សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ការទន្ទឹងរង់ចាំដ៏យូរមកហើយនៃយន្តហោះបំបាងកាយ និងទំលាក់គ្រាប់បែកបច្ចេកវិទ្យាចុងក្រោយបំផុតរបស់មហាយក្សចិន ដែលមានឈ្មោះថា Xi’an H-20 គឺកាន់តែខិតជិតមកដល់ហើយ ខណៈដែលអាមេរិកក៏ទើបតែបញ្ចប់ទៅនៃការធ្វើតេស្តសាកល្បង និងការដាក់តាំងបង្ហាញនៃគំរូយន្តហោះជួរមុខប្រភេទនេះដូចគ្នាដែរ និងត្រូវបានគេស្គាល់ឈ្មោះថា B-21 Raider។
ទាំង H-20 និង B-21 បានក្លាយទៅជាប្រធានបទដ៏ក្ដីគគុកសម្រាប់អ្នកតាមដានបច្ចេកវិទ្យាសព្វាវុធរបស់ពិភពលោក ពីព្រោះថាមិនត្រឹមតែជាយន្តហោះបច្ចេកវិទ្យាចុងក្រោយរបស់មហាអំណាចទាំងពីរប៉ុណ្ណោះទេ សូម្បីតែរូបរាងរបស់វាក៏មានទំរង់ដូចគ្នាខ្លាំងគួរឲ្យកត់សំគាល់ផងដែរ។
H-20 ធ្លាប់បានរដ្ឋាភិបាលក្រុងប៉េកាំងប្រកាសជាលើកដំបូងតាំងតែពីឆ្នាំ២០១៦មកម្ល៉េះ ប៉ុន្តែចំពោះព័ត៌មានលំអិតអំពីបច្ចេកវិទ្យា និងពេលវេលានៃការបង្ហាញខ្លួនពិតនោះមិនត្រូវបានបញ្ជាក់ដោយប្រភពណាឡើយ។ រហូតដល់ឆ្នាំ២០១៨ ទើបអ្នកនាំពាក្យនៃកងកម្លាំងកងទ័ពចិនបានចេញមកអះអាងថា ដំណើរការអភិវឌ្ឍ និងផលិតនៅតែបន្តជាធម្មតានៅឡើយ ហើយស្ថិតនៅក្នុងលក្ខខណ្ឌដ៏ល្អបំផុត។
៤ឆ្នាំក្រោយមក ដល់ឆ្នាំ២០២២ ក្នុងខែកក្កដា សារព័ត៌មានរដ្ឋចិនបានចេញមកផ្សព្វផ្សាយសាជាថ្មីអំពីការវិវត្តទៅនៃការផលិត H-20 ដោយក្នុងនោះបានអះអាងថាការហោះហើរសាកល្បងកំពុងត្រូវបានរៀបចំដើម្បីឲ្យដំណើរការ ហើយដោយឡែកមកដល់ឆ្នាំ២០២៤នេះ នៅក្នុងកិច្ចប្រជុំលើកទី២នៃរដ្ឋសភាចិនកាលពីខែមីនា លោក Wang Wei ដែលជាអគ្គមេបញ្ជាការរងនៃកងទ័ពចិន (PLA) បានធ្វើការកត់សំគាល់សាជាថ្មីអំពី H-20 ហើយថានឹងដាក់ឲ្យប្រើប្រាស់ជាផ្លូវការក្នុងពេលឆាប់ៗបំផុតខាងមុខនេះ។
លោក Wang បន្ថែមបែបនេះថា ៖ គ្មានការរាំងស្ទះអ្វីនោះឡើយសម្រាប់គម្រោងនេះ ហើយបញ្ហាទាំងអស់ត្រូវបានដោះស្រាយរួចរាល់។ ក្រុមការងារអ្នកវិទ្យាសាស្ត្រ និងបច្ចេក
ទេសបានបំពេញការងារបានយ៉ាងល្អ ហើយពោរពេញទៅដោយសមត្ថភាពខ្ពស់។ វានឹងក្លាយទៅជាបច្ចេកវិទ្យាអាវុធដ៏មានប្រសិទ្ធភាពបំផុត ជាមួយនឹងបច្ចេកវិទ្យា
ទំនើបចុងក្រោយបំផុតរបស់ចិន។
គួររំលឹកថា កាសែត The Newsweek ធ្លាប់បានសរសេរថា ទោះបីជាមិនមានព័ត៌មានលំអិតអំពីមុខងារ និងលក្ខណៈពិសេសរបស់ H-20 នៅឡើយក្តី ប៉ុន្តែអ្នកវិភាគជាច្រើនជឿជាក់ថា ចិន នឹងក្លាយទៅជារដ្ឋមួយក្នុងចំណោមរដ្ឋតិចតួចបំផុតបូករួមទាំងអាមេរិកផងដែរ ដែលបង្ហាញវត្តមាននៃប្រភេទយន្តហោះចម្បាំង និងទំលាក់គ្រាប់បែកក្នុងកម្រិតដ៏ទំនើបបែបនេះ ហើយរំពឹងទុកថា H-20 នឹងក្លាយជាកត្តាជំរុញយុទ្ធសាស្ត្រដ៏សំខាន់ជួយឲ្យឥទ្ធិពលរបស់ចិនអាចឡើងដល់កម្រិតនៅលើពិភពលោក ជាពិសេសក្នុងតំបន់ប៉ាស៊ីហ្វិក។
ជាមួយគ្នានេះ ចិន ធ្លាប់បានអះអាងដែរថា H-20 អាចធ្វើការហោះហើរបានចំងាយឆ្ងាយបូករួមទាំងជប៉ុន កោះហ្គាំ និងហ្វីលីពីនផងដែរ ដែលជាយុទ្ធសាស្ត្រដ៏ខ្លាំងក្លាក្នុងការប្រឈមមុខទៅនឹងបច្ចេកវិទ្យាអាវុធរបស់អាមេរិកក្នុងការបង្កើនកម្លាំងយោធា និងអាវុធ ហើយយន្តហោះនេះអាចមានសមត្ធភាពផ្ទុកគ្រាប់បែកច្រើនប្រភេទបូករួមទាំងគ្រាប់នុយក្លេអ៊ែរផងដែរ ក្នុងទម្ងន់សរុបរហូតទៅដល់៤៥តោន។
សូមរំលេចផងដែរថា ថ្វីត្បិតតែចិនមិនងាយនឹងបង្ហាញអំពីសមត្ថភាពរបស់ H-20 ប៉ុន្តែគេជឿជាក់ថា វានឹងអាចបង្ហាញខ្លួន ហើយដាក់ឲ្យប្រតិបត្តិការជាផ្លូវការបានមុន B-21 របស់អាមេរិកទៅទៀត ដែលតាមផែនការនឹងត្រូវដាក់ឲ្យយោធាប្រើប្រាស់នៅក្នុងឆ្នាំ២០២៧។ គួរបញ្ជាក់ដែរថា តាមការប៉ាន់ស្មានកន្លងមក H-20 នីមួយៗអាចចំណាយក្នុងការផលិតប្រមាណជា ៦៩២លានដុល្លារ ខណៈដែល B-21 អាចមានតម្លៃដល់ទៅ ៧៥០លានដុល្លារ៕
Account
Security
Favourite Content