សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
សៀមរាប ៖ ក្រៅពីជួយទាក់ទាញទេសចរអន្តរជាតិ និងក្នុងស្រុក ឧទ្យានកម្សាន្ត Angkor Wildlife & Aquarium បានជួយថែរក្សា និងអភិរក្សសត្វទឹកសាប ទឹកប្រៃ និងសត្វព្រៃ ដែលជាសត្វកម្រ។ ភ្ញៀវទេសចរទាំងក្នុង និងក្រៅស្រុក ដែលបានមកលេងទីនេះ គឹមិនត្រឹមបានកម្សាន្តមើលសត្វប្លែកៗ និងស្រស់ស្អាតប៉ុណ្ណោះទេ តែថែមទាំងទទួលបានចំណេះដឹងផ្សេងៗអំពីសត្វព្រៃកម្រ និងសត្វនៅក្នុងទឹកសាប និងទឹកប្រៃផងដែរ។
លោក អុល វណ្ណដា អ្នកគ្រប់គ្រងទូទៅឧទ្យានកម្សាន្ត Angkor Wildlife & Acqurius បានឲ្យដឹងថា៖ ក្រុមហ៊ុនគ្រោងចំណាយទុនវិនិយោគប្រមាណ៧០លានដុល្លារ លើផ្ទៃដីទំហំ ១០០ហិកតា ប៉ុន្តែបច្ចុប្បន្នក្រុមហ៊ុនទើបតែធ្វើការអភិវឌ្ឍន៍បានចំនួន១១ហិកតាប៉ុណ្ណោះ ខណៈដែលបច្ចុប្បន្ននេះ ឧទ្យានកម្សាន្ត Angkor Wildlife & Acqurs បានផ្តល់ការងារឲ្យប្រជាពលរដ្ឋខ្មែរចំនួន១៤០នាក់។
អ្នកគ្រប់គ្រងទូទៅនៃឧទ្យាន Angkor Wildlife & Aquarium រូបនេះបានឱ្យដឹងទៀតថា ៖
«នៅទីនេះ មានសត្វចម្រុះ ដែលភាគច្រើនជាសត្វក្នុងស្រុក ហើយសត្វក្នុងស្រុកយើង ខ្លះគឺជាសត្វអភិរក្ស និងសត្វមួយចំនួនត្រូវបាននាំចូល ប៉ុន្តែសុទ្ធតែជាសត្វស្ថិតនៅក្នុងលក្ខខណ្ឌការងារ និងអភិរក្សទាំងអស់ ព្រោះនៅទីនេះមិនមែនជាសួនសត្វដែលយើងទិញយកមកដាក់តាំងបង្ហាញនោះទេ តែជាកន្លែងដែលផ្តល់ជម្រកឱ្យសត្វ ដើម្បីឱ្យសត្វមានការរស់នៅមួយដ៏ល្អប្រសើរ ប្រសិនណាវាឈឺយើងនឹងជួយ ហើយប្រសិនជាកំពុងមានការគំរាមកំហែង យើងត្រូវជួយសង្គ្រោះវា ។ នៅពេលយើងជួយសង្គ្រោះបានហើយ យើងត្រូវយកវាទៅប្រលែងនៅដែនជម្រកអភិរក្សនៅសៀមប៉ាង» ។
លោក អុល វណ្ណដា បាននិយាយថា ៖
«បន្ទាប់ពីបានទស្សនារួចហើយ ភ្ញៀវភាគច្រើនតែងតែលើកឡើងថា ហាក់ទទួលបាននូវបទពិសោធន៍ថ្មីៗ ដែលមិនធ្លាប់មានពីមុនមក ពិសេសត្រីទឹកសាប (ស្តេចត្រីទន្លេមេគង្គ) ដូចជា ត្រីរាជ និង ត្រីគល់រាំង ត្រីប៉ាសេអ៊ី ជាដើម ។ សម្រាប់ត្រីទឹកប្រៃ យើងមានដូចជា បបែល (ច្រើនប្រភេទ) ឆ្លាម (២ ទៅ ៣ប្រភេទ) និងសត្វព្រៃមានដូចជា ខ្លាធំ ភេ ខ្លាឃ្មុំ ។ យើងមានផ្ទះសត្វល្មូនផងដែរ ដែលមានដូចជាសត្វពស់ ទាំងមានពិសនិងអត់ពិស ចំនួនច្រើនប្រភេទ ដូចនេះបងប្អូនអាចដឹងថាពស់ប្រភេទណាយើងអាចទៅជិត ពស់ប្រភេទណាយើងមិនគួរទៅជិត»។
ឧទ្យានកម្សាន្ត Angkor Wildlife & Aquarium មានទីតាំងស្ថិតនៅភូមិ ខ្ចាស់ ឃុំក្បូន ស្រុកសូទ្រនិគម ក្នុងខេត្តសៀមរាប ។ ឧទ្យាននេះបានបើកដំណើរការជាផ្លូវការ កាលពីថ្ងៃទី ០១ ខែវិច្ឆិកា ឆ្នាំ ២០២២ ក្រោមទុនវិនិយោគរួមគ្នារវាងម្ចាស់ភាគហ៊ុនខ្មែរ អាមេរិក និងជប៉ុន តម្លៃ ៧០ លានដុល្លារអាមេរិក លើផ្ទៃដីសរុប ១០០ ហិកតា (ស្ថិតក្នុងផែនការមេ)។ តម្លៃសំបុត្រចូលទស្សនាសម្រាប់ជនជាតិខ្មែរតម្លៃពី ៥.៥០ ទៅ ១១ ដុល្លារក្នុងម្នាក់ សម្រាប់ភ្ញៀវបរទសម្នាក់តម្លៃ២០ដុល្លារ ។
បច្ចុប្បន្នទើបតែដំណើរការគំរោងទី១លើផ្ទៃដី ១០ ហិកតាប៉ុណ្ណោះ គឺនៅមានគំរោងទី ២ និងទី ៣បន្ថែមទៀត ។ ប្រសិនបើមានការគាំទ្រពីសំណាក់ភ្ញៀវជាតិនិងអន្តរជាតិ នោះយើងនឹងអាចបន្តទៅគំរោងទី២និងទី៣ ដែលអាចចេញជារូបរាងបន្តបន្ទាប់ទៀត។ បច្ចុបន្នឧទ្យាននេះមានបុគ្គលិកបម្រើការងារមានចំនួន ១៤០ នាក់ (១១ នាយកដ្ឋាននិងផ្នែក) តែផ្នែកអភិរក្សសត្វមានត្រឹមតែ ១៦នាក់ប៉ុណ្ណោះ ៕
Account
Security
Favourite Content