បរទេស៖ យោងតាមប្រភពពី Inclusivebusiness.Net បានលើកឡើងថា ប្រហែល ៨០ ភាគរយនៃសមា្ភរៈសម្រាប់លាងសម្អាតនៅក្នុងទីផ្សារវៀតណាមត្រូវបានផលិតចេញពីសារធាតុគីមីសំយោគដែលមិនបង្កគ្រោះថ្នាក់ទាំងសុខភាព និងបរិស្ថាន។ យ៉ាងណាក៏ដោយ ទោះបីជាមានជម្រើសជាប្រភេទសរីរាង្គក៏ដោយ ប៉ុន្តែពួកវាមានតម្លៃថ្លៃ ហើយមនុស្សភាគច្រើនមិនមានលទ្ធភាពគ្រប់គ្រាន់ក្នុងការប្រើប្រាស់នោះទេ។

សហគ្រាស Minh Hong Biotech បានធ្វើការជាមួយអ្នកភូមិនៅទីក្រុងដាណាង ដើម្បីស្រាវជ្រាវ និងផលិតសាប៊ូសម្អាតសរីរាង្គក្នុងតម្លៃសមរម្យ និងសុវត្ថិភាព។ Minh Hong Biotech ដែលត្រូវបានបង្កើតឡើងក្នុងឆ្នាំ ២០១៥ ក្នុងនាមជាសហគ្រាសលក់រាយតូចមួយដែលផលិតផលគ្មានជាតិគីមី ដោយប្រើប្រាស់កាកសំណល់សរីរាង្គនៅទីក្រុង Da Nang ប្រទេសវៀតណាម។ ក្នុងរយៈពេលប៉ុន្មានឆ្នាំចុងក្រោយនេះ ប្រាក់ចំណូលរបស់សហគ្រាសបានកើនឡើងពី ៨៧០ ៥០០ ដុល្លារដល់ ១,៧ លានដុល្លារ) ដោយប្រាក់ចំណេញចាប់ពីឆ្នាំ ២០១៩-២០២១។ មិនត្រឹមតែប៉ុណ្ណោះ ក្រុមហ៊ុនផ្តល់ការងារដល់ម្តាយចិញ្ចឹមកូនម្នាក់ឯង និងជនពិការចំនួន ៤០០ នាក់ ដែលមកពីគ្រួសារក្រីក្រ។

តាមរយៈការ​ប្រើប្រាស់​បច្ចេកវិទ្យា​ជីវសាស្ត្រ​ទំនើប Minh Hong Biotech ផលិតបាន​នូវផលិតផលដូចជា សាប៊ូលាងចាន សាប៊ូបោកខោអាវ ទឹកជូតឥដ្ឋ សាប៊ូកក់សក់ សាប៊ូដុសខ្លួន ជែលលាងដៃជាដើម ដោយប្រើប្រាស់សំបក និងសំណស់ពីបន្លែ មើមរុក្ខជាតិ ផ្លែឈើ ស្លឹក និងរុក្ខជាតិឱសថសុទ្ធ ១០០ ភាគរយ។ ទន្ទឹមនឹងនេះ និយោជិតទាំងអស់ត្រូវបានបណ្តុះបណ្តាលលើដំណើរការផលិតចាប់ពីការគ្រប់គ្រង និងរៀបចំកាកសំណល់សរីរាង្គទៅជាការផលិត និងការវេចខ្ចប់ទំនិញ។ បន្ថែមពីនេះ អតិថិជនត្រូវបានលើកទឹកចិត្តឱ្យយកសំបកផលិតផលមកក្រុមហ៊ុនវិញ ដើម្បីកាត់បន្ថយការប្រើប្រាស់ក្រដាស ឬ ផ្លាស្ទិច។ លើសពីនេះ និយោជិតអាចបង្កើនប្រាក់ចំណូលរបស់ពួកគេ ដោយអ្នកម្តាយទាំងនោះ​អាចរកចំណូលយ៉ាងហោចណាស់ ២០០ ដុល្លារក្នុងមួយខែ បើធៀបនឹងចំណូលពីមុនត្រឹមតែ ៣៧ ដុល្លារប៉ុណ្ណោះ។

