សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ លីចូម (Lithium) ឬត្រូវបានគេហៅថាជាមាស-ស- (White Gold) គឺជាវត្ថុធាតុដើមដ៏សំខាន់បំផុតនៅក្នុងបច្ចេកវិទ្យាឧស្សាហកម្មនាសម័យទំនើប ទាំងការផលិតជាទំនិញចាំបាច់ដូចជាកំព្យូទ័រ ស្មាតហ្វូន រហូតទៅដល់ការផលិតបច្ចេកវិទ្យាសូឡា និងថាមពលខ្យល់ ជាពិសេសគឺការផលិតអាគុយលីចូមអ៊ីយ៉ុងក្នុងដំណើរការនៃរថយន្តអគ្គិសនីដែលកំពុងតែរីកចម្រើនយ៉ាងខ្លាំងក្លានោះផងដែរ។
សម្រាប់ប្រទេសឥណ្ឌា ក្នុងរយៈពេលប៉ុន្មានឆ្នាំចុងក្រោយនេះត្រូវបានគេទទួលស្គាល់ថា ជាប្រទេសអ្នកផលិតលីចូមធំបំផុតមួយក្នុងចំណោមតំបន់ទាំង១០ ទោះបីជាឥណ្ឌាមិនមែនជាអ្នកពឹងផ្អែកទាំងស្រុងទៅលើរ៉ែក្នុងប្រទេសក៏ដោយ ប៉ុន្តែជាយុទ្ធសាស្ត្ររដ្ឋាភិបាលទីក្រុងញូវដេលីបានចាត់ទុកកិច្ចការងារនេះគឺជាអាទិភាពសម្រាប់អភិវឌ្ឍប្រទេសឲ្យក្លាយជាមហាអំណាចសេដ្ឋកិច្ចប្រហាក់ប្រហែលទៅនឹងកម្រិតចិន និងអាមេរិកនៅពេលខាងមុខ។
ស្របពេលជាមួយគ្នានេះដែរ ខណៈដែលពិភពលោកកំពុងងាកទៅរកថាមពលស្អាត និងនិរន្តភាពបំផុតចំពោះបរិស្ថាននោះ មានន័យថាការប្រើប្រាស់រ៉ែលីចូមឲ្យមានប្រសិទ្ធភាពគឺជាកត្តាជះឥទិ្ធលបំផុតនៅថ្ងៃអនាគតរបស់ពិភពលោក។ ទោះជាយ៉ាងណាក្តី ការកើនឡើងនៃកិច្ចអភិវឌ្ឍ ក៏ដូចជាការផលិតបច្ចេកវិទ្យារថយន្តអគ្គិសនីក៏នឹងក្លាយទៅជាការដាក់សំពាធយ់ាងធ្ងន់ធ្ងរមួយផងដែរចំពោះការជីករករ៉ែលីចូម។
យោងតាមទិន្នន័យដែលស្រាវជ្រាវដោយវិទ្យាស្ថានជាតិស្រាវជ្រាវរបស់ប្រទេសឥណ្ឌា ORF (Observer Research Foundation) បានបង្ហាញថា តម្រូវការក្នុងការប្រើប្រាស់រ៉ែលីចូមនឹងមានការកើនឡើងដល់ទៅ ៥ដងនៅត្រឹមឆ្នាំ២០៣០ ហើយបច្ចុប្បន្ននេះ ប្រទេសអូស្ត្រាលី និងបណ្តាប្រទេសនៅអាមេរិកឡាទីនចំនួន៣ទៀត រួមមាន ឈីលី អាហ្សង់ទីន និងបូឡាវី គឺជាអ្នកកាន់កាប់រ៉ែប្រភេទនេះដល់ទៅ ៧៥ភាគរយនៃរ៉ែទាំងអស់ដែលមាននៅលើភពផែនដី ហើយពួកគេភាគច្រើនគឺជាអ្នកផ្គត់ផ្គង់ទៅឲ្យប្រទេសចិនដែលជាអ្នកផលិតបន្តនូវឧបករណ៍ និងអាគុយលីចូមអ៊ីយ៉ុង។
យ៉ាងណាក៏ដោយ គេសង្កេតឃើញថា នៅពេលដែលមានការប្រជែងគ្នាជុំវិញពិភពលោកសម្រាប់ការទាញយករ៉ែសំខាន់ៗនោះ ប្រទេសឥណ្ឌានៅតែជាតួអង្គតូចតាចនៅឡើយចំពោះរ៉ែលីចូម ប៉ុន្តែ ឥណ្ឌានៅតែរក្សាជំហ និងមហិច្ឆតាតាមរយៈការធ្វើការដើម្បីជំរុញខ្សែសង្វាក់ផ្គត់ផ្គង់លីចូមរបស់ខ្លួនពិសំណាក់បណ្តាប្រទេសនៅអាហ្វ្រិក ក៏ដូចជាតាមរយៈយុទ្ធសាស្រ្តផ្សេងទៀតផង។
ទីក្រុងញូវដេលីជឿជាក់ថា ការធានាឲ្យបាននូវការផ្គត់ផ្គង់ដែលអាចទុកចិត្តបាននៃលីចូមឆៅគឺមានសារៈសំខាន់ណាស់សម្រាប់ការផលិត និងសុវត្ថិភាពខ្សែសង្វាក់ផ្គត់ផ្គង់រថយន្តអគ្គិសនី (EV) ហើយសក្តានុពលរបស់អាហ្រ្វិកអាចជួយដាក់ប្រទេសឥណ្ឌាជាអ្នកដឹកនាំនៅក្នុងទីផ្សាររថយន្តអគ្គិសនីក្នុងកម្រិតសកលលោក។
ភ្ជាប់ជាមួយនឹងមហិច្ឆតារបស់ឥណ្ឌា អាចនិយាយបានថាជាដំណឹងគួរឲ្យរីករាយចំពោះផែនការក្នុងការក្លាយខ្លួនជាមហាអំណាចរ៉ែលីចូម ដោយកាលពីខែកុម្ភៈឆ្នាំ២០២៣កន្លងទៅនេះ ក្រុមអ្នកស្រាវជ្រាវបានប្រកាសរកឃើញទីតាំងរ៉ែលីចូមឆៅដែលមានទំហំរហូតដល់ទៅ ៥,៩លានតោននៅក្នុងទឹកដីរបស់ខ្លួន។ អ្វីដែលសំខាន់គឺនៅត្រង់ថា មានការព្យាករអំពីទិន្នន័យនៃការរកឃើញនេះអាចធ្វើឲ្យប្រទេសឥណ្ឌាក្លាយទៅជាអ្នកមានធនធានលីចូមធំជាងគេទី៦ នៅលើពិភពលោក ពោលគឺអាចនាំមុខទាំងប្រទេសចិនទៀតផង៕
Account
Security
Favourite Content