សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ របាយការណ៍របស់ក្រុមហ៊ុនអចលនទ្រព្យអន្តរជាតិប្រចាំកម្ពុជា CBRE Cambodia បានបង្ហាញថា ខុនដូចំនួនជាង ១៣ ០០០យូនីតត្រូវបានរំពឹងថានឹងចូលទីផ្សារក្នុងឆ្នាំ២០២២នេះ ដោយក្រុមហ៊ុនអភិវឌ្ឍន៍ធំៗចំនួន៤នឹងសង់រួចរាល់ក្នុងឆ្នាំ២០២២នេះ។
នៅក្នុងរបាយការណ៍បានបង្ហាញថា ក្នុងចំណោមខុនដូទាំងជាង ១៣ ០០០យូនីតនេះឃើញថា ខុនដូកម្រិតខ្ពស់មានចំនួនតិចតួចត្រឹមតែជាង១០០យូនីតប៉ុណ្ណោះ កម្រិតកណ្ដាលមានជាង ៦ ០០០យូនីត និងកម្រោងមធ្យមមានចំនួនជាង ៧ ០០០យូនីត ។ តាមរយៈតួលេខនេះបានបង្ហាញថាអ្នកអភិវឌ្ឍន៍ខុនដូនៅកម្ពុជាចាប់ផ្ដើមងាកទៅរកការផ្គត់ផ្គង់ខុនដូដែលមានតម្លៃសមរម្យច្រើន ដោយសារនិន្នាការនៃការទិញខុនដូពីប្រជាពលរដ្ឋក្នុងស្រុកចាប់ផ្ដើមឡើងខ្ពស់។
របាយការណ៍បានបង្ហាញទៀតថា ក្នុងឆ្នាំ២០២២នេះនឹងមានខុនដូចំនួន ៤គម្រោងដែលនឹងសាងសង់រួចរួមមាន គម្រោងខុនដូ The Peninsula Private ស្ថិតនៅតំបន់ជ្រោយចង្វា គម្រោងខុនដូ Park Land Condo TK (Phase 1 ) នៅខណ្ឌសែនសុខ គម្រោងខុនដូ Orkide The Royal Condo នៅខណ្ឌសែនសុខ និងគម្រោងខុនដូ Parc 21 Residence នៅតំបន់ចំការមន។
អ្នកនាង គឹម គិនកេសា អ្នកគ្រប់គ្រងជាន់ខ្ពស់នៃក្រុមហ៊ុន CBRE Cambodia បានឱ្យដឹងថាក្នុងឆ្នាំ២០២១កន្លងទៅ ទាំងអ្នកអភិវឌ្ឍន៍ខុនដូ និងអ្នកទិញខុនដូភាគច្រើនគឺជាអ្នកក្នុងស្រុក ហើយឆ្នាំ២០២២នេះ អ្នកទិញខុនដូ និងអ្នកអភិវឌ្ឍន៍ខុនដូក៏រំពឹងថាជាអ្នកក្នុងស្រុកដដែល ខណៈជនបរទេសនៅតែជួបបញ្ហាក្នុងការចូលមកកម្ពុជាក្នុងការស្វែងរកការវិនិយោគ។
អ្នកនាងបានបន្តថា ៖
“ជំងឺរាតត្បាតនៃកូវីដ១៩ប្រភេទថ្មីនៅតែជាបញ្ហាសម្រាប់ជនបរទេសក្នុងការចេញពីប្រទេសខ្លួនចូលមកកម្ពុជាក៏ដូចជាទៅប្រទេសដទៃទៀតដើម្បីវិនិយោគ ហើយបើទោះបីជាកម្ពុជាបានបន្ធូរបន្ថយលក្ខខណ្ឌនៃវិធានការចត្តាឡីស័កក្ដី ក៏ប្រទេសមួយចំនួននៅតែរឹតបន្តឹងចំពោះការចេញចូលអ្នកដំណើរក្នុងប្រទេសរបស់គេ”
អ្នកនាងបន្ថែមឲ្យដឹងថា បើសិនជាស្ថានភាពនៃការរីករាលដាលនៃកូវីដ១៩ ប្រភេទថ្មីនៅក្នុងប្រទេសកម្ពុជា និងពិភពលោកបានធូរស្រាល រំពឹងថារំហូរវិនិយោគិនបរទេសចូលមកកម្ពុជាអាចនឹងមានកំណើនឡើងវិញ តែបើសិនជាបន្តរាលដាលវានឹងនៅតែបន្តជាបញ្ហាដដែល។ លោក ខន គង្គា អគ្គនាយកក្រុមហ៊ុន ERA Cambodia បានឱ្យដឹងផងដែរថា ការអភិវឌ្ឍខុនដូក្នុងប្រទេសកម្ពុជាបានចាប់ផ្ដើមដំបូងនៅក្នុងឆ្នាំ២០០៦ ហើយកាលណោះ ទីផ្សារនេះត្រូវពឹងទាំងស្រុងទៅលើជនបរទេស ប៉ុន្តែមកពេលនេះបានសង្កេតឃើញថាទីផ្សារខុនដូចាប់ផ្ដើមមានអ្នកក្នុងស្រុកជាអ្នកអភិវឌ្ឍន៍ និងទិញខុនដូច្រើនទៅវិញ ជាពិសេសនៅក្នុងវិបត្តិនៃជំងឺកូវីដ១៩ ដែលធ្វើឱ្យបរទេសមិនចូលបាន និងជំនួសដោយអ្នកក្នុងស្រុកវិញ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ទីផ្សារការងារកម្ពុជា ឆ្នាំ២០២៥ រក្សាភាពរឹងមាំ ខណៈប្រជាជនក្នុងវ័យធ្វើការមានចំនួនប្រមាណ ១៣,១លាននាក់
Top News, ព្រឹត្តិការណ៍, សេដ្ឋកិច្ច
• 04/09/2026
ឆ្នាំ២០២៥ ប្រជាជនក្នុងវ័យធ្វើការមានចំនួនប្រមាណ ១៣,១លាននាក់ (ស្រី ៦,៨លាននាក់ និងប្រុស ៦,៣លាននាក់) ក្នុងនោះរស់នៅតំបន់ជនបទ ៧,៨លាននាក់ និងតំបន់ទីប្រជុំជន ៥,៣លាននាក់
BBC ចុះផ្សាយពីការបើកទ្វារស្វាគមន៍ភ្ញៀរទេសចររបស់កម្ពុជាមានភាពប្រសើរ និងងាយស្រួលជាងមុន
Top News, ព្រឹត្តិការណ៍, សេដ្ឋកិច្ច
• 04/09/2026
ប្រទេសកម្ពុជាកំពុងស្ថិតក្នុងរបត់ឆ្ពោះទៅរកភាពរីកចម្រើន និងផ្លាស់ប្តូរយ៉ាងលឿន ដោយសារការសម្រួលដល់ដំណើរការទទួលភ្ញៀវទេសចរមានភាពរលូនជាងមុន
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content