ភ្នំពេញ ៖ វ៉ាក់សាំងស៊ីណូវ៉ាក់ដែលដឹកមកដល់ប្រទេសកម្ពុជានៅព្រឹកថ្ងៃនេះ គឺជាវ៉ាក់សាំងជើងទី5 ស្មើនឹងទី5លានដូស ដែលដឹកមកដល់ប្រទេសកម្ពុជានៅក្នុងខែមិថុនា។ ការរកវ៉ាក់សាំងមកចាក់ជូនប្រជាពលរដ្ឋ គឺជាដំណោះស្រាយជាយុទ្ធសាស្ត្រមួយរបស់រាជរដ្ឋាភិបាលកម្ពុជាក្នុងការប្រយុទ្ធប្រឆាំងនឹងជំងឺកូវីដ-19។ គិតត្រឹមថ្ងៃទី26 ខែមិថុនា កម្ពុជាទទួលបានវ៉ាក់សាំងទាំងជំនួយ និងការបញ្ជាទិញសរុបប្រមាណ 10លានដូសរួចរាល់ហើយ។
លោក វង្សី វិស្សុត រដ្ឋមន្ត្រីប្រតិភូអមនាយករដ្ឋមន្ត្រី និងជារដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ បានឱ្យដឹងថា កម្ពុជានឹងទទួលបានវ៉ាក់សាំងគ្រប់ 20លានដូសនៅត្រឹមខែសីហា ឆ្នាំ2021នេះ។ ក្នុងនោះខែកក្កដា និងខែសីហា វ៉ាក់សាំងសរុប 9លានដូសទៀតមកដល់ប្រទេសកម្ពុជាជាបន្តបន្ទាប់។
ឯកឧត្តម វង្សី វិស្សុត បានគូសបញ្ជាក់ថា ការមកដល់របស់វ៉ាក់សាំង គឺបានលឿនជាងផែនការដែលកម្ពុជាបានកំណត់។ ដើមឡើយកម្ពុជារំពឹងថា វ៉ាក់សាំង20លានដូសអាចទទួលបានរហូតដល់ដាច់ឆ្នាំ ឬដើមឆ្នាំ2022។
ឯកឧត្តមបានលើកឡើងថា ភាពជោគជ័យនៃការទទួលបានវ៉ាក់សាំងអាស្រ័យលើកត្តាសំខាន់ពីរ រួមមានកត្តាសម្តេចតេជោ ដែលបានប្រឹងប្រែងស្វះស្វែងរកទិញដោយដាក់ចេញនូវយុទ្ធសាស្ត្រជាច្រើន ហើយកត្តាមួយទៀត គឺសម្តេចតេជោ ជាបុគ្គលដែលរដ្ឋាភិបាលចិនផ្តល់តម្លៃ និងមានទំនាក់ទំនងល្អ។
តាមរយៈវត្តមានវ៉ាក់សាំង ដែលបានមកដល់មុនផែនការកំណត់នេះ ឯកឧត្តម វង្សី វិស្សុត បានឱ្យដឹងថា រាជរដ្ឋាភិបាលនឹងរៀបចំផែនការចាក់វ៉ាក់សាំងជូនប្រជាពលរដ្ឋធ្វើយ៉ាងណាឱ្យបានលឿន។ តាមក្ដីរំពឹងទុកថា ការចាក់វ៉ាក់សាំងជូនប្រជាពលរដ្ឋអាចរួចរាល់ក្នុងអំឡុងខែវិច្ឆិកា ឬខែធ្នូ ឆ្នាំ2021នេះ។
សូមបញ្ជាក់ថា គិតចាប់ពីថ្ងៃទី10 ខែកុម្ភៈ រហូតដល់ថ្ងៃទី26 ខែមិថុនា កម្ពុជាចាក់វ៉ាក់សាំងជូនប្រជាពលរដ្ឋ និងជនបរទេសរស់នៅ និងធ្វើការនៅកម្ពុជា បានចំនួនជិត 4លាននាក់ ស្មើនឹងជិត 40ភាគរយហើយ។ ការចាក់វ៉ាក់សាំងជូនប្រជាពលរដ្ឋរួចរាល់តាមផែនការ នឹងជួយឱ្យកម្ពុជាអាចគ្រប់គ្រងការរីករាលដាលជំងឺកូវីដ-19 បានល្អ ដែលជាបុព្វហេតុមួយជួយឱ្យកម្ពុជាឈានទៅសម្រេចបានស្ថានភាពភាពសេដ្ឋកិច្ចល្អប្រសើរផងដែរ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧ព័ត៌មានទូទៅ
មើលទាំងអស់ ➧Kukula Solar ធ្វើការជាមួយអ្នកលក់ផលិតផលថាមពលពន្លឺព្រះអាទិត្យជាស្ត្រី និងយុវជនពីសហគមន៍ក្រីក្រ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 25/04/2024
គំរូអាជីវកម្មបរិយាបន្នរបស់ Kukula Solar គឺការធ្វើការជាមួយអ្នកលក់ផលិតផលថាមពលពន្លឺព្រះអាទិត្យជាស្ត្រី និងយុវជនពីសហគមន៍មូលដ្ឋាន ដើម្បីជំរុញការធ្វើទីផ្សារផលិតផលពន្លឺព្រះអាទិត្យ និងផ្តល់ការគាំទ្របន្ថែមដូចជាការជួសជុល និងសេវាកម្មអតិថិជនក្នុងសហគមន៍របស់ពួកគេ
ពិភពលោកឆ្ពោះទៅរកថាមពលកាបូនកម្រិតទាប ប៉ុន្តែត្រូវគ្រប់គ្រងឲ្យមានប្រសិទ្ធភាពលើវត្ថុធាតុដើមកម្រ
ព្រឹត្តិការណ៍, អាជីវកម្មថ្មី និងនវានុវត្ត
• 25/04/2024
ពិភពលោកឆ្ពោះទៅរកថាមពលកាបូនកម្រិតទាប ប៉ុន្តែត្រូវគ្រប់គ្រងឲ្យមានប្រសិទ្ធភាពលើវត្ថុធាតុដើមកម្រ
Barefoot College ជួយផ្លាស់ប្តូរជីវភាពសហគមន៍ក្រីក្រ និងជួយបណ្តុះបណ្តាលស្ត្រីទៅជាវិស្វករក្នុងវិស័យថាមពលសូឡា
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 24/04/2024
Barefoot College បាន និងបន្តបេសកកម្មរបស់ខ្លួនទៅតាមគោលការណ៍អភិវឌ្ឍប្រកបដោយចិរភាព ហើយបានចូលរួមក្នុងកិច្ចការងារជាច្រើនជាមួយប្រជាសហគមន៍ក្រីក្រ