សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី CNBC បានឱ្យដឹងថា សហរដ្ឋអាម៉េរិកបានបញ្ចូលអង្គភាពចិនជាង ៥០ ចូលក្នុងបញ្ជីខ្មៅនៃការនាំចេញរបស់ខ្លួនក្នុងគោលបំណងទប់ស្កាត់សមត្ថភាពចិនពីការប្រើប្រាស់បច្ចេកវិទ្យាបញ្ញាសិប្បនិម្មិត AI និងកុំព្យូទ័រកម្រិតខ្ពស់។
កាលពីថ្ងៃអង្គារ៍ ការិយាល័យឧស្សាហកម្ម និងសន្តិសុខរបស់ក្រសួងពាណិជ្ជកម្មសហរដ្ឋអាម៉េរិកបានបញ្ចូលអង្គភាព ៨០ ចូលក្នុងបញ្ជីខ្មៅនៃការនាំចេញរបស់ខ្លួន ដោយក្នុងនោះមានអង្គភាពចិនជាង ៥០ រួចទៅហើយ។ ក្រុមហ៊ុនទាំងនោះត្រូវបានចោទប្រកាន់ថា ពួកគេប្រព្រឹត្តសកម្មភាពផ្ទុយទៅនឹងសន្តិសុខជាតិ និងផលប្រយោជន៍គោលនយោបាយបរទេសរបស់សហរដ្ឋអាម៉េរិក។ ការចោទប្រកាន់នេះ ជាផ្នែកមួយនៃកិច្ចខិតខំប្រឹងប្រែងរបស់អាម៉េរិក ក្នុងការរឹតបន្តឹងទីក្រុងប៉េកាំងពីការប្រើប្រាស់បច្ចេកវិទ្យាកុំព្យូទ័រ exascale ដែលអាចដំណើរការទិន្នន័យយ៉ាងច្រើនក្នុងល្បឿនលឿនបំផុត ក៏ដូចជាបច្ចេកវិទ្យា កង់ទិច (Quantum) ជាដើម។ ជាក់ស្តែង វត្តមានបញ្ញាសិប្បនិមិត្តរបស់ចិន ដែលមានឈ្មោះថា DeepSeek បានដាក់សម្ពាធលើក្រុមហ៊ុនបច្ចេកវិទ្យាធំៗរបស់សហរដ្ឋអាមេរិក ដោយសារតែមានតម្លៃទាបជាងឆ្ងាយ។
ទាក់ទិននឹងចំណុចនេះ នាយកដ្ឋានពាណិជ្ជកម្មអាម៉េរិកបានលើកឡើងពីមូលហេតុដែលអង្គភាពចិនត្រូវបានកំណត់គោលដៅថា ដោយសារពួកគេជាប់ពាក់ព័ន្ធក្នុងការអភិវឌ្ឍ AI ទំនើប កុំព្យូទ័រទំនើប និងបន្ទះឈីប AI កម្រិតខ្ពស់ ដែលបម្រើឱ្យគោលបំណងយោធា។ យ៉ាងណាមិញ ក្នុងចំណោមអង្គភាពទាំងនោះ មានអង្គភាពរបស់ចិនចំនួន ២៧ ត្រូវបានហាមឃាត់ការទិញទំនិញ និងគ្រឿងឧបករណ៍ពីសហរដ្ឋអាម៉េរិកពាក់ព័ន្ធនឹងការធ្វើទំនើបកម្មយោធារបស់ចិន ព្រមទាំងហាមឃាត់ក្រុមហ៊ុនចំនួន ៧ ដែលពាក់ព័ន្ធនឹងបច្ចេកវិទ្យាកង់ទិច (Quantum) របស់ចិន។
ជាការឆ្លើយតប ក្រសួងការបរទេសចិនបានលើកឡើថា ខ្លួនប្រឆាំងយ៉ាងដាច់អហង្ការចំពោះការរឹតបន្តឹងការនាំចេញរបស់អាម៉េរិក។
បើទោះជាយ៉ាងនេះក្ដី លោក Alex Capri សាស្ត្រាចារ្យជាន់ខ្ពស់នៅសាកលវិទ្យាល័យជាតិសិង្ហបុរី បានលើកឡើងថា វិធានការថ្មីនេះនឹងប៉ះពាល់ដល់ប្រទេសទី៣ ដោយសារក្រុមហ៊ុនចិនអាចចូលប្រើប្រាស់បច្ចេកវិទ្យារបស់សហរដ្ឋអាម៉េរិកតាមរយៈភាគីទី៣ នេះឯង។ ភាគីទី៣នេះ ជាចន្លោះប្រហោងដែលនៅតែអនុញ្ញាតឱ្យក្រុមហ៊ុនចិនចូលប្រើបច្ចេកវិទ្យារបស់សហរដ្ឋអាម៉េរិកបាន ទោះបីជាមានការរឹតបន្តឹងក៏ដោយ ដូច្នេះហើយ មន្ត្រីអាម៉េរិកនឹងបន្តបង្កើនប្រតិបត្តិការតាមដាន ជាពិសេសបច្ចេកវិទ្យា ឬ ឧបករណ៍កម្រិតខ្ពស់ដែលផលិតដោយ Nvidia និង AMD។
គួរបញ្ជាក់ថា សកម្មភាពរឹតបន្តឹងលើការនាំចេញកាន់តែកើនឡើង ដោយសាររដ្ឋបាលរបស់លោក Trump កំពុងដំឡើងពន្ធប្រឆាំងនឹងប្រទេសចិន។ ការណ៍នេះ បានធ្វើឲ្យជម្លោះពាណិជ្ជកម្មរវាងទីក្រុងវ៉ាស៊ីនតោន និងទីក្រុងប៉េកាំងកាន់តែមានភាពតានតឹងកាន់តែខ្លាំង៕
Account
Security
Favourite Content