សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមទិន្នន័យដែលត្រូវបានបង្ហាញដោយអជ្ញាធរពន្ធគយរបស់ចិនកាលពីថ្ងៃអាទិត្យម្សិលមិញនេះបានឲ្យដឹងថាការនាំចូលប្រេងពីប្រទេសអារ៉ាប៊ីសាអូឌីតចូលទីផ្សារប្រទេសចិនមានការដាំក្បាលចុះខ្លាំងដល់ទៅ ២១ ភាគរយគិតត្រឹមក្នុងខែឧសភាធៀបទៅនឹងតួលេខដែលមានកាលពីឆ្នាំកន្លងទៅ។
អជ្ញាធរជាតិទទួលបន្ទុកកិច្ចការងារពន្ធគយរបស់ប្រទេសចិនបានបង្ហាញទៀតដែរថា ការដឹកជញ្ជូនប្រេងពីប្រទេសអារ៉ាប៊ីសាអូឌីតមកកាន់ប្រទេសចិនកាលពីខែឧសភា គឺមានសរុបត្រឹមតែ ៧.២ លានតោនប៉ុណ្ណោះ ឬត្រូវជា ១.៦៩ លានបារ៉ែលក្នុងមួយថ្ងៃ ប៉ុន្តែទោះបីជាយ៉ាងណាក្តីវាស្ថិតនៅតែជាប្រទេសដែលផ្គត់ផ្គង់ប្រេងធំជាងគេបំផុតរបស់ចិនក្នុងរយៈពេល ៩ ខែជាប់គ្នាចុងក្រោយនេះ។
ដោយឡែកការនាំចូលប្រេងពីប្រទេសរុស្សីដែលត្រូវបានគេស្គាល់ថាជាអ្នកផ្គត់ផ្គង់ប្រេងឲ្យចិនធំបំផុតទី២នោះក៏មានការធ្លាក់ចុះដូចគ្នាធៀបទៅនឹងខែមេសាឆ្នាំ ២០២១ នេះដោយធ្វើបានត្រឹមតែ ៥.៤៤ លានតោន ឬប្រមាណជា ១.២៨ លានបារ៉ែលក្នុងមួយថ្ងៃ។
យោងតាមការធ្វើការគណនាបញ្ចូលគ្នារវាងក្រុមអ្នកផ្គត់ផ្គង់ប្រេងធំបំផុតរបស់ចិនទាំងពីរនេះជាប្រចាំឆ្នាំ អជ្ញាធរជាតិចិនបានមើលឃើញថាការនាំចូលប្រេងកាតឆៅចូលក្នុងប្រទេសបានធ្លាក់ចុះរហូតទៅដល់ ១៥ ភាគរយគឺជាអត្រាធ្លាក់ចុះខ្លាំងបំផុតរបស់ចិន។
សម្រាប់បណ្តាប្រទេសផ្គត់ផ្គង់ផ្សេងទៀតដូចជាសហភាពអារ៉ាប់រួមក៏មានតួលេខធ្លាក់ចុះនៃការផ្គត់ផ្គង់ប្រេងឲ្យចិនផងដែរប្រមាណជា ២៥ ភាគរយធៀបទៅនឹងពេលវេលាដូចគ្នាកាលពីឆ្នាំកន្លងទៅ ខណៈដែលអ៊ីរ៉ង់ដែលកំពុងបន្តមានជម្លោះជាមួយនឹងអាមេរិកនោះគឺមិនបានផ្គត់ផ្គង់ប្រេងឲ្យចិនឡើយរយៈពេល ៥ ខែចុងក្រោយនេះ។ ក្នុងនោះគេសង្គេតឃើញមានតែប្រេងមកពីប្រទេសម៉ាឡេស៊ីប៉ុណ្ណោះដែលមានទំហំកើនឡើងក្នុងការផ្គត់ផ្គង់ឲ្យប្រទេសចិនប្រមាណជា ៣.៦ ភាគរយធៀបទៅនឹងឆ្នាំចាស់ ឬប្រមាណជា ១.០៤ លានតោន ហើយអាមេរិកវិញគឺអាចកើនឡើងដល់ទៅទ្វេដង ឬប្រមាណជា ១.០៧ លានតោនធៀបទៅនឹងតួលេខឆ្នាំចាស់ដូចគ្នា៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
ឧបនាយករដ្ឋមន្ត្រីប្រចាំការ ៖ បច្ចេកវិទ្យា AI ជាកម្លាំងចលករយ៉ាងសំខាន់នៃកំណើនសេដ្ឋកិច្ចសម្រាប់រយៈពេល ១០ ទៅ ២០ ឆ្នាំខាងមុខ
ព្រឹត្តិការណ៍, អាជីវកម្មថ្មី និងនវានុវត្ត
• 18/02/2026
ឧបនាយករដ្ឋមន្ត្រីប្រចាំការ បានលើកឡើងថា បច្ចេកវិទ្យា AI ជាកម្លាំងចលករយ៉ាងសំខាន់នៃកំណើនសេដ្ឋកិច្ចសម្រាប់រយៈពេល ១០ ទៅ ២០ ឆ្នាំខាងមុខ
ជប៉ុន- កម្ពុជា សហការគ្នារកដំណោះស្រាយបញ្ហាបរិស្ថាននៅក្នុងតំបន់ និងជាសកល
ព្រឹត្តិការណ៍, អាជីវកម្មថ្មី និងនវានុវត្ត
• 17/02/2026
ក្រសួងបរិស្ថានកម្ពុជា ជាមួយនឹងក្រសួងបរិស្ថានជប៉ុន បានព្រមព្រៀងគ្នាឈានដល់កិច្ចសហប្រតិបត្តិការទ្វេភាគី ទៅលើកិច្ចការអនុវត្ត និងស្វែងរកដំណោះស្រាយបញ្ហាបរិស្ថានទាំងនៅក្នុងតំបន់ ក៏ដូចជានៅក្នុងសកលលោក
ប៊ុលហ្គារី ទទួលបានរថពាសដែក Stryker បច្ចេកវិទ្យាថ្មីជាច្រើនគ្រឿង ដើម្បីធ្វើទំនើបកម្មវិស័យយោធា
ព្រឹត្តិការណ៍, អាជីវកម្មថ្មី និងនវានុវត្ត
• 17/02/2026
បច្ចុប្បន្ន ប៊ុលហ្គារី បាន និងកំពុងយកចិត្តទុកដាក់ខ្ពស់ទៅលើការពង្រឹង និងធ្វើពិពិធកម្ម ក៏ដូចជាធ្វើទំនើបកម្មវិស័យយោធារបស់ខ្លួនឱ្យកាន់តែខ្លាំងជាងមុនក្រោមការរៀបចំខ្ទង់ចំណាយជាកញ្ចប់យ៉ាងច្រើនសន្ធឹកសន្ធាប់
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content