កំពូលប្រទេសទាំង៦ កំពុងនាំមុខគេលើឧស្សាហកម្មផលិតថាមពលអគ្គិសនីដោយកម្លាំងខ្យល់

ថាមពលកកើតឡើងវិញ គឺជាដំណោះស្រាយតែមួយគត់សម្រាប់ទប់ទល់ទៅនឹងបញ្ហាបម្រែបម្រួលអាកាសធាតុ ហើយក៏ជាថាមពលដ៏ចាំបាច់បំផុតសម្រាប់ជីវិតរស់នៅរបស់មនុស្សជាតិនាពេលអនាគតដ៏ខ្លីខាងមុខនេះផងដែរ ពោលគឺនៅក្រោយពេលដែលផែនការជំនួសថាមពលហ្វូស៊ីលនឹងត្រូវបានជំនួសបាន១០០ភាគរយ។

ថាមពលកកើតឡើងវិញរាប់ចាប់តាំងតែពីថាមពលដែលបានមកពីជីវៈឧស្ម័នថាមពលដែលបានមកពីជីវៈឥន្ធនៈ ថាមពលបានមកពីជីវៈម៉ាស ថាមពលបានមកពីកំដៅក្នុងដី ថាមពលបានពីពន្លឺព្រះអាទិត្យ ថាមពលបានមកពីទឹកជោរ ជាពិសេសថាមពលដែលបានមកពីកម្លាំងខ្យល់ផងដែរ ដោយក្នុងនោះថាមពលចំនួន២ដែលត្រូវបានទាញយកយ៉ាងសកម្មបំផុតនៅក្នុងដំណាក់កាលនេះគឺថាមពលពីពន្លឺព្រះអាទិត្យ ឬសូឡា និងថាមពលបានមកពីកម្លាំងខ្យល់បក់ ហើយបច្ចុប្បន្នកំពុងរីករាលដាលស្ទើរគ្រប់ទីកន្លែង គ្រប់ប្រទេសនៅលើសកលលោករួចទៅហើយ។

រដ្ឋាភិបាលនៃបណ្តាប្រទេសធំៗលើសកលលោកបានធ្វើការវិនិយោគយ៉ាងខ្លាំងទៅលើថាមពលកកើតឡើងវិញ ជាពិសេសថាមពលពីកម្លាំងខ្យល់ដែលទាមទារនូវបច្ចេកវិទ្យាខ្ពស់ និងការចំណាយលើការសាងសង់ធំៗ និងទំហំច្រើន ជាពិសេសតួប៊ីនសម្រាប់ទាញយកកម្លាំងខ្យល់តែម្តង។

ជាលទ្ធផល គិតមកត្រឹមពេលបច្ចុប្បន្ននេះគេមើលឃើញថាកំពូលប្រទេសទាំង៦ដែលកំពុងនាំមុខគេនៅក្នុងឧស្សាហកម្មទាញយកថាមពលពីកម្លាំងខ្យល់នេះដែលក្នុងនោះមានដូចជា ៖

១.ចក្រភពអង់គ្លេស ៖ ត្រូវបានចាត់ទុកថាជាប្រទេសដែលមានទីតាំងល្អ និងអំណោយផលបំផុត ពីព្រោះថានឹងអាចសាងសង់តួប៊ីនបានច្រើនជាងគេបំផុតលើសកលលោកនាពេលអនាគត

២.អេស្បាញ ៖ កាលពីឆ្នាំ២០២១ ថាមពលខ្យល់បានក្លាយជាអ្នកនាំមុខគេក្នុងការផ្គត់ផ្គង់ថាមពលអគ្គិសនីបានច្រើនជាងគេបំផុតនៅទូទាំងប្រទេស

៣.ឥណ្ឌា ៖ គិតត្រឹមរដ្ឋ Tamil Nadu ប៉ុណ្ណោះ ថាមពលខ្យល់នៅទីនេះអាចផ្តល់ថាមពលអគ្គិសនីច្រើនជាងថាមពលដែលអូស្ត្រាលី ឬមិកស៊ិកូប្រើប្រាស់ទៀតផង

៤.អាល្លឺម៉ង់ ៖ ស្ថិតក្នុងប្លុកអឺរ៉ុប អាល្លឺម៉ង់ គឺជាអ្នកនាំមុខគេ និងផ្គត់ផ្គង់ថាមពលបានពីកម្លាំងខ្យល់បានច្រើនជាងគេ និងសំខាន់ជាងគេបំផុត ហើយក្នុងឧស្សាហកម្មនេះអាល្លឺម៉ង់អាចផ្តល់ការងារជំនាញជូនពលរដ្ឋដល់ទៅជាង១០ម៉ឺននាក់

