សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
កំពង់ចាម ៖ រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានថ្លែងថា នៅក្នុងឆមាសទី១ ឆ្នាំ២០២៤ កម្ពុជាបាននាំចេញផលិតផលជលផលទៅកាន់ទីផ្សារប្រទេសចិនបានចំនួន ៣៨តោន ខណៈដែលឆ្នាំ២០២៣ ការនាំចេញផលិតផលជលផលទៅប្រទេសចិនដដែលបានបានចំនួន៥០តោន ក្រោយពីប្រទេសទាំងពីរបានចុះកិច្ចព្រមព្រៀងពាណិជ្ជកម្មសេរីកាលពីឆ្នាំ២០២០។
ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានបញ្ជាក់ថា ចំពោះផលិតផលជលផលដែលត្រូវបាននាំចេញទៅកាន់ប្រទេសចិនកន្លងទៅនេះរួមមានដូចជា ដូចជា កំពិសបង្កកចំនួន ៣៥.៨០តោន, បង្កងប៉ាករស់ចំនួន ២.៣០តោន និងអន្ទង់រស់ប្រមាណ ០.២តោន ហើយក្រៅពីនេះក៏មានត្រីទឹកសាបមួយចំនួនផងដែរ។
ឯកឧត្តម ឌិត ទីណា បានបន្តថា ៖
«កម្ពុជាសម្រេចបានការនាំចេញផលិតផលជលផលទាំងស្រស់ និងកែច្នៃរួចជិត ៣០០០តោន កាលពីឆ្នាំ២០២២ និងជាង ៣ ៥០០តោន ក្នុងឆ្នាំ២០២៣ ហើយអ្វីដែលជាការកត់សម្គាល់ផលិតផលជលផលដែលត្រូវបានអនុញ្ញាតនាំទៅកាន់ប្រទេសចិនរួមមានចំនួន១០ប្រភេទ ដូចជា កំពឹសទឹកសាប អន្ទង់ទឹកសាប បង្កង កណ្ដូប ត្រីប្រាធំ ត្រីប្រាខ្ចៅ ខ្យងទឹកសាប ២ ប្រភេទ បង្គាខ្លឹង បង្គាស និងបង្គាប៉ារ៉ា»។
ឯកឧត្តម ឌិត ទីណា បានបញ្ជាក់ថា ៖
«បច្ចុប្បន្ននេះ ដោយមានការវិវឌ្ឍទៅលើការកែច្នៃដោយសហគ្រាសធុនតូច និងមធ្យមក្នុងស្រុក បានជួយដោះស្រាយបញ្ហាទីផ្សាររបស់ប្រជានេសាទ ក៏ដូចជាបានចូលរួមលើកកម្ពស់ដល់វិស័យវារីវប្បកម្មមួយចំណែកធំ ខណៈដែលវារីវប្បករក៏កំពុងយកចិត្តទុកដាក់ទៅលើការបង្កើនគុណភាព សុវត្ថិភាព អនាម័យ ក្នុងន័យយកចិត្តទុកដាក់ទៅលើសុខភាពអ្នកទទួលទាន»។
ឯកឧត្តមរដ្ឋមន្រ្តី បានបន្តថា ដើម្បីពង្រឹងការគ្រប់គ្រង ការអភិរក្ស និងការអភិវឌ្ឍអនុវិស័យជលផលឱ្យកាន់តែរីកចម្រើនស្របតាមបរិបទនៃការវិវឌ្ឍសេដ្ឋកិច្ច នយោបាយ និងសង្គម ជាពិសេសគោលនយោបាយវិមជ្ឈការ និងវិសហមជ្ឈការ ក្រសួងកសិកម្ម រុក្ខាប្រមាញ់ និងនេសាទ បានរៀបចំសេចក្តីព្រាងច្បាប់ជលផលថ្មី ដែលទើបបញ្ចប់ការកែសម្រួលផ្នែកទោសប្បញ្ញត្តិដោយក្រសួងយុត្តិធម៌ និងកំពុងពិនិត្យកែសម្រួលចុងក្រោយលើខ្លឹមសារសំខាន់ៗមុននឹងបញ្ជូនទៅទីស្តីការគណៈរដ្ឋមន្រ្តី ដើម្បីដាក់ឆ្លងកិច្ចប្រជុំពេញអង្គគណៈរដ្ឋមន្រ្តី ក្នុងពេលឆាប់ៗខាងមុខនេះ៕
Account
Security
Favourite Content