សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ កសិករជាច្រើននៅក្នុងស្រុកសូត្រនិគម ខេត្តសៀមរាបបាននាំគ្នាបង្កើនសកម្មភាពកែប្រែដីតូចៗរបស់ខ្លួនដែលនៅទំនេរឱ្យទៅជាប្រភពចំណូលសម្រាប់ផ្គត់ផ្គង់គ្រួសារ និងផ្គត់ផ្គង់ការសិក្សារបស់កូនៗ ដោយខែវស្សាពួកគាត់នាំគ្នាធ្វើស្រែ ហើយបន្ទាប់ពីខែវស្សាចូលដល់រដូវប្រាំងពួកគាត់ក៏នាំគ្នាដាំបន្លែ សម្រាប់ផ្គត់ផ្គង់ទីផ្សារនៅក្នុងតំបន់ និងក្នុងខេត្តសៀមរាបទាំងមូល ដោយមានដីក្នុងម្នាក់ៗត្រឹមតែ ២០ម៉ែត្រគុណនឹង ៤០ម៉ែត្រ ឬ ធំជាងនេះតិចតួចប៉ុណ្ណោះ ។
លោកស្រី ធឿន សាវង់ កសិករក្នុងភូមិគោកឫស្សី ស្រុកសូត្រនិម ខេត្តសៀមរាប បានឱ្យដឹងថា ប្រជាកសិករក្នុងសហគមន៍របស់អ្នកស្រីនៅភាគច្រើនក្រៅពីការធ្វើស្រែពួកគាត់បានបន្ថែមរបរមួយទៀតគឺដាំបន្លែ និងដំណាំផ្សេងៗ នៅក្នុងក្បែរៗផ្ទះ ហើយម្នាក់ៗមិនមានដីធំៗ សម្រាប់ដាំដុះនោះទេ ជាក់ស្ដែងអ្នកស្រីមានដីទំនេរត្រឹមតែប្រមាណ២០ម៉ែត្រគុណនឹង៣០ម៉ែត្រប៉ុណ្ណោះ ប៉ុន្តែអ្នកស្រីបានដាំបន្លែផ្សេងៗ នៅលើដីនោះដើម្បីរកប្រភពចំណូលបន្ថែម ។
អ្នកស្រីបន្តថា ៖
“យើងមានដីទំនេរតូចៗតែយើងមិនចង់ឱ្យដីនោះទំនេរអត់ប្រយោជន៍ក៏យកវាមកដាំដំណាំពេលរដូវប្រាំង ដូចជា ដាំម្ទេស ល្ពៅ ត្រសក់ជាដើម ជាជាងដែលយើងនៅទំនេរ ហើយអត់មានប្រភពចំណូលសោះតែម្ដង ។ ណាមួយការដាំដុះបន្លែបង្កានៅក្បែរៗផ្ទះនេះ ក៏ជារបរមួយដែលមិនចាំបាច់ឱ្យយើងធ្វើចំណាកស្រុកទៅធ្វើការងារនៅក្រៅប្រទេស ឬនៅរាជធានីភ្នំពេញឆ្ងាយពីផ្ទះដែរ។ ក្នុងមួយរដូវៗ បើគិតសរុបពីចំណូលដែលលក់កសិផលជុំវិញផ្ទះបានប្រមាណ៤លានរៀលទៅ៥លានរៀលដែរ និងអាចផ្គត់ផ្គង់គ្រួសារបានមួយកម្រិត សម្រាប់កូនៗសិក្សាផងដែរ ហើយធ្វើឱ្យជុំវិញផ្ទះមើលទៅស្រស់ស្អាត មានដំណាំ មានរុក្ខជាតិលម្អទៀតផង”
អ្នកស្រីថា ៖
“កសិករនៅក្នុងសហគមន៍យើងមិនមានដីធំៗនោះទេ ម្នាក់ៗមានត្រឹមកន្លះហិចតា ឬយ៉ាងច្រើនមួយហិចតាប៉ុណ្ណោះ ដោយត្រូវចំណាយលើសង់ផ្ទះផង និងសល់ខ្លះសម្រាប់ទុកដាំបន្លែបង្ការកចំណូល”