៥.សហរដ្ឋអាមេរិក ៖ ប្រធានាធិបតីលោក Joe Biden ធ្លាប់បានធ្វើការប្តេជ្ញាចិត្តហើយថានឹងធ្វើឲ្យអាមេរិកអាចទាញយកថាមពលពីកម្លាំងខ្យល់ដល់ទៅ៣០ជីហ្គាវ៉ាត់នៅត្រឹមឆ្នាំ២០៣០ ដែលអាចផ្គត់ផ្គង់ថាមពលអគ្គិសនីជូនពលរដ្ឋប្រមាណជា១០លាននាក់ក្នុងមួយឆ្នាំ

៦.ចិន ៖ ចិន ជាប្រទេសដែលត្រូវបានគេទទួលស្គាល់ថាបាននាំមុខគេបំផុតចំពោះថាមពលកកើតឡើងវិញមួយប្រភេទនេះ ពីព្រោះថាបច្ចុប្បន្នថាមពលដែលទទួលបានគឺមានទំហំរហូតទៅដល់១ភាគ៤នៃថាមពលដែលពិភពលោកទាំងមូលអាចទាញបានពីកម្លាំងខ្យល់ដោយបច្ចុប្បន្នអាចផលិតបានថាមពលដល់ទៅ១០ជីហ្គាវ៉ាត់ និងកំពុងបន្តកើនឡើងនៃចំនួនថាមពលនេះជាប្រចាំឆ្នាំ២០ភាគរយ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សហភាពអឺរ៉ុបលើកឡើងថា ការដាក់ទណ្ឌកម្មលើសេដ្ឋកិច្ចរុស្ស៊ីពិតជាមានប្រសិទ្ធភាព

ព្រឹត្តិការណ៍, សេដ្ឋកិច្ច

• 25/07/2024

រដ្ឋមន្ត្រីហិរញ្ញវត្ថុសហភាពអឺរ៉ុប ៨ រូប លើកឡើងថា រុស្ស៊ីនិយាយកុហកអំពីកម្លាំងសេដ្ឋកិច្ចរបស់ខ្លួន ដោយសារមាន​សញ្ញា​ជា​ច្រើន​ដែល​បង្ហាញ​ថា​សេដ្ឋកិច្ច​រុស្ស៊ី​កំពុង​ធ្លាក់​ចុះ ហើយគួរតែមានទណ្ឌកម្ម ​និង​វិធានការ​ផ្សេង​បន្ថែមទៀត​ ដើម្បី​ធ្វើ​ឲ្យ​សេដ្ឋកិច្ច​រុស្ស៊ី​ចុះ​ខ្សោយ​កាន់តែមានប្រសិទ្ធភាព

រដ្ឋាភិបាល និងស្ថាប័នហិរញ្ញវត្ថុ សហការបង្កើនអាទិភាពហិរញ្ញប្បទានសម្រាប់វិស័យទឹកស្អាត

ព្រឹត្តិការណ៍, អាជីវកម្មថ្មី និងនវានុវត្ត

• 25/07/2024

វេទិកាទឹកស្អាតត្រូវផ្តោតលើការពង្រឹង​កិច្ច​សហការរវាងរដ្ឋ វិស័យឯកជននិងស្ថាប័នហិរញ្ញវត្ថuលើកកម្ពស់​លទ្ធភាព​ទទួលសេវា​ទឹក​ស្អាតទូទាំង​ប្រទេស​

នាពេលអនាគត កម្ពុជានឹងមានមជ្ឈមណ្ឌលភស្តុភារកម្មភ្នំពេញសម្រាប់ទាក់ទាញការវិនិយោគផ្នែកឡូជីស្ទីក

ព្រឹត្តិការណ៍, សេដ្ឋកិច្ច

• 25/07/2024

នាពេលអនាគតឆាប់ៗកម្ពុជា នឹងមានមជ្ឈមណ្ឌលភស្តុភារកម្មភ្នំពេញ សម្រាប់ទាក់ទាញការវិនិយោគផ្នែកឡូជីស្ទីកទាំងក្នុង និង ក្រៅប្រទេស

