សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ មានទីតាំងនៅក្នុងប្រទេសសិង្ហបុរី បច្ចុប្បន្នអាជីវកម្ម Mustard Tree កំពុងដើរតួជាសហគ្រាសសង្គមជាមួយនឹងបេសកកម្មដែលលើសពីការងារសិប្បកម្មមានលក់នូវផលិតផលកែច្នៃដ៏ស្រស់ស្អាត។
Mustard Tree ត្រូវបានបង្កើតឡើងដោយលោកស្រី Soek Ying ក្នុងគោលបំណងដើម្បីអាចឲ្យកូនប្រុសរបស់គាត់ឈ្មោះ Ryan ដែលមានជំងឺអូទីស្សឹមអាចសម្រេចការងារមួយដែលគេស្រលាញ់ និងពេញចិត្ត។ ដូច្នេះ Mustard Tree ក៏បានក្លាយទៅជាអាជីវកម្ម និងទីកន្លែងដែលផ្តល់ការចិញ្ចឹមបីបាច់សម្រាប់ជនពិការដើម្បីស្វែងរកទេពកោសល្យរបស់ពួកគេ និងកសាងអាជីពថ្មីតាមរយៈការច្នៃប្រតិដ្ឋផលិតផលពីសិប្បកម្ម។
ដំណើរអាជីវកម្មរបស់លោកស្រី Soek Ying បានចាប់ផ្តើមជាមួយនឹងបំណងប្រាថ្នាដ៏សាមញ្ញមួយដើម្បីជួយ Ryan ស្វែងរកគោលបំណង និងសេចក្តីរីករាយ។ ដោយកត់សម្គាល់ពីក្តីស្រឡាញ់របស់គាត់ចំពោះសិល្បៈ នាងបានបណ្តុះទេពកោសល្យរបស់គាត់ និងជួយគាត់បង្កើតរបស់របរធ្វើដោយដៃជាច្រើនមុខ។ ឥទ្ធិពលវិជ្ជមាននេះបានជួយឲ្យ Ryan បំផុសនូវគំនិតល្អៗឡើងវិញក្រោយបានបង្កើត Mustard Tree កាលពីអំឡុងឆ្នាំ២០១៦។
Mustard Tree គឺជាហាងដែលលក់ស្នាដៃសិល្បៈ និងសិប្បកម្មដ៏ស្រស់ស្អាតយ៉ាងច្រើន ហើយមិនត្រឹមតែប៉ុណ្ណោះវាក៏ជាទីតាំងផ្តល់សិក្ខាសាលា និងកន្លែងបណ្តុះបណ្តាលដែលបុគ្គលមានតម្រូវការពិសេស ឬពិការភាពដើម្បីអាចពង្រឹងជំនាញរបស់ពួកគេដោយទទួលបានទំនុកចិត្ត និងកសាងអារម្មណ៍ឡើងវិញផងដែរ។
នៅក្នុងទីតាំងដាក់លក់ផលិតផលគេសង្កេតឃើញមានវត្ថុសិប្បកម្មជាច្រើនរាប់តាំងពីគ្រឿងអលង្ការដ៏ស្រស់ស្អាត ការរៀបចំផ្កា និងសម្ភារៈប្រើប្រាស់ក្នុងផ្ទះដ៏ប្រណិត។ សហគ្រាសសង្គមមួយនេះបានផ្តល់ការបណ្តុះបណ្តាលតាមរយៈសិក្ខាសាលាប្រកបដោយភាពច្នៃប្រតិដ្ឋ ហើយថែមទាំងបណ្តុះបណ្តាលការងារ និងឱកាសការងារផងដែរ ហើយវាក៏បានផ្តល់អត្ថប្រយោជន៍ទៅដល់បុគ្គលដែលមានពិការភាព ឬអសមត្ថភាពឱ្យសម្រេចបាននូវឯករាជ្យភាពផ្នែកហិរញ្ញវត្ថុ ក៏ដូចជាជួយឲ្យមានដំណើរការសមាហរណកម្មសង្គមទៀតផង។
គួរឲ្យដឹងដែរថា ធុរកិច្ចបរិយាប័ន្ន គឺជាអាជីវកម្មឈរលើគោលការណ៍ធុរកិច្ច សំដៅទៅលើអង្គភាពទាំងឡាយណាដែលបង្កើតដំណោះស្រាយជាប្រព័ន្ធ មានភាពច្នៃប្រតិដ្ឋ និងមានទ្រង់ទ្រាយធំ ដែលឆ្លើយតបទៅនឹងបញ្ហាប្រឈមពាក់ព័ន្ធរបស់ប្រជាជនក្រីក្រ និងប្រជាជនមានចំណូលទាប (BoP និង B40)។ បន្ទាត់អាជីវកម្មបរិយាប័ន្ន ត្រូវបានបង្កើតឡើងក្នុងគោលបំណងផ្តល់ប្រាក់ចំណូលខ្ពស់គួរសម និងបង្កើននូវស្តង់ដារជីវភាពរស់នៅប្រសើរជាងមុនដល់ក្រុមមនុស្សដែលមានចំណូលទាបនៅបាតពីរ៉ាមីត ៤០% និងក្រុមមនុស្សដែលងាយរងគ្រោះ៕
Account
Security
Favourite Content