លោកស្រីបញ្ជាក់ថា ដំណាំ និងបន្លែដែលកសិករក្នុងស្រុកសហគមន៍ដាំដុះជាបន្លែសុវត្ថិភាព មិនប្រើប្រាស់ថ្នាំពុលគីមី តែមកប្រើប្រាស់ថ្នាំពុលធម្មជាតិជំនួសវិញ ដោយមានការគាំទ្រពីអង្គការ GRET Cambodia ។ ដូច្នេះ បន្លែ និងកសិផលដែលនាំចេញពីសហគមន៍ មិនប៉ះពាល់ដល់អ្នកប្រើប្រាស់ ឬអ្នកបរិភោគ ហើយអ្នកដាំក៏មានសុវត្ថិភាពមិនប៉ះពាល់ដល់សុខភាពនោះដែរ។
លោក សាន សំណាង កសិករនៅភូមិត្រពាំងថ្នល់ ឃុំកន្ទ្រាំង ស្រុកប្រាសាទបាគង ខេត្តសៀមរាបក៏បានឱ្យដឹងដែរថា លោកមានដីទំនេរនៅក្បែរផ្ទះទំហំប្រមាណ៣០គុណនឹង៥០ម៉ែត្រ ហើយលោកបានប្រើប្រាស់ដីនេះសម្រាប់ដាំម្ទេសផ្គត់ផ្គង់ទៅទីផ្សារនៅក្នុងខេត្តសៀមរាប។
លោកថា ៖
“ពេលយើងដាំដំណាំបានផល យើងអត់ព្រួយពីទីផ្សារក្នុងការលក់ចេញទេ ដោយមានឈ្មួញកណ្ដាលចុះមកទិញទំនិញរបស់យើងនៅដល់ផ្ទះតែម្ដង។ កត្តាទាំងនេះបានជំរុញឱ្យកសិករក្នុងសហគមន៍យើងបាននាំគ្នាដំាំបន្លែបង្កាផ្សេងៗ ដើម្បីរកចំណូលបន្ថែមពីដីទំនេរនៅក្បែរៗផ្ទះ”
លោកបន្តថា ជាការកត់សម្គាល់ឃើញថា ក្រោយពីកសិករបាននាំគ្នាកែប្រែដីទំនេរនៅក្បែរៗផ្ទះឱ្យទៅជាសួនបន្លែ និងដំណាំផ្សេងៗទៀត បានធ្វើឱ្យជីវភាពរបស់កសិករបានប្រសើរបន្តិច ហើយយ៉ាងហោចណាស់ក៏ពួកគាត់មិនធ្វើចំណាកស្រុកទៅធ្វើការនៅក្រៅប្រទេសបែកពីប្រពន្ធ កូនដែរ ដោយបានរស់នៅជុំគ្រួសារ និងមានចំណូលសម្រាប់ផ្គត់ផ្គង់គ្រួសារប្រចាំថ្ងៃ ។
លោកបន្ថែមថា ៖
“បច្ចុប្បន្ននេះមានអង្គការមួយបានបណ្ដុះបណ្ដាលពួកយើង និងជួយពួកយើងឱ្យមានជំនាញ និងបច្ចេកទេសក្នុងការដាំដុះដោយមិនប្រើថ្នាំគីមី ដោយប្រើថ្នាំធម្មជាតិជំនួសវិញ ដូចជាការផ្សំដើមរុក្ខជាតិនៅជុំវិញផ្ទះធ្វើជាសម្លាប់សត្វល្អិតបំផ្លាញដំណាំជាដើម ហើយបើសិនជាអង្គការនេះអស់គម្រោងសម្រាប់បន្តជួយពួកយើង ពួកយើងអាចនឹងមានចំណេះដឹងខ្លះៗក្នុងការជួយខ្លួនឯង ឬអាចរកដៃគូផ្សេងមកជួយគាំទ្រដែរ”