វិស័យមីក្រូហិរញ្ញវត្ថុបន្តចូលរួមចំណែកយ៉ាងសំខាន់ក្នុងការជំរុញកំណើនសេដ្ឋកិច្ច

ព្រឹត្តិការណ៍, ហិរញ្ញវត្ថុ

• 25/07/2024

វិស័យមីក្រូហិរញ្ញវត្ថុនៅតែបន្តចូលរួមចំណែកយ៉ាងសំខាន់ក្នុងការជំរុញកំណើនសេដ្ឋកិច្ច តាមរយៈការផ្តល់ផលិតផល និងសេវាហិរញ្ញវត្ថុផ្លូវការដល់ប្រជាពលរដ្ឋ ជាពិសេសប្រជាពលរដ្ឋនៅតាមតំបន់ជនបទ

រាជរដ្ឋាភិបាល​អាណត្តិថ្មី បាន​ដាក់​ចេញវិធានការជា​បន្តបន្ទាប់​ ​ដើម្បីជំរុញ​ការស្ដារ​វិស័យ​សំណង់ ​និងអចលនទ្រព្យ​

ព្រឹត្តិការណ៍, អចលនទ្រព្យ

• 25/07/2024

រដ្ឋាភបិាលបាល​បានដាក់ចេញនូវ​វិធានការ​ជា​បន្តបន្ទាប់ដើម្បីជំរុញវិស័យ​អចលនទ្រព្យ ​និងសំណង់ឱ្យ​ងើ​បឡើងវិញតាំងពីអាណត្តិ​ចាស់​ដល់អាណត្តិ​ថ្មី

F-16ថ្មីចំនួន២គ្រឿងនៃកញ្ចប់ចំណាយជិត២ពាន់លានដុល្លារ ចុះចតដល់ទឹកដីស្លូវ៉ាលើកដំបូងក្រោយរង់ចាំជាង២ឆ្នាំ

ព្រឹត្តិការណ៍, អាជីវកម្មថ្មី និងនវានុវត្ត

• 25/07/2024

F-16 បានបង្ហាញអំពីការចូលរួមចំណែកយ៉ាងសំខាន់ក្នុងការធ្វើឲ្យប្រសើរឡើង និងកាន់តែមានប្រសិទ្ធភាពនៃសមត្ថភាពការពារជាតិរបស់ស្លុវ៉ាគី

រដ្ឋាភិបាលអភិវឌ្ឍបណ្តាខេត្តជាប់ឆ្នេរសមុទ្រទៅជារបៀងសេដ្ឋកិច្ចពហុបំណង និងឈានទៅគោលដៅឆ្នេរទេសចរណ៍កម្រិតពិភពលោក

ព្រឹត្តិការណ៍, សេដ្ឋកិច្ច

• 25/07/2024

កម្ពុជា នឹងអភិវឌ្ឍបណ្តាខេត្តជាប់ឆ្នេរសមុទ្រឱ្យទៅជារបៀងសេដ្ឋកិច្ចពហុបំណង ប្រទាក់ក្រឡា និងជាគោលដៅទេសចរណ៍ឆ្នេរកម្រិតពិភពលោក

ការចូលរួមសេដ្ឋកិច្ចឌីជីថលសម្រាប់សហគ្រិនស្ត្រី នឹងធ្វើឱ្យកម្ពុជាឈានទៅរកការពង្រីកអាជីវកម្មក្នុងតំបន់អាស៊ាន

ព្រឹត្តិការណ៍, សេដ្ឋកិច្ច

• 25/07/2024

ការលើកកម្ពស់នៃការចូលរួមសេដ្ឋកិច្ចឌីជីថលសម្រាប់សហគ្រិនស្ត្រី នឹងធ្វើឲ្យកម្ពុជាឈានទៅរកការពង្រីកអាជីវកម្មទៅកាន់តំបន់អាស៊ានតាមរយៈប្រព័ន្ធអេឡិចត្រូនិក

ស្វែងយល់ពីបច្ចេកទេសដាំដំណាំផ្ទី ងាយៗមិនចំណាយកម្លាំងច្រើន ប៉ុន្តែទទួលបានទិន្នផលខ្ពស់

ជំនួញ, ព្រឹត្តិការណ៍

• 24/07/2024

ផ្ទី ជាដំណាំមួយប្រភេទងាយស្រួលដាំដុះ ទទួលបានផលច្រើន និងមានតម្រូវការទីផ្សារល្អ