សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
អស់រយៈពេលជាច្រើនឆ្នាំកន្លងមកនេះ គម្រោង Somah ( Solar on Multifamily Affordable Housing ) ត្រូវបានដាក់ឲ្យអនុវត្តនៅក្នុងរដ្ឋកាលីហ្វ័រញ៉ាដោយគិតត្រឹមក្នុងឆ្នាំ២០១៩ប៉ុណ្ណោះ ពលរដ្ឋដែលមានចំណូលទាប (Low-Income ) ប្រមាណជា១០០ខ្នងបានទទួលអត្ថប្រយោជន៍ពីកម្មវិធីនេះ។
Somah គឺជាកម្មវិធីរដ្ឋដែលត្រូវបានរៀបចំឡើងក្នុងគោលបំណងកាត់បន្ថយការចំណាយទៅលើថាមពលអគ្គិសនីតាមរយៈការតម្លើងផ្ទាំងសូឡាឥតគិតថ្លៃជូនពលរដ្ឋដែលមានចំណូលទាបនៅតាមដំបូលផ្ទះរបស់ពួកគេ។
ជារៀងរាល់ឆ្នាំគម្រោងនេះត្រូវប្រកាសស្វែងរកជំនួយប្រមាណជា១០០លានដុល្លារដើម្បីធ្វើយ៉ាងណាសម្រេចបានតាមផែនការឆ្នាំ២០៣០ បង្កើតថាមពលអគ្គិសនីពីសូឡាឲ្យបានទៅដល់៣០០មេហ្គាវ៉ាត់នៅទូទាំងរដ្ឋឬស្មើនឹងការផ្គត់ផ្គង់ដល់ពលរដ្ឋចំណូលទាបប្រមាណជា១៥ម៉ឺនគ្រួសារ។
បច្ចុប្បន្នថាមពលដែលបានមកពីផ្ទាំងសូឡាក្នុងប្រទេសអាមេរិកត្រូវបានគេមើលឃើញថាមានចំណែកតិចតួចបំផុតធៀបទៅនឹងថាមពលចម្រុះផ្សេងទៀតដែលរដ្ឋាភិបាលអាមេរិកកំពុងប្រើប្រាស់ពោលគឺមានត្រឹមតែ៣,៤ភាគរយប៉ុណ្ណោះនៃទំហំថាមពលអគ្គិសនីសរុបរបស់ប្រទេស។
រដ្ឋាភិបាលអាមេរិករំពឹងទុកថានៅត្រឹមឆ្នាំ២០២៣នេះប្រទេសត្រូវការថាមពលអគ្គិសនីបន្ថែមដល់ទៅ៣២ជីហ្គាវ៉ាត់គឺជាកំណត់ត្រាថ្មីមិនធ្លាប់មានដែលធៀបទៅនឹងតួលេខឆ្នាំ២០២២វាស្ថិតនៅក្នុងអត្រាកំណើនដល់ទៅ៥២ភាគរយ។
ជាក់ស្តែងកាលីហ្វ័រញ៉ាគឺជារដ្ឋដែលមានសក្តានុពលបំផុតសម្រាប់ការប្រើប្រាស់ថាមពលអគ្គិសនីទាញចេញពីផ្ទាំងសូឡាប៉ុន្តែកន្លងមកភាគច្រើនវាត្រូវបានគេមើលឃើញថាមានការប្រើប្រាស់តែជាមួយនឹងបណ្តាក្រុមពលរដ្ឋដែលជាអ្នកមានទ្រព្យសម្បត្តិធូរធាប៉ុណ្ណោះ។
គួរឲ្យដឹងដែរថាក្រៅតែពីមូលនិធិ១០០លានដុល្លារដែលរដ្ឋាភិបាលរបស់រដ្ឋកាលីហ្វ័រញ៉ាចំណាយហើយនោះពលរដ្ឋនៅទីនេះក៏នឹងអាចទទួលបានការគាំទ្រគម្រោងពីកញ្ចប់ថវិការបស់រដ្ឋាភិបាលអាមេរិកដែលបានអនុម័តកាលពីខែមិថុនាផងដែរនូវទំហំទឹកប្រាក់ដល់ទៅ៧ពាន់លានដុល្លារសម្រាប់គ្រប់កម្មវិធីដែលមានការពាក់ព័ន្ធទៅនឹងការអភិវឌ្ឍវិស័យថាមពលសូឡានេះ៕
Account
Security
Favourite Content