លោកបញ្ជាក់ថា សម្រាប់កសិករដទៃទៀតមិនថានៅតែក្នុងខេត្តសៀមរាប ឬបណ្ដាខេត្តនោះទេ បើសិនជាមានដីទំនេរៗ អាចប្រើប្រាស់ក្នុងការបង្កើនចំណូលបន្ថែម ដោយមិនចាំបាច់ធ្វើចំណាកស្រុកទៅក្រៅប្រទេស តែអាចកែប្រែដីតូចៗរបស់ខ្លួនឱ្យទៅជាប្រភពចំណូលសម្រាប់គ្រួសារ និងអាចនៅជួបជុំគ្នាកូនៗ បានរៀនសូត្រខ្ពស់ៗផងដែរ ជាពិសេសថែមទាំងជួយដល់បរិស្ថាន និងសុខភាពខ្លួនឯងដោយមិនទិញរបស់ពីខាងក្រៅដោយមិនដឹងប្រភពច្បាស់លាស់ ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សន្និសីទធនាគារនៅកម្ពុជាលើកទី៥៖ “ការដាក់ចេញអាទិភាពសម្រាប់ស្ថិរភាពហិរញ្ញវត្ថុ បង្កើនជំនឿទុកចិត្ត និងកំណើនដោយចីរភាព”
ព្រឹត្តិការណ៍, អត្ថបទពាណិជ្ជកម្ម
• 21/08/2026
សមាគមធនាគារនៅកម្ពុជា(ABC) បានរៀបចំ សន្និសីទធនាគារនៅកម្ពុជា ឆ្នាំ២០២៦រយៈពេល២ថ្ងៃកាលពីថ្ងៃទី១៩ និង២០ ខែសីហា នៅសណ្ឋាគារ សុខា ភ្នំពេញ ក្រោមមូលបទ “ការរក្សាស្ថិរភាព ការពង្រឹងសុចរិតភាពហិរញ្ញវត្ថុ ទំនុកចិត្ត និងភាពជឿជាក់លើប្រព័ន្ធធនាគារ”
រយៈពេល ៣ឆ្នាំ កម្ពុជាទទួលបានគម្រោងវិនិយោគសរុបចំនួនជាង ១៤៩០គម្រោង ក្នុងទំហំទុនវិនិយោគជិត ២៦ពាន់លានដុល្លារ
Top News, ព្រឹត្តិការណ៍, សេដ្ឋកិច្ច
• 21/08/2026
ចាប់តាំងពីការកកើតរាជរដ្ឋាភិបាលក្នុងអាណត្តិទី៧ រហូតដល់ដំណាច់ខែកក្កដា ឆ្នាំ២០២៦ ក្រុមប្រឹក្សាអភិវឌ្ឍន៍កម្ពុជាទទួលបានគម្រោងវិនិយោគចុះបញ្ជីសរុបចំនួន ១ ៤៩៣គម្រោង ជាមួយនឹងដើមទុនសរុបចំនួនជិត ២៦ពាន់លានដុល្លារអាម៉េរិក
៣ឆ្នាំ នៃអាណត្តិសម្ដេចធិបតី យុវជនក្រក្រី និងប្រជាពលរដ្ឋជិត ៥០ម៉ឺននាក់ មានជំនាញជាក់លាក់ ជាគន្លឹះទទួលបានការងារសមរម្យ
Top News, ព្រឹត្តិការណ៍, សេដ្ឋកិច្ច
• 21/08/2026
រយៈពេល ៣ឆ្នាំ នៃអាណត្តិសម្ដេចធិបតី យុវជនក្រក្រី និងប្រជាពលរដ្ឋជិត ៥០ម៉ឺននាក់ មានជំនាញជាក់លាក់ ជាគន្លឹះទទួលបានការងារសមរម្យ បង្កើនប្រាក់ចំណូល
គ្រឹះស្ថាន ខេមា និង Mission Alliance រួមគ្នាពង្រឹងចំណេះដឹងហិរញ្ញវត្ថុ និងជំនាញអាជីវកម្មដល់សហគ្រិនខ្នាតមីក្រូ
