សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
មណ្ឌលគិរី៖ ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរនាពេលខាងមុខនេះ ប្រជាពលរដ្ឋ និងអ្នកធ្វើដំណើរ ក៏ដូចជាទេសចរជាតិ និងអន្តរជាតិ អាចធ្វើដំណើរឆ្លងកាត់ផ្លូវជាតិលេខ៧៦ ត្រង់កន្លែងដែលបាក់ស្រុតនោះ ដោយសារគុណភាពផ្លូវថ្នល់ត្រូវបានពង្រឹងគុណភាពរួចរាល់។
ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន នាថ្ងៃទី០៤ ខែមេសា បានដឹកនាំគណៈប្រតិភូក្រសួង និងមន្ត្រីជំនាញបច្ចេកទេសពាក់ព័ន្ធចុះត្រួតពិនិត្យគុណភាពសំណង់ផ្លូវតភ្ជាប់កំណាត់ផ្លូវជាតិលេខ៧៦ ដែលបានស្ថាបនារួចរាល់ជាស្ថាពរ ។
សូមរំលឹកថា៖ កំណាត់ផ្លូវប្រវែង១៦៦ម៉ែត្រ បានបាក់ស្រុតដោយសារការរអិលបាក់ដី នៅត្រង់ចំណុចអូរងើយ ភូមិអណ្ដូងក្រឡឹង ឃុំសែនមនោរម្យ ស្រុកអូររាំង ខេត្តមណ្ឌលគិរី (ចន្លោះ PK94+080 – PK94+150) កាលពីថ្ងៃទី០១ ខែសីហា ឆ្នាំ២០២៣ កន្លងទៅ។
ឯកឧត្តមរដ្ឋមន្ត្រីបានឱ្យដឹងថា៖បច្ចុប្បន្ននេះ ការស្ថាបនាផ្លូវថ្មីតភ្ជាប់ឡើងវិញប្រវែង ៤២៥ម៉ែត្រ(PK93+900-PK94+325) ការងារស្ថាបនាប្រឡាយ Rip-Rap និងលូកាត់ទទឹងផ្លូវ សម្រេចរួចរាល់១០០% ដោយបានបើកឱ្យធ្វើចរាចរណ៍ជាធម្មតា ហើយរំពឹងថានឹងទទួលបានការធ្វើដំណើរច្រើនពីសំណាក់អ្នកទេសចរ ក្នុងឱកាសបុណ្យចូលឆ្នាំថ្មីប្រពៃណីជាតិ នាពេលខាងមុខ។
ផ្លូវជាតិលេខ៧៦ (ស្នួល – សែនមនោរម្យ) មានប្រវែង១២៧គ.ម ជាប្រភេទផ្លូវ DBST បានចាប់ផ្ដើមការស្ថាបនា នៅក្នុងខែកុម្ភៈ ឆ្នាំ២០០៧ និងបញ្ចប់ការស្ថាបនា នៅក្នុងខែមីនា ឆ្នាំ២០១១ ដែលចំណាយថវិកា សាងសង់ចំនួនជិត៥២លានដុល្លារអាមេរិក។ផ្លូវនេះបានសម្ពោធបើកឱ្យប្រើប្រាស់ជាផ្លូវការ នៅថ្ងៃទី៣១ ខែមករា ឆ្នាំ២០១២។ ផ្លូវជាតិលេខ៧៦នេះ មិនធ្លាប់មានការខូចខាត ដែលតម្រូវឱ្យមានការជួសជុលម្តងណាទេ ហើយតែងតែទទួលបានការថែទាំជាប្រចាំរហូតមក៕
Account
Security
Favourite Content