជ្ជកម្ម ឧស្សាហកម្ម រដ្ឋបាល ហិរញ្ញវត្ថុ ទេសចរណ៍ តំបន់សាសនា និងវប្បធម៌ជាដើម ។
នៅក្នុងខេត្តព្រះសីហនុនេះដែរ ក៏មានក្រុមហ៊ុនធំៗជាច្រើនបាន និងកំពុងធ្វើសកម្មភាពអភិវឌ្ឍន៍គម្រោងរបស់ខ្លួន ដូចជាគម្រោង Bay Of light គម្រោងទីក្រុងរាម ដែលមានទឹកប្រាក់វិនិយោគ រាប់រយលានដុល្លារអាមេរិក ដែលញ៉ាំងឱ្យខេត្តព្រះសីហនុក្លាយជាខេត្តមាត់សមុទ្រមានការអភិវឌ្ឍខ្លាំងជាងគេក្នុងចំណោមបណ្ដាខេត្តតាមមាត់សមុទ្រដទៃទៀត ៕
Account
Security
Favourite Content