សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភពពី Weforum បានលើកឡើងថា វិស័យកសិកម្មត្រូវការបច្ចេកវិទ្យាជាចាំបាច់នាពេលបច្ចុប្បន្ននេះ ដោយសារការផលិត និងការប្រើប្រាស់ចំណីអាហារប្រចាំថ្ងៃរបស់មនុស្សភាគច្រើនបាននាំឱ្យមានបញ្ហាជាច្រើនដល់ភពផែនដី។
បច្ចុប្បន្ននេះ វិស័យកសិកម្មគឺជាប្រភពបញ្ចេញឧស្ម័នផ្ទះកញ្ចក់ធំជាងគេទី ២ លើពិភពលោកបន្ទាប់ពីវិស័យថាមពល។ វាក៏មានចំណែក ៧០ ភាគរយនៃការបាត់បង់ទឹកសាបទាំងអស់នៅទូទាំងពិភពលោកផងដែរ ដោយសារការផលិតហួសប្រមាណ និងការអនុវត្តកសិកម្មគ្មាននិរន្តរភាពបានបង្កឲ្យមានបម្រែបម្រួលអាកាសធាតុ។ សព្វថ្ងៃនេះ ដីកសិកម្មជាងពាក់កណ្តាលត្រូវបានរិចរិលដែលនាំឱ្យបាត់បង់ផលិតភាពចំនួន ៤០០ ពាន់លានដុល្លារក្នុងមួយឆ្នាំ។ ដូច្នោះហើយ ប្រព័ន្ធកសិកម្ម និងស្បៀងអាហារសកលចាំបាច់ត្រូវសម្របខ្លួនទៅនឹងផលប៉ះពាល់នៃបម្រែបម្រួលអាកាសធាតុ។ ខាងក្រោមនេះគឺជាដំណោះស្រាយបច្ចេកវិជ្ជាមួយចំនួនដែលអាចជួយដល់កសិកម្ម ៖
ការបំភាយឧស្ម័នសកលបានមកពីឧស្សាហកម្មកសិកម្មសត្វ ១៤,៥ ភាគរយ ដោយនៅក្នុងនោះ ៦៥ ភាគរយបានមកពីការចិញ្ចឹមគោយកសាច់ និងទឹកដោះគោ។ ឥឡូវនេះ វិនិយោគិនកំពុងមើលឃើញថានេះជាឱកាសមួយដើម្បីផ្តោតលើការច្នៃប្រឌិតប្រូតេអ៊ីន ដោយការវិនិយោគក្នុងផ្នែកនេះនៅអឺរ៉ុបបានកើនឡើងដល់ ៥៧៩ លានអឺរ៉ូ (៦២២ លានដុល្លារ) កាលពីឆ្នាំ២០២២ ។ ទោះបីជាយ៉ាងណាក្តី ដើម្បីធានាបាននូវការបំប្លែងប្រូតេអ៊ីនដែលអាចធានាបាននូវសុខភាពល្អ អាហារូបត្ថម្ភគ្រប់គ្រាន់ និងជួយដល់បរិស្ថាន វាត្រូវការចាំបាច់នូវការច្នៃប្រឌិតប្រកបដោយនិរន្តរភាព បង្កើតភាពចម្រុះ និងបំពេញតាមការរំពឹងទុករបស់អ្នកប្រើប្រាស់។ ដូច្នោះហើយ ការច្នៃប្រឌិតមានឈ្មោះថា Precision Fermentation ដែលជាការបំប្លែងហ្សែនដើម្បីផលិតប្រូតេអ៊ីនជាក់លាក់ អង់ស៊ីម និងសមាសធាតុផ្សេងៗទៀត។ វិធីសាស្ត្រនេះផ្តល់នូវដំណោះស្រាយបន្ថែមចំពោះវិធីសាស្រ្តផលិតទឹកដោះគោធម្មតា ការច្នៃប្រឌិតក្នុងការផលិតប្រូតេអ៊ីន ព្រមទាំងរួមចំណែកដល់ការកាត់បន្ថយផលប៉ះពាល់បរិស្ថានផងដែរ។ យ៉ាងណាមិញ ការផ្លាស់ប្តូរក្នុងវិស័យផលិតប្រូតេអ៊ីននេះគឺស្មុគស្មាញ ហើយការច្នៃប្រឌិតមានតម្លៃថ្លៃ។