ទន្ទឹមនឹងនេះ សំបកផ្លែឈើ និងកាកសំណល់បន្លែជាមធ្យម​ ១០៩  តោនកំពុងត្រូវបានកែច្នៃផលិតទៅជាសាប៊ូ ៨ ប្រភេទដូចជា សាប៊ូលាងចាន សាប៊ូលាងចាន សាប៊ូកក់សក់ និងសាប៊ូដុសខ្លួនជាដើម។ ជារៀងរាល់ខែ ផលិតផលទាំងនោះត្រូវបានផលិតប្រហែល ៥០ ០០០ លីត្រ។ ក្រៅ​ពី​ការ​កាត់​បន្ថយ​កាក​សំណល់​កសិកម្ម​នៅ​ក្នុង​សហគមន៍ ផលិតផលរបស់ Minh Hong ផ្តល់អត្ថប្រយោជន៍ទាំងអ្នកប្រើប្រាស់ និងបរិស្ថានដូចជា៖ កាត់បន្ថយការសម្អាតដោយមិនប្រើប្រាស់សារធាតុគីមី, កាត់បន្ថយការចំណាយរបស់គ្រួសារលើសេវាកម្មសម្អាត, ជួយសន្សំសំចៃទឹក និងទឹក ដោយសារផលិតផលមិនសូវស្អិត និងកក។ លើសពីនេះ ផលិតផលទាំងនោះមានសុវត្ថិភាពសម្រាប់ដៃ និងស្បែកអ្នកប្រើប្រាស់ជាងផលិតផលគីមី។

គួរកត់សម្គាល់ដែរថា ក្នុងប៉ុន្មានឆ្នាំចុងក្រោយនេះ ចង្កោមឧស្សាហកម្មរបស់វៀតណាមបង្កើនកិច្ចខិតខំប្រឹងប្រែងក្នុងការបង្កើតការងារជូនប្រជាជន និងពន្លឿនឧស្សាហូបនីយកម្មជាតិយ៉ាងឆាប់រហ័ស។ នៅត្រឹមឆ្នាំ២០២៥ វៀតណាមរំពឹងថានឹងមានចង្កោមឧស្សាហកម្មចំនួន ១ ៧០៤ នៅទូទាំងតំបន់ជនបទរបស់ប្រទេស ប៉ុន្តែបញ្ហានៅក្នុងផែនការអភិវឌ្ឍន៍ និងការគ្រប់គ្រងនឹងនាំឲ្យមានគម្លាតបញ្ហាបរិស្ថាន។ មិនត្រឹមតែប៉ុណ្ណោះ កង្វះការការពារបរិស្ថាន កង្វះការការពារសុវត្ថិភាពសម្រាប់ការគ្រប់គ្រងសំណល់រឹង និងគ្រោះថ្នាក់បានគំរាមកំហែងដល់ភូមិទាំងនោះ។ ដើម្បីទប់ស្កាត់បញ្ហាបែបនេះ ក្រុមហ៊ុន Minh Hong Biotech បានបញ្ជេញការតស៊ូមតិរបស់ខ្លួនសម្រាប់ការសិក្សាអំពីផលប៉ះពាល់បរិស្ថានសមស្រប និងការគាំទ្រដល់ភ្នាក់ងាររដ្ឋាភិបាលមូលដ្ឋាន។

លើសពីនេះ Minh Hong Biotech សង្ឃឹមថារដ្ឋាភិបាលអាចគិតគូរពីផលប៉ះពាល់បរិស្ថាន និងការគ្រប់គ្រងកាកសំណល់នៅក្នុងផែនការអភិវឌ្ឍន៍ចង្កោមឧស្សាហកម្មរបស់ខ្លួន រួមទាំងពង្រឹងការការពារដែលនឹងធានាបាននូវសុខុមាលភាពសាធារណៈផងដែរ។ ការវិនិយោគលើសហគ្រាសដូចជា Minh Hong ក៏អាចជួយពង្រីកបន្ថែមទៀតឥទ្ធិពលរបស់ពួកគេផងដែរដូចជា បង្កើតឱកាសការងារកាន់តែច្រើនសម្រាប់ឪពុក ឬម្តាយដែកចិញ្ចឹមកូនម្នាក់ឯង ជនពិការ និងបង្កើនការប្រើប្រាស់ផលិតផលសរីរាង្គដែលមានតម្លៃសមរម្យ។ មួយវិញទៀត ការគ្រប់គ្រងសំណល់កសិកម្មឲ្យបានល្អប្រសើរនឹងជួយសម្រួលបន្ទុកពីកន្លែងចាក់សំរាមធំៗ ប្រព័ន្ធលូ ទប់ស្កាត់ការជន់លិច និងការបាក់ដីជាដើម៕