សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ កំណើនសេដ្ឋកិច្ចចិនដ៏ខ្លាំងក្លាក្នុងរយៈពេលប៉ុន្មានទសវត្សរ៍ចុងក្រោយនេះ បានរុញច្រានឲ្យប្រទេសមួយនេះក្លាយទៅជាប្រទេសកំពូលដែលស្ថិតនៅក្នុងលំដាប់ប្រទេសអ្នកមានឥទ្ធិពល និងទ្រព្យច្រើនបំផុតមួយក្នុងពិភពលោកនាពេលបច្ចុប្បន្ន។
អាជីវកម្ម និងពាណិជកម្មក្នុងស្រុកទាំងអស់ គឺជាចលករដ៏សំខាន់បំផុតដែលចូលរួមក្នុងការលើកកំពស់ដល់កិច្ចការងារអភិវឌ្ឍសេដ្ឋកិច្ចជាតិ ហើយពិតណាស់ថា មេដឹកនាំក្រុមហ៊ុនតូច-ធំក្នុងស្រុកទាំងអស់ គឺជាអ្នកដែលតែងតែដើរតាមគោលការណ៍ជាមូលដ្ឋាន និងទស្សនៈវិជ្ជាបុរាណចិនដ៏ខ្ជាប់ខ្ជួនរហូតមកដែរ។
ដូច្នេះ មេដឹកនាំនៃក្រុមហ៊ុន អាជីវកម្ម និងពាណិជ្ជកម្មនានានៅក្នុងតំបន់ផ្សេងទៀតនៃពិភពលោកមិនគួរមើលរំលងនោះឡើយ។ ចង់ដឹងទេថា តើអ្វីទៅជាទស្សនៈវិជ្ជាបុរាណចិនដ៏មានប្រសិទ្ធភាពក្នងការរៀបចំខ្លួនធ្វើជំនួញ អាជីវកម្ម ពាណិជ្ជកម្ម ក៏ដូចជាគ្រប់គ្រងអាជីវកម្មឲ្យទទួលបានភាពជោគជ័យរឹងមាំបែបនេះ ?
ការគ្រប់គ្រងគឺជាកិច្ចការងារស្នូលក្នុងដំណើរប្រព្រឹត្តទៅនៃវិន័យធ្វើការ និងការរស់នៅតាមបែបជាប្រពៃណីផង និងវិទ្យាសាស្ត្រផង។ ការគ្រប់គ្រងតាមបែបបុរាណចិនក៏ត្រូវបានបង្កប់ដោយការតម្រង់ទិសទស្សនវិជ្ជាដ៏រឹងមាំ ហើយក្នុងនោះដើមឫស្សីត្រូវបានគេលើកយកមកប្រៀបធៀបដ៏មានប្រយោជន៍ដើម្បីជួយស្រាយនូវខ្លឹមសារទាំងស្រុងនៃការរកស៊ី។
ជាការពិតណាស់ ដើមឫស្សីមានលក្ខណៈពិសេស និងមានគុណតម្លៃជាច្រើនក្នុងផ្នត់គំនិតរបស់ពលរដ្ឋចិនតាំងតែពីយូរណា់ស់មកហើយ។ ត្បិតជាដើមសរសៃ និងមានប្រហោង ទម្ងន់ស្រាល ប៉ុន្តែវាអាចបត់បែនបានយ៉ាងច្រើនអាស្រ័យតាមគេយកទៅច្នៃជាអ្វីក៏បាន ចាប់ពីសំភារៈប្រើប្រាស់ រហូតទៅដល់លំនៅដ្ឋានដ៏រឹងម៉ាំ ហើយបើនិយាយពីភាពធន់វិញ ដើមឫស្សីចាស់ពិតជារឹងម៉ាំល្អទោះក្នុងស្ថានភាពអាកាសធាតុអាក្រក់បែបណាក៏ដោយ។
ឫស្សី លូតលាស់បានយ៉ាងឆាប់រហ័ស និងមានភាពរស់រវើកឥតឈប់ឈរ។ ឫសរបស់វាដែលជាប់នឹងដើមឫស្សីតូចៗអាចបង្ហាញពីកម្លាំងរួមមិនអាចកាត់ថ្លៃបាន។
