សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ក្រុមអ្នកជំនាញផ្នែកវិនិយោគ និងតាមដានទីផ្សារលុយគ្រីបតូជាច្រើនរូបបានធ្វើការព្យាករណ៍ទុកថា ទៅថ្ងៃអនាគត លុយ Bitcoin អាចមានតម្លៃឡើងទៅដល់ ១លានដុល្លារក្នុងមួយកាក់។
ក្នុងគ្រាដែលរដ្ឋាភិបាលសហរដ្ឋអាម៉េរិកកំពុងបង្ហាញការគាំទ្រយ៉ាងខ្លាំងដល់សេដ្ឋកិច្ចជាលុយគ្រីបតូតាមរយៈការបង្កើតឃ្លាំងទុនបម្រុងលុយ Bitcoin នោះ វាបានក្លាយទៅជាកម្លាំងចលករដ៏ល្អបំផុតសម្រាប់ពេលអនាគត។ បន្ថែមពីនោះ ក្រុមអ្នកជំនាញក៏បានមើលឃើញនូវកត្តាមួយចំនួនផ្សេងទៀតដែលនឹងអាចរុញច្រានឲ្យលុយគ្រីបតូមានតម្លៃកាន់តែខ្ពស់ឡើងស្ទើរមិននឹកស្មានដល់ពេលខាងមុខ។
សហគ្រិនលុយគ្រីបតូ និងជាអ្នកផលិតវិដេអូផតខាស់ដ៏ល្បីល្បាញ លោក Anthony Pompliano បានសរសេរនៅលើបណ្តាញសង្គម X របស់ខ្លួននៅសប្តាហ៍នេះថា រដ្ឋាភិបាលអាម៉េរិកខ្លួនឯងក៏មានបំណងចង់ឲ្យតម្លៃរបស់លុយ Bitcoin ឡើងទៅដល់១លានដុល្លារដូចទៅនឹងការព្យាករណ៍ទុកនេះដែរ ហើយរឿងតែមួយគត់ដែលអាចធ្វើឲ្យវាក្លាយទៅជាការពិតបាននោះ គឺដរាបណារដ្ឋាភិបាលនឹងនៅតែបន្តបោះពុម្ពក្រដាសលុយដុល្លារបែបនេះរហូតទៅ។
ក្រុមអ្នកជំនាញបានបន្តដោយគូសបញ្ជាក់ទៀតថា ក្នុងគ្រាដែលភាពតានតឹងរវាងគ្នានៃសេដ្ឋកិច្ចប្រពៃណី និងសេដ្ឋកិច្ចបែបគ្រីបតូ ពោលគឺលុយ Bitcoin នោះគេសង្កេតឃើញថា មានចំណុចមួយដែលបានដើរបញ្ច្រាសគ្នា ហើយក៏ជាកត្តាដែលធ្វើឲ្យមានការប្រែប្រួលតម្លៃរបស់ខ្លួននៅលើទីផ្សារដ៏ខ្លាំងក្លាមួយនេះផងដែរ។
នៅក្នុងសេដ្ឋកិច្ចបែបប្រពៃណីបច្ចុប្បន្ន សំពាធបានធ្លាក់ទៅលើធនាគារកណ្តាលដើម្បីបន្តការបោះពុម្ពក្រដាសប្រាក់ដុល្លារឲ្យបានកាន់តែច្រើនបន្ថែមទៀតដោយមិនមានកំណត់ឡើយ ដែលផ្ទុយទៅនឹងសេដ្ឋកិច្ចរបស់លុយ Bitcoin នាពេលនេះ គឺមានចំនួនកំណត់ត្រឹមតែ ២១លានកាក់តែប៉ុណ្ណោះ។ នេះមានន័យថា ការផ្គត់ផ្គង់ដែលមិនមានដែនកំណត់នឹងអាចធ្វើឲ្យមានការធ្លាក់ថ្លៃនៃលុយដុល្លារយ់ាងខ្លាំង ជាពិសេសនៅក្នុងពេលដែលគោលនយោបាយថវិកាជាតិរបស់អាម៉េរិកកំពុងបន្តអនុវត្តដូចសព្វថ្ងៃនេះ។
គួរកត់សម្គាល់ថា បច្ចុប្បន្ននេះ តម្លៃលុយ Bitcoin បានបន្តស្ថិតនៅក្នុងកំណត់ត្រាខ្ពស់ប្រមាណជា ១២៣ ០៩១ដុល្លារក្នុងមួយកាក់ គិតត្រឹមខែកក្កដា និងធ្លាក់ចុះប្រមាណជា ២ភាគរយប៉ុណ្ណោះនៅក្នុងអំឡុងខែសីហានេះ ពោលគឺត្រឹមតែ ១២០ ៥៨៦ដុល្លារក្នុងមួយកាក់៕
Account
Security
Favourite Content