សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភព័ត៌មានពីរ៉យទ័របានរាយការណ៍ថា ក្រុមហ៊ុនអេឡិចត្រូនិកយក្សរបស់អាមេរិក Apple បានដណ្តើមតំណែងជាក្រុមហ៊ុនដ៏មានតម្លៃបំផុតរបស់ពិភពលោកមកវិញ ជាមួយនឹងមូលធនប័ត្រទីផ្សារមានតម្លៃជាង ៣,៥៤ ទ្រីលានដុល្លារ។
យោងតាមទិន្នន័យ Nasdaq បានឲ្យដឹងថា ភាគហ៊ុនរបស់ក្រុមហ៊ុនផលិត iPhone មួយនេះកំពុងត្រូវបានជួញដូរកើនឡើង ១,៤ ភាគរយ ឬ មានតម្លៃជិត ២៣២ ដុល្លារក្នុងមួយហ៊ុន ដែលនាំឱ្យតម្លៃទីផ្សាររបស់ខ្លួនឈានដល់ ៣,៥៤ ទ្រីលានដុល្លារ បានធ្វើឲ្យ Apple ក្លាយជាក្រុមហ៊ុនជួញដូរសាធារណៈមានតម្លៃខ្ពស់បំផុតមិនធ្លាប់មាន។ ទន្ទឹមនឹងនេះ Microsoft ដែលជាគូប្រជែងបច្ចេកវិទ្យារបស់ Apple និងមានតំណែងលេខមួយពីមុនមានតម្លៃទីផ្សារ ៣,៤៧ ទ្រីលានដុល្លារ។ យ៉ាងណាមិញ នេះមិនមែនជារឿងគួរឲ្យភ្ញាក់ផ្អើលសម្រាប់ Apple ក្នុងការបំបែកកំណត់ត្រានោះទេ។ កាលពីខែសីហា ឆ្នាំ២០១៨ ក្រុមហ៊ុនបច្ចេកវិទ្យាយក្សមួយនេះបានក្លាយជាក្រុមហ៊ុនដំបូងគេដែលមានទីផ្សារមូលធឈានដល់ ១ ទ្រីលានដុល្លារ។ នៅឆ្នាំ ២០១៩ វាបានក្លាយជាក្រុមហ៊ុនដំបូងគេដែលឈានដល់ ២ ទ្រីលានដុល្លារ ហើយនៅឆ្នាំ ២០២៣ ចំនួននេះបានឈានដល់ ៣ ទ្រីលានដុល្លារ។
នៅដើមឆ្នាំនេះ ភាគហ៊ុនរបស់ក្រុមហ៊ុន Apple ចាប់ផ្តើមជួបស្ថានភាពលំបាកចំពេលមានការព្រួយបារម្ភអំពីការលក់ iPhone ចុះខ្សោយ និងការប្រកួតប្រជែងពីផ្នែកបច្ចេកវិទ្យាផ្សេងទៀត ដែលបណ្តាលឱ្យមានអ្នកវិភាគមួយចំនួនទម្លាក់ចំណាត់ថ្នាក់ក្រុមហ៊ុនមួយនេះ។ កាលពីខែមករា Apple បានបាត់បង់តំណែងរបស់ខ្លួនជាក្រុមហ៊ុនដ៏មានតម្លៃបំផុតរបស់ពិភពលោកទៅឱ្យក្រុមហ៊ុន Microsoft បន្ទាប់ពីការដាក់ចេញនូវលក្ខណៈពិសេស AI មួយចំនួន។ កាលពីខែមិថុនា ក្រុមហ៊ុនទាំងពីរមានភាពស្មើរគ្នានៅក្នុងលក្ខខណ្ឌនៃមូលធនប័ត្រទីផ្សារ ហើយក្រោយមក Apple បានវ៉ាដាច់ Microsoft ។
ទោះជាយ៉ាងណាក្តី ភាគហ៊ុនរបស់ក្រុមហ៊ុន Apple បានចាប់ផ្តើមកើនឡើងយ៉ាងឆាប់រហ័ស បន្ទាប់ពីក្រុមហ៊ុនបានដាក់បង្ហាញ ‘Apple Intelligence’ ដែលជាបណ្តុំនៃមុខងារ AI ថ្មីរបស់ខ្លួនកាលពីថ្ងៃទី ១០ ខែមិថុនា។ លក្ខណៈពិសេសនឹងរួមបញ្ចូលភាពជាដៃគូជាមួយ OpenAI ដែលនឹងត្រូវបានបន្ថែមទៅកំណែថ្មីនៃប្រព័ន្ធប្រតិបត្តិការ iOS 18 របស់ Apple និង ទូរស័ព្ទ iPhone 16 ។ ក្រុមហ៊ុនផលិតទូរស័ព្ទ iPhone បានប្រកាសថា ខ្លួននឹងរួមបញ្ចូលម៉ូដែល OpenAI ជាមុខងារដែលមានសម្រាប់អ្នកប្រើប្រាស់របស់ខ្លួន ជាមួយនឹងម៉ូដែលផ្សេងទៀតនឹងមកតាមក្រោយ។ លោក Dan Ives អ្នកវិភាគជាន់ខ្ពស់មកពី Wedbush Securities លើកឡើងថា ការដាក់ឱ្យប្រើប្រាស់មុខងារ AI អាចនឹងជំរុញឲ្យក្រុមហ៊ុន Apple ឈានដល់ ៤ ទ្រីលានដុល្លារនៅឆ្នាំក្រោយ។
នៅឆ្នាំនេះផងដែរ ក្រុមហ៊ុនបច្ចេកវិទ្យាកំពូលៗកំពុងប្រកួតប្រជែងគ្នាយ៉ាងស្វិតស្វាញ។ កាលពីដើមឆ្នាំនេះ ក្រុមហ៊ុន Microsoft បានវ៉ាដាច់ទីផ្សាររបស់ Apple ហើយកាលពីដើមខែមិថុនា Nvidia បានយកឈ្នះលើក្រុមហ៊ុន Apple ក្លាយជាក្រុមហ៊ុនសាធារណៈដ៏មានតម្លៃបំផុតទីពីរបន្ទាប់ពី Microsoft ។ ទន្ទឹមនឹងនេះ Microsoft ក៏ទំនងជាអ្នកទទួលផលពីមហិច្ឆតា AI របស់ Apple ផងដែរ។ ក្រុមហ៊ុន Microsoft គឺជាអ្នកវិនិយោគធំជាងគេមួយរបស់ OpenAI ហើយ Azure ដែលជាសេវាកម្ម Cloud របស់ខ្លួនបានរីកចម្រើននាពេលថ្មីៗនេះ ដែលជំរុញដោយការទទួលយកនូវគំរូរបស់ OpenAI យ៉ាងទូលំទូលាយ៕
Account
Security
Favourite Content