សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ជាសញ្ញាដ៏គួរឲ្យព្រួយបារម្ភរបស់ប្រទេសអង់គ្លេសពាក់ព័ន្ធទៅនឹងការថយចុះនូវចំនួនកម្លាំងយោធាដែលកំពុងបម្រើនៅក្នុងជួរកងទ័ពនៅសល់ត្រឹមតែ ៧២ ៥០០នាក់ ខណៈដែលនៅក្នុងអំឡុងទស្សវត្សរ៍១៩៨០ មានរហូតដល់ទៅ ១៦៣ ០០០នាក់។ នេះបើតាមការសិក្សាស្រាវជ្រាវដោយសភាជាន់ខ្ពស់របស់ប្រទេសអង់គ្លេស The House of Lords កាលពីពេលថ្មីៗនេះ។
សភាជាន់ខ្ពស់អង់គ្លេសបានធ្វើការព្រមានថា តួលេខនេះនឹងមិនមានភាពគ្រប់គ្រាន់ឡើយប្រសិនបើជាត្រូវចូលរួមការប្រយុទ្ធក្នុងសម័យសង្គ្រាមទំនើបនេះ ហើយមិនត្រឹមតែប៉ុណ្ណោះ សូម្បីតែការត្រៀមខ្លួនដើម្បីប្រយុទ្ធជាមួយនឹងកងទ័ពរុស្ស៊ីក៏ពិបាកនឹងធ្វើទៅរួចណាស់។
យោងតាមរបាយការណ៍ស្រាវជ្រាវដដែលបានឱ្យដឹងទៀតថា ការធ្លាក់ចុះនូវចំនួនយោធាដ៏ច្រើនសន្ធឹកសន្ធាប់នេះ គឺដោយសារតែអង់គ្លេសមានចេតនាពឹងផ្អែកតែទៅលើជំនឿចិត្តក្នុងការប្រើប្រាស់បច្ចេកវិទ្យាទំនើបកាន់តែច្រើនជាងមុន ខណៈដែលការផ្តល់សំណងដល់កម្លាំងយោធាអាចនឹងធ្លាក់ចុះជាងមុន។
យ៉ាងណាក្តី អ្នកជំនាញរបស់សភាជាន់ខ្ពស់(គណកម្មការទទួលបន្ទុកកិច្ចការងារទំនាក់ទំនងអន្តរជាតិ និងវិស័យការពារជាតិ)បានព្រមានថា នៅចំពោះមុខក្នុងសង្គ្រាមរយៈពេលជាង២ឆ្នាំនៅអ៊ុយក្រែនដែលជាជម្លោះរវាងមហាអំណាចបច្ចេកវិទ្យាផ្នែកសព្វាវុធដូចគ្នានោះ វាមិនអាចឲ្យឃើញច្បាស់ន់ទេថា បច្ចេកវិទ្យាអាវុធទំនើប ពិតជាអាចយកមកជំនួសកម្លាំងយោធាបានប្រសិទ្ធភាពនោះឡើយ ហើយចំនួនកម្លាំងយោធានៅតែជាកត្តាបរាជ័យ និងជ័យជំនះដដែលសម្រាប់សង្គ្រាមកូនកាត់បែបនេះ។
គណកម្មការនេះបានពន្យល់ទៀតថា បើទោះបីជាបានហ្វឹកហាត់បានយ៉ាងល្អ និងបំពាក់អាវុធ ក៏ដូចជាឧបករណ៍បានគ្រប់គ្រាន់ក្តី ប៉ុន្តែកម្លាំងយោធាអង់គ្លេសនៅមានទំហំតូច និងមិនគ្រប់គ្រាន់ក្នុងការរៀបចំដាក់ពង្រាយក្នុងទ្រង់ទ្រាយធំដូចទៅនឹងអ្វិដែលបានឃើញក្នុងសង្គ្រាមនៅអ៊ុយក្រែននោះនៅឡើយ ហើយអ្វីដែលកាន់តែគួរឲ្យកាន់តែបារម្ភនោះគឺមិនទាន់មានមន្ត្រីរដ្ឋាភិបាលអង់គ្លេសណាមួយងាកទៅផ្តោតសំខាន់ដើម្បីកែប្រែបញ្ហាធ្លាក់ចុះនៃចំនួនយោធារបស់ខ្លួននោះនៅឡើយ ចាប់តាំងតែពីពេលដែលជម្លោះរវាងអ៊ុយក្រែន និងរុស្ស៊ីបានផ្ទុះឡើងតាំងពីឆ្នាំ២០២២។
កាលពីដើមឆ្នាំ២០២៤កន្លងទៅនេះ មន្ត្រីជាន់ខ្ពស់នៃក្រសួងការពារជាតិអាមេរិកបានបញ្ជាក់ប្រាប់ទៅកាន់នាយករដ្ឋមន្ត្រីអង់គ្លេស លោក Rishi Sunak ថា រដ្ឋាភិបាលក្រុងវ៉ាស៊ិនតោន បានចាត់អង់គ្លេសចូលទៅក្នុងប្រជាជាតិដែលមានកងម្លាំងយោធារឹងមាំកម្រិតទី២នៅឡើយ ប្រហាក់ប្រហែលទៅនឹងអាល្លឺម៉ង់ និងអ៊ីតាលីដែរ ខណៈដែលបណ្តាប្រទេសដែលមានកម្រិតកំពូលនៃកងកម្លាំងយោធារឹងម៉ាំនោះរួមមានដូចជា អាមេរិក រុស្ស៊ី ចិន និងបារាំង។
គួរឲ្យដឹងដែរថា ចក្រភពអង់គ្លេសនាពេលបច្ចុប្បន្ននេះ បានចំណាយទៅលើវិស័យយោធារបស់ខ្លួនប្រចាំឆ្នាំប្រមាណ ២,៣ភាគរយនៃផលិតផលក្នុងស្រុកសរុប ពោលគឺលើសពីខ្ទង់ចំណាយរបស់សមាជិកអង្គការណាតូដែលធ្វើត្រឹមតែ ២ភាគរយ ខណៈដែលគោលដៅកំណត់គឺមានរហូតទៅដល់ ២,៥ភាគរយ៕
Account
Security
Favourite Content