សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ នៅទីបំផុត មីស៊ីលទំនើបបាញ់ចម្ងាយមធ្យមដែលកងកម្លាំងហ្វីលីពីនទន្ទឹងរង់ចាំតាំងតែពីឆ្នាំ២០២០នោះត្រូវបានដឹកជញ្ជូនមកដល់ទីក្រុង Luzon ហើយកាលពីដើមខែមេសាតាមរយៈយន្តហោះយោធាធុនធ្ងន់នៃរដ្ឋាភិបាលអាមេរិក C-17 Globemaster ដោយប្រើរយៈពេលហោះហើរដល់ទៅ១៥ម៉ោងក្នុងរយៈចំងាយប្រមាណជា៨០០០ម៉ាល។
ការដាក់ពង្រាយអាវុធថ្មី និងទំនើបបំផុតរបស់អាមេរិកមួយនេះត្រូវបាន The Defense News ចុះផ្សាយ និងយល់ឃើញថា គឺជាការសម្រេចតាមយុទ្ធសាស្ត្រពង្រឹងកម្លាំងរបស់អាមេរិកសាជាថ្មីនៅក្នុងប្រទេសហ្វីលីពីន ក៏ដូចជាក្នុងតំបន់ទាំងមូលប្រឆាំងដោយផ្ទាល់ទៅនឹងឥទ្ធិពលយោធារបស់មហាយក្សចិន។
យោងតាមសេចក្តីថ្លេងការណ៍ដោយកងកម្លាំងយោធាអាមេរិកប្រចាំតំបន់ប៉ាស៊ីហ្វិក U.S. Army Pacificកាលពីសប្ដាហ៍មុនបានលើកឡើងថា អង្គភាព 1st Multi-Domain Task Force របស់អាមេរិកបានដឹកជញ្ជូនអាវុធជាមីស៊ីល MRC Weapon (Mid-Range Capability)មកដល់ហ្វីលីពីនតាំងតែពីថ្ងៃទី១១ ខែមេសាម្ល៉េះ ដោយចេញពីមូលដ្ឋានទ័ព Lewis-McChord នៅរដ្ឋវ់ាស៊ិនតោន។
សេចក្តីថ្លែងការណ៍ដដែលបានសរសេរទៀតថា ការដាក់ពង្រាយទៅកាន់ទីតាំងដ៏សំខាន់នេះ គឺជាព្រឹត្តិការណ៍ដ៏សំខាន់មួយសម្រាប់ការពង្រឹងសមត្ថភាពថ្មីរបស់អាមេរិក ដែលការពង្រឹងអន្តរប្រតិបត្តិការ ការត្រៀមខ្លួន និងសមត្ថភាពការពារជាតិ ក្នុងការសម្របសម្រួលជាមួយកងកម្លាំងប្រដាប់អាវុធហ្វីលីពីនផងដែរ។
The Defense News បានតាមដានផែនការដាក់ពង្រាយអាវុធប្រភេទនេះតាំងតែពីឆ្នាំ២០២០មកម្ល៉េះ ប៉ុន្តែដំណើរការត្រូវបានអូសបន្លាយពេលជាច្រើនឆ្នាំមុន និងត្រូវបានយកមកពិភាក្សាឡើងវិញកាលពីដើមឆ្នាំនេះ។ គួរឲ្យដឹងដែរថា មីស៊ីលរយៈចំងាយមធ្យមជាទូទៅត្រូវបានគេកំណត់ថា នឹងអាចធ្វើការវាយប្រហារក្នុងគោលដៅដែលស្ថិតនៅចំងាយចាប់ពី៥០០ទៅ២០០០គីឡូម៉ែត្រ។
គួរឲ្យដឹងដែរថា ហ្វីលីពីនក៏ជាទីតាំងមួយដែលមានវត្តមាននៃមូលដ្ឋានទ័ពរបស់អាមេរិកនៅក្នុងអាស៊ីអាគ្នេយ៍ផងដែរបន្ទាប់ពីប្រទេសថៃ និងប្រទេសសិង្ហបុរី ដែលក្នុងនោះចំនួនទ័ពអាមេរិកបូករួមទាំងទ័ពអាកាស ទ័ពជើងទឹក ទ័ពពិសេសផ្សេងៗទៀត មានចំនួនសរុបប្រមាណជាង៦០០នាក់៕
Account
Security
Favourite Content