ស្របពេលនេះដែរ បញ្ហាទឹកកំពុងក្លាយជាបញ្ហាសកលដ៏ធំមួយ ខណៈដែលស្ថានភាពគ្រោះរាំងស្ងួតកាន់តែអាក្រក់ទៅៗពីមួយឆ្នាំទៅមួយឆ្នាំ។ ទន្ទឹមនឹងនោះ ការច្នៃប្រឌិតអាចដើរតួយ៉ាងសំខាន់ក្នុងការផ្លាស់ប្តូរការអនុវត្តន៍កសិកម្មដែលអាចកំណត់បរិមាណជាក់លាក់នៃប្រព័ន្ធធារាសាស្រ្ត និងភាពជឿនលឿននៃបច្ចេកវិទ្យាជីវសាស្ត្រអាចជួយដំណាំធន់នឹងគ្រោះរាំងស្ងួតបានកាន់តែច្រើន។
Kilimo គឺជាវេទិកាឌីជីថលដែលប្រើប្រាស់ទិន្នន័យធំ និងម៉ាស៊ីនសិក្សា ដើម្បីផ្ទៀងផ្ទាត់ កែលម្អ និងទូទាត់ការប្រើប្រាស់ទឹកក្នុងវិស័យកសិកម្ម។ ថាមពលពិសេសនៃសូហ្វវែរនេះ ក៏ផ្តល់ជូននូវដំណោះស្រាយដល់កសិករផងដែរ។ ក្រោមការត្រួតពិនិត្យលើផ្ទៃដីជាង ៣៧០ ០០០ ហិកតានៅទូទាំងអាមេរិកឡាទីន ទឹកជាង ៧២ ពាន់លានលីត្រត្រូវបានសន្សំសំចៃទុករហូតមកដល់ពេលនេះ។
មិនត្រឹមតែប៉ុណ្ណោះ បច្ចេកវិទ្យាមានតួនាទីជួយកសិកម្មឲ្យសមស្របនឹងធម្មជាតិ ដើម្បីស្ដារឡើងវិញនូវសុខភាពដី និងជួយប្រយុទ្ធប្រឆាំងនឹងការប្រែប្រួលអាកាសធាតុផងដែរ។ ការប្រើប្រាស់បច្ចេកវិទ្យា និងទិន្នន័យ គឺជាកត្តាសំខាន់ក្នុងការមានឥទ្ធិពលក្នុងផ្នែកមួយនេះ។ ក្រុមហ៊ុនទំនើបៗដូចជា Boomitra កំពុងដាក់ពង្រាយបច្ចេកវិទ្យាផ្កាយរណប និងបច្ចេកវិទ្យា AI ដើម្បីអនុញ្ញាតឱ្យមានការត្រួតពិនិត្យ រាយការណ៍ និងផ្ទៀងផ្ទាត់ឥណទានដកកាបូននៅទូទាំងពិភពលោក។ Boomitra កំពុងធ្វើការជាមួយកសិករ និងបុគ្គលិកផ្នែកកសិកម្មជាង ១៥០ ០០០ នាក់ដែលគ្រប់គ្រងផ្ទៃដីសរុបចំនួន ៥ លានហិកតានៅទូទាំងទ្វីបអាហ្រ្វិក អាមេរិកខាងត្បូង និងអាស៊ី។ វេទិការឌីជីថលមួយនេះអាចកែលម្អក្នុងការពង្រឹងគុណភាពដី និងសមត្ថភាពរបស់ដីក្នុងការស្តុកទុកកាបូនតាមពេលវេលា ព្រមទាំងអនុញ្ញាតឱ្យកសិករទទួលបានប្រាក់ចំណូលពីការលក់កាបូនផងដែរ។ គំរូច្នៃប្រតិដ្ឋនេះត្រូវបានដាក់ឈ្មោះថា Boomitra បន្ទាប់ពីទទួលបានជោគជ័យយ៉ាងខ្លាំងនៅក្នុងកម្មវិធីពានរង្វាន់ Earthshot ៕
Account
Security
Favourite Content