សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ តាមផែនការ នៅថ្ងៃទី១៤ ខែមិថុនា ខាងមុខនេះ ក្រុមបាតុករជនជាតិអាម៉េរិករាប់ពាន់នាក់នឹងប្រមូលផ្តុំគ្នានៅតាមទីតាំងនានាទូទាំងប្រទេសក្នុងគោលបំណងប្រឆាំងទៅនឹងគោលនយោបាយដឹកនាំរបស់លោកប្រធានាធិបតីអាម៉េរិក Donald Trump។
តើអ្វីទៅជាយុទ្ធនាការ No Kings ហើយហេតុអ្វីបានជាគេនាំគ្នាដាក់ឈ្មោះបែបនេះ?
តាមពិតទៅ ដំបូងឡើយ No Kings មិនអាចកកើតឡើងបាននោះទេប្រសិនបើមិនមានព្រឹត្តិការណ៍ប្រើប្រាស់កងកម្លាំងដ៏គួរឲ្យភ្ញាក់ផ្អើលរបស់លោកប្រធានាធិបតី Trump នៅ Los Angeles ដើម្បីបង្ក្រាបការតវ៉ាប្រឆាំងមួយរបស់ពលរដ្ឋក្នុងតំបន់ជាមួយនឹងអង្គភាពអនុវត្តច្បាប់អន្តោប្រវេសន៍ និងគយរបស់សហរដ្ឋអាម៉េរិ (U.S. Immigration and Customs Enforcement)។
ការដាក់ពង្រាយកងកម្លាំងដោយរដ្ឋបាលលោក Trump ដើម្បីបោសសំអាតក្រុមបាតុករទាំងដែលមិនមានការអនុញ្ញាតពីអភិបាលក្រុងនេះបានធ្វើឲ្យមានការខឹងសំបារពីសំណាក់ពលរដ្ឋកាន់តែខ្លាំងឡើង។
មូលហេតុផ្សេងទៀតដែលក្រុមបាតុករជាច្រើនក្រុមនឹងត្រូវប្រមូលផ្តុំគ្នានៅថ្ងៃនោះក៏ព្រោះតែវាចំថ្ងៃបុណ្យជាតិនៃការបង្កើតកងកម្លាំងយោធាសហរដ្ឋអាម៉េរិកលើកទី២៥០។ ឆ្នាំនេះ លោក Trump បានប្រកាសរៀបចំក្បួនដង្ហែរយោធាដែលពុំធ្លាប់មានផងដែរ ដោយប្រធានាធិបតីអាម៉េរិករូបនេះនឹងឈរបញ្ជារដោយផ្ទាល់នៅឯទីតាំង National Mall ។ ក្រៅពីនេះ សម្រាប់ថ្ងៃទី១៤ ខែមិថុនា ក៏ជាថ្ងៃកំណើតអាយុ៧៩ឆ្នាំរបស់លោក Donald Trump ផងដែរ។ មានបាតុករខ្លះបានលើកឡើងថា No Kings គឺសំដៅបញ្ជាក់ថា សហរដ្ឋអាម៉េរិកគឺពុំដែលមានស្តេចនិងមិនអាចមានសេ្តចនោះទេ ដែលពួកគេសំដៅទៅលើមេដឹកនាំរូបនេះផ្ទាល់តែម្តង។
ខ្ទង់ចំណាយដែលនឹងត្រូវប្រើប្រាស់មានទៅដល់ ៤៥លានដុល្លារ ដោយមានការចូលរួមការដើរក្បួនដោយយោធាប្រមាណជា ៧៥០០នាក់ និងរថយន្តយោធាជាង ១២០គ្រឿង។ ការដង្កែរក្បួនយោធានេះធ្លាប់ត្រូវបានលោក Trump ប៉ុនប៉ងរៀបចំតាំងពីអាណត្តិដំបូងរបស់ខ្លួនមកម្ល៉េះ ប៉ុន្តែមិនបានសម្រេចនោះទេ។
គួរឲ្យដឹងដែរថា ក្រុមអ្នករៀបចំការតវ៉ាបានអះអាងប្រាប់អ្នកកាសែតដែរថា ពួកគេនឹងរៀបចំការប្រមូលផ្តុំយ៉ាងហោចណាស់ ១ទីតាំងនៅតាមរដ្ឋទាំង៥០ ជាពិសេស ទីក្រុងធំៗ និងនៅតាមម៉ោងពេលវេលាផ្សេងៗគ្នាដែលបានរៀបចំរួចជាស្រេច៕
Account
Security
Favourite Content