សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ អាជីវកម្មបរិយាប័ន្ន ត្រូវបានផ្តួចផ្តើមឡើងដើម្បីជួយផ្តល់ដំណោះស្រាយសង្គមសម្រាប់ប្រជាជននៅកម្រិតរបារពីរ៉ាមីត BoP និងទាមទារឱ្យមាននវានុវត្តន៍ខ្ពស់ ដើម្បីទទួលបានជោគជ័យ។ ក្រៅពីនេះ អាជីវកម្មបរិយាប័ន្ន ក៏មានភាពខុសប្លែកពីការវិនិយោគសក្តានុពល ដោយសារអាជីវកម្មបរិយាប័ន្នផ្តោតជាសំខាន់ទៅលើផលប្រយោជន៍របស់ប្រជាជនក្រីក្រ។ ដោយឡែក សម្រាប់តែប្រទេសថៃ បច្ចុប្បន្ននេះ គេសង្កេតឃើញមានប្រភេទអាជីវកម្មគំរូបរិយាបន្នចំនួន៤ ដែលកំពុងមានសកម្មភាពយ៉ាងមមាញឹក ជាមួយនឹងការទទួលបានប្រជាប្រិយភាពគួរឱ្យកត់សម្គាល់រួមមាន ៖
១- HiveSters កំពុងបង្កើនកេរ្ត៍ឈ្មោះរបស់ខ្លួនតាមរយៈការបង្កើតគំរូជោគជ័យមួយដែលមិនត្រឹមតែអាចផ្តល់អត្ថប្រយោជន៍ដល់សិប្បករក្នុងស្រុក និងសហគមន៍ប៉ុណ្ណោះទេ ថែមទាំងអាចផ្តល់ជូននូវបទពិសោធន៍ធ្វើដំណើរដ៏ពិសេសសម្រាប់ក្រុមភ្ញៀវទេសចរអន្តរជាតិផងដែរ។
HiveSters ត្រូវបានបង្កើតឡើងដោយឈរលើគោលការណ៍នៃប្រព័ន្ធអេកូឡូស៊ីដ៏រីកចម្រើនក្រោមកិច្ចរៀបចំដំណើរទេសចរណ៍ និងបទពិសោធន៍ដែលភ្ជាប់អ្នកទេសចរដោយផ្ទាល់ជាមួយអ្នកជំនាញខាងផ្នែកសិប្បកម្មក្នុងស្រុកដែលមានជីវភាពមិនសូវជាធូរធា។
២- Happy Grocers ជាអាជីវកម្មបើកហាងលក់គ្រឿងទេស ដូចជា បន្លែ ផ្លែឈើធម្មជាតិគួរឲ្យចាប់អារម្មណ៍មួយប្រភេទដែលពោរពេញទៅដោយនិរន្តរភាពចំពោះបរិស្ថាន និងមានមូលដ្ឋាននៅទីក្រុងបាងកក។ មិនត្រឹមតែអាចជួយដល់កសិករក្រីក្រដែលមានជីវភាពលំបាកប៉ុណ្ណោះទេ វាថែមទាំងត្រូវបានគេស្គាល់ថា ជាអាជីវកម្មគំរូក្នុងការតភ្ជាប់អ្នកប្រើប្រាស់ជាមួយនឹងផលិតផលក្នុងស្រុកដែលមានគុណភាពខ្ពស់ ហើយកំពុងពង្រីកគំនិតផ្តួចផ្តើមដែលនឹងផ្តល់ប្រយោជន៍ដល់សង្គមកាន់តែច្រើនដើម្បីនាំយកអាហារស្រស់ដោយផ្ទាល់ទៅកាន់សហគមន៍ដែលជួបការលំបាកទៀតផង។