គុណសម្បត្តិនៃដើមឫស្សីត្រូវបានគេលើកយកមកបញ្ជាក់នៅក្នុងទស្សនវិជ្ជាលើការគ្រប់គ្រងរបស់ចិន។ អ្នកដឹកនាំធុរកិច្ចជនជាតិចិន តែងតែធ្វើតាមគោលការណ៍ណែនាំដែលចាក់ឫសជ្រៅស្រដៀងគ្នាទៅនឹងដើមឫស្សីយ៉ាងដូច្នោះ ជាពិសេសការចេះបត់បែន និងភាពធន់ ការលើកកម្ពស់ការងារជាក្រុមប្រៀបដូចជាឫសដែលគាំទ្រដល់ដើមរបស់វាយ៉ាងដូច្នោះដែរ។
ខាងក្រោមនេះ គឺជាការតភ្ជាប់គ្នារវាងគុណតម្លៃនៃដើមឫស្សីទៅនឹងទស្សនៈវិជ្ជាបុរាណចិន លើការគ្រប់គ្រងរបស់ចិន ទាំងប្រភេទអាជីវកម្ម ពាណិជ្ជកម្ម ក៏ដូចជាធុរកិច្ចទូទៅផងដែរ។ ជាមួយគ្នានេះ ការតភ្ជាប់គ្នាខាងលើនេះ ត្រូវបានបែងចែកជា៤ចំណុចដែលបង្ហាញពីគុណតម្លៃរបស់ដើមឬស្សីដែលក្នុងនោះរួមមាន ៖ ទី១- ការបំពេញមុខងារបានច្រើននិងមានភាពបត់បែន, ទី២ គឺភាពរីកចម្រើនលឿន និងភាពបៃតងល្អ , ទី៣ ការតភ្ជាប់នៃឫសរបស់ឫស្សីដែលមានភាពតូចៗល្អិតនៅក្រោមដី និងទី៤ គឺជាភាពរឹងម៉ាំ អត់ធ្មត់ខ្លាំងនៅគ្រប់លក្ខខណ្ឌអាកាសធាតុ។
សម្រាប់ទស្សនវិជ្ជាបុរាណចិនទាំង៤ចំណុចនេះ ត្រូវបានយកមកបកប្រែទៅក្នុងកិច្ចការងារសំខាន់ៗចំនួន ៤ របស់រដ្ឋាភិបាល ក្នុងការគ្រប់គ្រងប្រទេសកាលពីសម័យអតីតកាលដែលទី១នោះគឺភាពរហ័សរហួន និងគុណភាពនៃប្រព័ន្ធអប់រំ និងយោធាការពារជាតិ, ទី២ ភាពរឹងមាំនៃការបន្តការរៀនសូត្រឥតឈប់ឈរ , ទី៣ គឺជាការពង្រឹងខ្លួនឲ្យរឹងម៉ាំទៅលើសង្គម និងគ្រួសារ ហើយទី៤ គឺជាប្រវត្តិនៃការរស់នៅរបស់ពលរដ្ឋចិនប្រឈមមុខទៅនឹងវិបត្តិមនុស្ស និងធម្មជាតិដ៏អាក្រក់ៗជាច្រើនលើកច្រើនសារ។
ដោយឡែក ចុងក្រោយសម្រាប់ការប្រៀបធៀបគ្នាទៅនឹងទស្សនវិជ្ជានៃការគ្រប់គ្រងតាមបែបចិនវិញនោះ ទី១ គេអាចចាត់ទុកថា គឺជាភាពរហ័សរហួននៃក្រុមការងារ និងភាពបត់បែនគ្រប់ឧបសគ្គ, ទី២ គឺជាការបន្តការរៀនសូត្រ និងបណ្តុះបណ្តាលក្រុមការងារ, ទី៣ ការប្រមូលកេរ្ត៍ឈ្មោះនៅក្នុងសង្គមតាមរយៈសកម្មភាពនានា និងការផ្តល់អត្ថប្រយោជន៍ជូនសង្គមវិញ ហើយទី៤ គឺជាភាពរឹងម៉ាំនៅគ្រប់ឧបសគ្គ និងបញ្ហាដែលក្រុមហ៊ុនរកស៊ីអាចជួបប្រទះ៕
Account
Security
Favourite Content