សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បច្ចុប្បន្ន ពិភពលោកកំពុងស្ថិតនៅក្នុងគ្រាមានវិបត្តិថាមពល ដែលធ្វើឲ្យបណ្តាប្រទេសអ្នកអភិវឌ្ឍន៍ជាច្រើនបាននាំគ្នាងាកទៅរកការប្រើប្រាស់ថាមពលកកើតឡើងវិញកាន់តែច្រើនឡើង ព្រមទាំងសកម្មភាពចូលរួមចំណែកដើម្បីកាត់បន្ថយផលប៉ះពាល់ដល់បរិស្ថានជាច្រើនផងដែរ។
រាប់ចាប់តាំងតែពីសកម្មភាពចាំបាច់ប្រចាំថ្ងៃរបស់ពលរដ្ឋរហូតទៅដល់ការផ្លាស់ប្តូរឧស្សាហកម្មទាំងមូលឆ្ពោះទៅរកថាមពលបៃតងត្រូវបានគេមើលឃើញស្ទើរគ្រប់ទីកន្លែង។ ក្នុងចំណោមនោះអ្វីដែលគួរឲ្យចាប់អារម្មណ៍ជាងគេគឺស្ថិតនៅក្នុងទីក្រុង Amsterdam ប្រទេសហូឡង់ដែលត្រូវបានគេទទួលស្គាល់ថាជាទីក្រុងនៃពលរដ្ឋដែលនិយមចូលចិត្តជិះកង់ជាងគេបំផុតមួយលើពិភពលោក ឬ The City of Cyclist ដោយមកទល់បច្ចុប្បន្នការប្រើប្រាស់កង់ជាមធ្យោបាយធ្វើដំណើរប្រចាំថ្ងៃមានកំណើនទៅដល់ជាង៣៥ភាគរយមកហើយនៃពលរដ្ឋទាំងអស់ក្នុងទីក្រុង ខណៈដែលអជ្ញាធរទីក្រុង Amsterdam បានខិតខំចំណាយទាំងពេលវេលា និងថវិការាប់លានដុល្លារមកហើយដើម្បីសម្រេចឲ្យបានកិច្ចការងារនេះ។
ហេដ្ឋារចនាសម្ព័ន្ធ និងប្រព័ន្ធគ្រប់គ្រងជាច្រើនត្រូវបានកសាង និងអភិវឌ្ឍឡើងជាបន្តបន្ទាប់ ហើយថ្មីៗនេះទីក្រុងទើបបើកឲ្យដំណើរការហ្គារាសស្តុក និងរក្សាទុកកង់ដែលមានទំហំខ្នាតយក្សមួយកន្លែង និងមានបំពាក់បច្ចេកវិទ្យាទំនើបបំផុត ស្ថិតនៅពីក្រោមបាតសមុទ្រ។ ទីតាំងនេះអាចផ្ទុក និងរក្សាកង់បានរហូតទៅដល់ ៦ ៣០០កង់ ដែលមានម្ចាស់កម្មសិទ្ធរៀងខ្លួន ក៏ដូចជាកង់សម្រាប់ចែករំលែកគ្នាប្រើប្រាស់ ឬ Shareable ប្រមាណជា ៧០០កង់ផងដែរ។
នៅពីខាងក្នុងសំណង់ដ៏អស្ចារ្យនេះគេក៏អាចមើលឃើញមានទីតាំងជួសជុលកង់ដ៏ធំទូលាយផងដែរ ដែលសរុបជាការវិនិយោគប្រទេសហូឡង់បានចំណាយទឹប្រាក់រហូតដល់ទៅ ៦៥លានដុល្លារដើម្បីកសាងបានទីតាំងហ្គារាសដ៏អស្ចារ្យនេះ ហើយប្រើប្រាស់ពេលវេលាសាងសង់ដល់ទៅ៤ឆ្នាំ។ អ្វីដែលកាន់តែអស្ចារ្យនោះទីតាំងនេះក៏អាចតភ្ជាប់ ឬធ្វើដំណើរដោយកង់ទៅដល់ស្ថានីយរថភ្លើងកណ្តាលទីក្រុងទៀតផង លើសពីនេះទៅទៀត គឺពលរដ្ឋអាចប្រើប្រាស់សេវាកម្មនៅទីនេះក្នុងរយៈពេល២៤ម៉ោងក្នុងមួយថ្ងៃ និង៧ថ្ងៃក្នុងមួយសប្តាហ៍៕
Account
Security
Favourite Content