បេសកកម្មរបស់ Happy Grocers តាំងតែពីថ្ងៃដំបូងនៃការចាប់ផ្តើម គឺជាអាជីវកម្មដែលមានគោលដៅធ្វើការឲ្យកាន់តែខិតទៅជិតប្រភពអាហារដ៏ចាំបាច់ប្រចាំថ្ងៃ និងជួយគាំទ្រយ៉ាងជិតស្និទ្ធទៅដល់កសិករក្រីក្រ។ ខ្សែសង្វាក់ផ្គត់ផ្គង់របស់អាជីវកម្មត្រូវបានរចនាឡើងដើម្បីកាត់បន្ថយចំងាយ និងតម្លៃនាំចេញពីកសិដ្ឋានក្នុងស្រុកទៅដល់អ្នកប្រើប្រាស់ចុងក្រោយឱ្យបានច្រើនតាមដែលអាចធ្វើទៅបាន ដើម្បីធានាបាននូវភាពស្រស់ និងគុណភាពខ្ពស់ព្រមទាំងតម្លៃធូរថ្លៃខ្លាំង។
៣- អាជីវកម្ម Trash Hero ជាអាជីវកម្មបែបសង្គមមួយដែលត្រូវបានបង្កើតឡើងក្នុងគោលបំណងជួយជំរុញ និងកាត់បន្ថយផលប៉ះពាល់កាន់តែតិចតួចចំពោះវិបត្តិកាកសំណល់នៅតាមតំបន់ទាំងនោះ និងធ្វើឲ្យប្រសើរឡើងវិញនៃការរស់នៅរបស់សហគមន៍ដែលតែងតែធ្លាប់រងគ្រោះពីបញ្ហាបរិស្ថាន។ Trash Hero មិនត្រឹមតែគិតគូរខ្លាំងទៅដល់បរិស្ថានតែមួយមុខនោះទេ ប៉ុន្តែអាជីវកម្មមួយនេះក៏តែងតែរៀបចំជាព្រឹត្តិការណ៍អប់រំនៅតាមតំបន់ទេសចរសំខាន់ៗដើម្បីទប់ស្កាត់ការបោះចោលសំរាមដែលជាប្រភពនៃបញ្ហាផងដែរ។ អាជីវកម្មនេះជួយទាំងការសំអាតកាកសំណល់ជូនសហគមន៍ ហើយថែមទាំងផ្តល់នូវប្រាក់ចំណូលជូនសហគមន៍ផងដែរ ជាពិសេសពលរដ្ឋដែលមានជីវភាពក្រីក្រ។
៤- Siam Organic បានធ្វើការជាមួយកសិករមកពីភូមិភាគឦសាននៃប្រទេសថៃ ដើម្បីកាត់បន្ថយថ្លៃដើមនៃការធ្វើកសិកម្ម បង្កើនទិន្នផល និងធានាតម្លៃទិញ ហើយជំរុញឱ្យការធ្វើស្រែរបស់កសិករក្លាយជាមុខរបរប្រកបដោយនិរន្តរភាព។ គោលបំណងរបស់ Siam Organic គឺកាត់បន្ថយភាពក្រីក្រក្នុងចំណោមកសិករនៅក្នុងប្រទេសថៃ ដោយនាំយកផលិតផលដែលឆ្ងាញ់ មានគុណភាព ជួយឱ្យសុខភាពអ្នកទទួលបានល្អ និងច្នៃប្រឌិតទៅកាន់អ្នកប្រើប្រាស់ទូទាំងពិភពលោក។
គួរបញ្ជាក់ថា Siam Organic ត្រូវបានបង្កើតឡើងនៅឆ្នាំ២០១១ ដោយជនជាតិថៃពីរនាក់គឺ Peetachai Dejkraisak និង Pornthida Wongphatharakul ដោយសារពួកគេព្រួយបារម្ភពីកំណើនៃភាពក្រីក្ររបស់កសិករថៃ ១៧ លាននាក់ និងគំនិតផ្តួចផ្តើមនៃការលើកកម្ពស់ការធ្វើស្រែចំការរបស់រដ្ឋាភិបាលដែលគ្មានប្រសិទ្ធភាព។ ពួកគេបានចាប់ផ្តើសិក្សាពីបញ្ហាកាន់តែស៊ីជម្រៅ និងអនុវត្តគំរូអាជីវកម្មបរិយាបន្នប្រកបដោយនិរន្តរភាព។
Account
Security
Favourite Content