ព្រឹត្តិការណ៍, អត្ថបទពាណិជ្ជកម្ម
• 21/08/2026
គ្រឹះស្ថាន ខេមា មីក្រូហិរញ្ញវត្ថុ លីមីតធីត និង Mission Alliance ប្រចាំប្រទេសកម្ពុជា បានចុះអនុស្សរណៈយោគយល់គ្នា ដើម្បីរួមគ្នាលើកកម្ពស់ចំណេះដឹងហិរញ្ញវត្ថុ និងជំនាញអាជីវកម្មដល់ម្ចាស់អាជីវកម្មខ្នាតមីក្រូ និងបុគ្គលស្វ័យនិយោជន៍ នៅតាមតំបន់ប្រតិបត្តិការរបស់គ្រឹះស្ថាន ខេមា
ព្រះមហាក្សត្រ ស្ដេចយាងសម្ពោធដាក់ឱ្យប្រើប្រាស់វិមានសាមគ្គីភាពនៃព្រឹទ្ធសភាកម្ពុជា
ព្រឹត្តិការណ៍, អាជីវកម្មថ្មី និងនវានុវត្ត
• 21/08/2026
វិមានសាមគ្គីភាព នៃព្រឹទ្ធសភានៃព្រះរាជាណាចក្រកម្ពុជាត្រូវបានចាត់ទុកថា ការឆ្លុះបញ្ចាំងនូវយុគសម័យរុងរឿងរបស់កម្ពុជា ដែលមានមូលដ្ឋានកើតចេញពីគ្រឹះនៃសន្តិភាព ឯកភាពជាតិ និងកម្លាំងសាមគ្គីភាពជាតិដ៏រឹងមាំ
ចិន បង្ហាញក្ដីបារម្ភខ្លាំង ខណៈជប៉ុនមានលទ្ធភាពអាចផលិតនុយក្លេអ៊ែរបានរាប់ពាន់គ្រាប់
ព្រឹត្តិការណ៍, អាជីវកម្មថ្មី និងនវានុវត្ត
• 21/08/2026
រដ្ឋាភិបាលក្រុងប៉េកាំង បានសម្តែងក្ដីបារម្ភចំពោះសមត្ថភាពនុយក្លេអ៊ែរដែលកំពុងកើនឡើង និងការផ្លាស់ប្តូរគោលជំហរក្នុងវិស័យការពារជាតិរបស់ក្រុងតូក្យូ ប្រទេសជប៉ុន ចង់ផលិតអាវុធនុយក្លេអ៊ែរ
បច្ចេកវិទ្យា AI កំពុងស្រូបទាញទុនរាប់ទ្រីលានដុល្លារ បង្កក្តីបារម្ភពីហានិភ័យហិរញ្ញវត្ថុ
ព្រឹត្តិការណ៍, អាជីវកម្មថ្មី និងនវានុវត្ត
• 21/08/2026
ក្តីបារម្ភជុំវិញកំណើនបែបពពុះផុយស្រួយ (កំណើនពពុះស្រួយ) ផ្នែកហិរញ្ញវត្ថុ ក្នុងវិស័យបច្ចេកវិទ្យាបញ្ញាសិប្បនិម្មិត (AI) កំពុងក្លាយជាសំណួរដ៏សំខាន់ ខណៈក្រុមហ៊ុនបច្ចេកវិទ្យាយក្សនៅសហរដ្ឋអាមេរិកគ្រោងចំណាយថវិកា ១,១ ទ្រីលានដុល្លារ ចាប់ពីឆ្នាំ ២០២៦ ដល់ឆ្នាំ ២០២៩ ហើយការវិនិយោគលើវិស័យ AI ទូទាំងពិភពលោកត្រូវបានព្យាករណ៍ថានឹងកើនលើស ២,៥ ទ្រីលានដុល្លារ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content